សំណួរពីអ្នកអាន
ពេលសាថានបានប្រាប់អេវ៉ាថានាងនឹងមិនស្លាប់ទេ បើនាងបរិភោគផ្លែពីដើមដឹងខុសត្រូវ តើវាកំពុងធ្វើឲ្យនាងគិតថាមនុស្សមានព្រលឹងអមតៈ ដូចមនុស្សជាច្រើនគិតនៅសព្វថ្ងៃនេះឬទេ?
តាមមើលទៅមិនមែនទេ។ មេកំណាចមិនបានប្រាប់អេវ៉ាថា បើនាងបរិភោគផ្លែដែលព្រះបានហាម នាងនឹងស្លាប់តែរូបកាយប៉ុណ្ណោះ ប៉ុន្តែអ្វីមួយដែលមើលមិនឃើញនឹងចេញពីនាង (មនុស្សខ្លះសព្វថ្ងៃនេះហៅថាព្រលឹងអមតៈ) ហើយនឹងបន្តរស់នៅកន្លែងផ្សេងទៀតនោះទេ។ ដោយនិយាយតាមរយៈសត្វពស់ សាថានបានអះអាងថា បើអេវ៉ាបរិភោគផ្លែពីដើមឈើនោះ ‹នាងមិនស្លាប់ជាពិតមែនទេ›។ វាចង់និយាយថានាងនឹងបន្តរស់នៅដោយមានជីវិតល្អប្រសើរជាងនៅផែនដី ហើយនោះគឺជីវិតដែលមិនពឹងផ្អែកលើព្រះ។—លោ. ២:១៧; ៣:៣-៥
បើសេចក្ដីបង្រៀនមិនពិតដែលគេបង្រៀននៅសព្វថ្ងៃនេះអំពីព្រលឹងអមតៈ មិនមានដើមកំណើតពីសួនអេដែន តើសេចក្ដីបង្រៀននោះមានតាំងពីពេលណា? យើងមិនដឹងច្បាស់ទេ។ តែយើងដឹងថាការគោរពប្រណិប័តន៍មិនពិតទាំងអស់បានត្រូវបំផ្លាញចោលនៅពេលទឹកជំនន់នាសម័យណូអេ។ ដោយសារមានតែណូអេនិងក្រុមគ្រួសាររបស់គាត់ប៉ុណ្ណោះដែលបានរួចជីវិតពីទឹកជំនន់ ហើយពួកគេសុទ្ធតែជាអ្នកគោរពប្រណិប័តន៍ពិត នោះគ្មានអ្នកណាបង្រៀនរឿងមិនពិតខាងសាសនាទេ។
ដូច្នេះ សេចក្ដីបង្រៀនអំពីព្រលឹងអមតៈច្បាស់ជាបានចាប់ផ្ដើមក្រោយពីទឹកជំនន់។ ពេលព្រះបានបំភាន់ភាសានៅបាបិល ហើយមនុស្សបានខ្ចាត់ខ្ចាយ«ទៅគ្រប់លើផែនដី» ពួកគេច្បាស់ជាបានពាំនាំសេចក្ដីបង្រៀនអំពីព្រលឹងអមតៈទៅជាមួយ។ (លោ. ១១:៨, ៩) ទោះជាសេចក្ដីបង្រៀនមិនពិតនេះមានដើមកំណើតនៅពេលណាក្ដី យើងអាចប្រាកដថាសេចក្ដីបង្រៀននេះមកពីមេកំណាចសាថានដែលជា«ឪពុកនៃការភូតភរ» ហើយវាសប្បាយពេលឃើញសេចក្ដីបង្រៀននេះបានរីករាលដាលយ៉ាងច្រើនក្រៃលែង។—យ៉ូន. ៨:៤៤
លោកអ្នកក៏ប្រហែលជាចូលចិត្តដែរ
ទស្សនាវដ្ដី
សំណួរពីអ្នកអាន ខែកក្កដា ឆ្នាំ២០២២
ទស្សនាវដ្ដី
សំណួរពីអ្នកអាន ខែមេសា ឆ្នាំ២០២២
បើគ្រិស្តសាសនិកណាម្នាក់លែងលះប្រពន្ធគាត់ដោយគ្មានមូលដ្ឋានលើគម្ពីរ ហើយក្រោយមករៀបការជាមួយបុគ្គលផ្សេង តើក្រុមជំនុំមានទស្សនៈយ៉ាងណាចំពោះអាពាហ៍ពិពាហ៍ពីមុន និងអាពាហ៍ពិពាហ៍ថ្មី?
ទស្សនាវដ្ដី
សំណួរពីអ្នកអាន ខែមីនា ឆ្នាំ២០២២
ទស្សនាវដ្ដី
សំណួរពីអ្នកអាន ខែធ្នូ ឆ្នាំ២០២១
ទស្សនាវដ្ដី
