តើអ្នកចាំឬទេ?
តើអ្នកអាចឆ្លើយសំណួរទាំងនេះដែលមកពីទស្សនាវដ្ដីប៉មយាមឆ្នាំ២០១៩ឬទេ?
តើសេចក្ដីសន្យារបស់ព្រះដែលថា៖ «ឯគ្រឿងសស្ដ្រាវុធណាដែលគេធ្វើឡើង នោះគ្មានណាមួយនឹងអាចទាស់នឹងឯងបានឡើយ»មានន័យយ៉ាងណា? (អេ. ៥៤:១៧)
យើងអាចមានទំនុកចិត្តថាព្រះយេហូវ៉ានឹងការពារយើងពី«ខ្យល់គំហុករបស់ពួកគួរស្ញែងខ្លាច»។ (អេ. ២៥:៤, ៥) សត្រូវរបស់យើងនឹងមិនធ្វើឲ្យយើងរងទុក្ខរហូតឡើយ។—w១៩.០១ ទំ. ៦-៧
តើរបៀបដែលព្រះប្រព្រឹត្តចំពោះជនជាតិកាណាននិងជនជាតិអ៊ីស្រាអែលដែលមិនស្ដាប់បង្គាប់លោក បង្ហាញអំពីយុត្ដិធម៌របស់លោកយ៉ាងដូចម្ដេច?
ព្រះបានវិនិច្ឆ័យទោសពួកអ្នកដែលប្រព្រឹត្តអំពើដ៏ស្មោកគ្រោកខាងការរួមភេទ ឬធ្វើបាបស្ត្រីនិងកូនក្មេង។ លោកបានឲ្យពរពួកអ្នកដែលស្ដាប់បង្គាប់លោកនិងដែលប្រព្រឹត្តចំពោះអ្នកឯទៀតដោយយុត្ដិធម៌។—w១៩.០២ ទំ. ២២-២៣
ពេលអ្នកមិនជឿកំពុងអធិដ្ឋាន តើយើងគួរធ្វើអ្វីបើយើងនៅទីនោះ?
យើងអាចនៅស្ងៀម ហើយបង្ហាញការគោរព ប៉ុន្តែយើងមិនពោលពាក្យ«អាមេន»ឬកាន់ដៃអ្នកឯទៀតទេ។ យើងប្រហែលជាអធិដ្ឋានក្នុងចិត្តវិញ។—w១៩.០៣ ទំ. ៣១
តើការបៀតបៀនកេរ្ដិ៍ខ្មាសកុមារគឺជារឿង ធ្ងន់ធ្ងរយ៉ាងណា?
ការបៀតបៀនកេរ្ដិ៍ខ្មាសកុមារជាអំពើខុសឆ្គងចំពោះជនរងគ្រោះ ក្រុមជំនុំ ពួកអាជ្ញាធរ និងព្រះ។ នៅប្រទេសដែលច្បាប់តម្រូវឲ្យរាយការណ៍ទៅពួកអាជ្ញាធរពេលមានអ្នកណាម្នាក់ចោទប្រកាន់ពីបទបៀតបៀនកេរ្ដិ៍ខ្មាសកុមារ ពួកអ្នកចាស់ទុំធ្វើតាមច្បាប់នោះ។—w១៩.០៥ ទំ. ៩-១០
តើអ្នកអាចផ្លាស់ប្ដូរផ្នត់គំនិតរបស់អ្នកឬមានគំនិតល្អប្រសើរជាងយ៉ាងដូចម្ដេច?
គឺសំខាន់ដែលអ្នកអធិដ្ឋាន ពិនិត្យពិចារណាអំពីខ្លួនអ្នក និងជ្រើសរើសមិត្តល្អ។—w១៩.០៦ ទំ. ១១
តើយើងអាចធ្វើអ្វីនៅឥឡូវនេះដើម្បីត្រៀមខ្លួនសម្រាប់ការបៀតបៀន?
យើងត្រូវពង្រឹងចំណងមិត្តភាពរបស់យើងជាមួយនឹងព្រះយេហូវ៉ា។ ដូច្នេះ ចូរមានទំនុកចិត្តថាព្រះយេហូវ៉ាស្រឡាញ់យើង ហើយលោកនឹងមិនបោះបង់ចោលយើងឡើយ។ ចូរអានគម្ពីរជារៀងរាល់ថ្ងៃ និងអធិដ្ឋានជាទៀងទាត់។ ចូរជឿជាក់ថាពរនៃរាជាណាចក្រព្រះនឹងកើតឡើងពិតមែន។ ចូរទន្ទេញចាំបទគម្ពីរដែលអ្នកចូលចិត្តនិងចម្រៀងសរសើរតម្កើងព្រះ។—w១៩.០៧ ទំ. ២-៥
តើយើងអាចធ្វើអ្វីដើម្បីជួយសាច់ញាតិឲ្យទទួលសេចក្ដីសង្គ្រោះ?
គឺសំខាន់ដែលយើងចេះយល់អារម្មណ៍របស់ពួកគេ ធ្វើជាគំរូល្អក្នុងការប្រព្រឹត្ត មានចិត្តអត់ធ្មត់ និងនិយាយអ្វីដែលមិនធ្វើឲ្យពួកគេទើសចិត្ត។—w១៩.០៨ ទំ. ១៥-១៧
ដូចដែលលោកយេស៊ូបានសន្យានៅម៉ាថាយ ១១:២៨ តើយើងទទួលកម្លាំងចិត្តឡើងវិញយ៉ាងដូចម្ដេច?
យើងមានអ្នកត្រួតពិនិត្យក្នុងក្រុមជំនុំគ្រិស្តសាសនិកពិតដែលស្រឡាញ់យើង ហើយយើងក៏មានមិត្តភក្ដិនិងកិច្ចការល្អបំផុត។—w១៩.០៩ ទំ. ២៣-២៤
តើតាមរបៀបណាព្រះអាចជួយយើងឲ្យមានបំណងប្រាថ្នានិងមានសមត្ថភាពប្រព្រឹត្ត? (ភី. ២:១៣)
កាលដែលយើងអានបណ្ដាំរបស់ព្រះនិងរំពឹងគិតអំពីអ្វីដែលយើងអាន ព្រះអាចមានសកម្មភាពក្នុងយើងដើម្បីឲ្យយើងមានបំណងប្រាថ្នានិងមានសមត្ថភាពប្រព្រឹត្ត។ សកម្មពលរបស់លោកអាចធ្វើឲ្យយើងកាន់តែមានសមត្ថភាព។—w១៩.១០ ទំ. ២១
តើយើងគួរធ្វើតាមយោបល់អ្វីខ្លះមុនយើងធ្វើការសម្រេចចិត្តដ៏សំខាន់?
យោបល់ប្រាំគឺ៖ ចូរស្វែងយល់ឲ្យបានហ្មត់ចត់ អធិដ្ឋានសុំប្រាជ្ញា ពិនិត្យមើលបំណងចិត្តរបស់អ្នក មានគោលដៅជាក់លាក់ និងធ្វើជាមនុស្សសមហេតុផល។—w១៩.១១ ទំ. ២៧-២៩
តើសេចក្ដីបង្រៀនអំពីព្រលឹងអមតៈមកពីអ្វីដែលសាថានបានប្រាប់អេវ៉ាឬទេ?
តាមមើលទៅមិនមែនទេ។ សាថានប្រាប់អេវ៉ាថានាងនឹងមិនស្លាប់ទេ វាមិនមែនប្រាប់ថានាងនឹងស្លាប់តែរូបកាយឡើយ។ សេចក្ដីបង្រៀនមិនពិតខាងសាសនាបានត្រូវបំផ្លាញនៅពេលទឹកជំនន់។ ជំនឿអំពីព្រលឹងអមតៈទំនងជាបានចាប់ផ្ដើម មុនពេលព្រះធ្វើឲ្យមនុស្សដែលសង់ប៉មបាបិលខ្ចាត់ខ្ចាយទៅគ្រប់លើផែនដី។—w១៩.១២ ទំ. ១៥
