អត្ថបទសិក្សា ៥១
តើអ្នកស្គាល់ព្រះយេហូវ៉ាច្រើនប៉ុណ្ណា?
«អស់អ្នកដែលស្គាល់ព្រះនាមទ្រង់ គេនឹងទុកចិត្តដល់ទ្រង់ ដ្បិតឱព្រះយេហូវ៉ាអើយ ទ្រង់មិនបានបោះបង់ចោលពួកអ្នកដែលស្វែងរកទ្រង់ឡើយ»។—ទំនុក. ៩:១០
ចម្រៀងលេខ៥៦ ចូរសម្រេចចិត្តកាន់តាមសេចក្ដីពិត
សេចក្ដីសង្ខេប *
១-២. តើបទពិសោធន៍របស់បងអាងហេលីតូបង្ហាញថាយើងម្នាក់ៗត្រូវធ្វើអ្វី?
តើឪពុកម្ដាយរបស់អ្នកគឺជាសាក្សីព្រះយេហូវ៉ាឬទេ? បើមែន សូមចាំថាអ្នកមិនអាចទទួលចំណងមិត្តភាពជាមួយនឹងព្រះយេហូវ៉ាជាមត៌កបន្តពីពួកគាត់បានឡើយ។ មិនថាឪពុកម្ដាយរបស់យើងបម្រើព្រះឬមិនបម្រើលោកក្ដី យើងម្នាក់ៗត្រូវពង្រឹងចំណងមិត្តភាពផ្ទាល់ជាមួយនឹងព្រះយេហូវ៉ា។
២ សូមគិតអំពីបទពិសោធន៍របស់បងប្រុសម្នាក់ឈ្មោះអាងហេលីតូ។ គាត់បានត្រូវចិញ្ចឹមអប់រំក្នុងក្រុមគ្រួសារដែលជាសាក្សី។ ទោះជាយ៉ាងនេះក្ដី កាលដែលគាត់នៅក្មេង គាត់មិនសូវមានអារម្មណ៍ជិតស្និទ្ធជាមួយនឹងព្រះទេ។ គាត់សារភាពថា៖ «ខ្ញុំបម្រើព្រះយេហូវ៉ា ដោយសារតែខ្ញុំចង់ធ្វើតាមក្រុមគ្រួសាររបស់ខ្ញុំ»។ ក៏ប៉ុន្តែ បងអាងហេលីតូបានសម្រេចចិត្តចំណាយពេលច្រើនជាងដើម្បីអាននិងរំពឹងគិតអំពីបណ្ដាំរបស់ព្រះ ហើយគាត់បានចាប់ផ្ដើមអធិដ្ឋានទៅព្រះច្រើនជាងមុន។ តើនោះនាំឲ្យមានលទ្ធផលយ៉ាងណា? បងអាងហេលីតូនិយាយថា៖ «ខ្ញុំបានរៀនថារបៀបតែមួយគត់ដើម្បីជិតស្និទ្ធនឹងព្រះយេហូវ៉ាដែលជាបិតាជាទីស្រឡាញ់របស់ខ្ញុំ គឺខ្ញុំត្រូវស្គាល់លោកដោយខ្លួនឯង»។ បទពិសោធន៍បងអាងហេលីតូនាំឲ្យមានសំណួរសំខាន់ខ្លះដូចជា៖ តើការដឹងអំពីព្រះយេហូវ៉ានិងការស្គាល់លោកច្បាស់គឺខុសគ្នាយ៉ាងណា? តើយើងអាចធ្វើអ្វីដើម្បីស្គាល់ព្រះយេហូវ៉ាឲ្យបានច្បាស់?
៣. តើការដឹងអំពីព្រះយេហូវ៉ានិងការស្គាល់លោកច្បាស់គឺខុសគ្នាយ៉ាងណា?
៣ យើងប្រហែលជាគិតថាយើងស្គាល់ព្រះ ដោយសារយើងស្គាល់នាមរបស់លោក ឬដឹងអំពីអ្វីមួយចំនួនដែលលោកបានធ្វើឬមានប្រសាសន៍។ ប៉ុន្តែ នេះមិនមែនមានន័យថាយើងស្គាល់ព្រះយេហូវ៉ាច្បាស់ឡើយ។ យើងត្រូវចំណាយពេលរៀនអំពីព្រះយេហូវ៉ានិងគុណសម្បត្ដិដ៏អស្ចារ្យរបស់លោក។ ទាល់តែធ្វើដូច្នេះ ទើបយើងអាចចាប់ផ្ដើមយល់អំពីអ្វី
ដែលជំរុញចិត្តលោកឲ្យប្រព្រឹត្តនិងមានប្រសាសន៍។ នោះនឹងជួយយើងឲ្យពិចារណាថាតើលោកពេញចិត្តនឹងទស្សនៈ ការសម្រេចចិត្ត និងការប្រព្រឹត្តរបស់យើងឬយ៉ាងណា។ ក្រោយពីយើងបានពិចារណាអំពីបំណងប្រាថ្នារបស់ព្រះយេហូវ៉ាសម្រាប់យើង យើងត្រូវប្រព្រឹត្តឲ្យសមស្របតាមអ្វីដែលយើងបានរៀន។៤. តើការពិចារណាអំពីគំរូក្នុងគម្ពីរនឹងជួយយើងយ៉ាងដូចម្ដេច?
៤ មនុស្សខ្លះប្រហែលជាសើចចំអកយើងដោយសារយើងចង់បម្រើព្រះយេហូវ៉ា ហើយពួកគេប្រហែលជាប្រឆាំងយើងកាន់តែខ្លាំង ពេលយើងចាប់ផ្ដើមចូលរួមកិច្ចប្រជុំ។ ប៉ុន្តែ បើយើងទុកចិត្តលើព្រះយេហូវ៉ា លោកនឹងមិនបោះបង់យើងទេ។ យើងនឹងចាប់ផ្ដើមមានចំណងមិត្តភាពដ៏ស្ថិតស្ថេរជាមួយនឹងព្រះអស់មួយជីវិត។ តើយើងពិតជាអាចស្គាល់ព្រះយេហូវ៉ាច្បាស់ដល់កម្រិតនោះឬទេ? យើងពិតជាអាច! យើងដឹងដូច្នេះតាមរយៈគំរូរបស់មនុស្សមិនល្អឥតខ្ចោះដូចជាម៉ូសេនិងស្តេចដាវីឌជាដើម។ កាលដែលយើងពិចារណាអំពីការប្រព្រឹត្តរបស់ពួកគាត់ យើងនឹងឆ្លើយសំណួរពីរគឺ៖ តើពួកគាត់ស្គាល់ព្រះយេហូវ៉ាតាមរបៀបណា? តើយើងអាចរៀនអ្វីពីគំរូរបស់ពួកគាត់?
ម៉ូសេបានមើលឃើញ«លោកដែលមនុស្សមើលពុំឃើញ»
៥. តើម៉ូសេបានសម្រេចចិត្តធ្វើអ្វី?
៥ ម៉ូសេបានធ្វើតាមអ្វីដែលគាត់បានរៀន។ ពេលម៉ូសេមានអាយុប្រហែលជា៤០ឆ្នាំ គាត់បានសម្រេចចិត្តសេពគប់ជាមួយនឹងរាស្ត្ររបស់ព្រះដែលជាជនជាតិហេប្រឺ ជាជាងឲ្យគេស្គាល់គាត់ថាជា«កូនរបស់កូនស្រីផារ៉ូ»។ (ហេ. ១១:២៤) ម៉ូសេបានលះចោលឋានៈខ្ពង់ខ្ពស់។ ពេលម៉ូសេគាំទ្រជនជាតិហេប្រឺ គាត់ដឹងថាផារ៉ូនឹងខឹងយ៉ាងខ្លាំង។ ផារ៉ូជាស្តេចដែលមានអំណាចខ្លាំងក្លា ហើយជនជាតិអេស៊ីបបានចាត់ទុកថាគាត់ជាព្រះមួយ។ នេះបង្ហាញថាម៉ូសេមានជំនឿមាំមួនមែន! ម៉ូសេបានទុកចិត្តព្រះយេហូវ៉ា។ ទំនុកចិត្តបែបនេះគឺជាមូលហេតុសំខាន់មួយដែលម៉ូសេមានចំណងមិត្តភាពជិតស្និទ្ធជាមួយនឹងព្រះយេហូវ៉ាពេញមួយជីវិតរបស់គាត់។—សុភ. ៣:៥
៦. តើយើងអាចរៀនអ្វីពីគំរូរបស់ម៉ូសេ?
៦ តើយើងអាចទាញយកមេរៀនអ្វី? ដូចម៉ូសេ យើងទាំងអស់គ្នាត្រូវសម្រេចចិត្តថា តើយើងនឹងបម្រើព្រះនិងសេពគប់ជាមួយនឹងរាស្ត្ររបស់លោកឬទេ? យើងប្រហែលជាត្រូវធ្វើការលះបង់ដើម្បីបម្រើព្រះ ហើយរងការប្រឆាំងពីពួកអ្នកដែលមិនស្គាល់ព្រះយេហូវ៉ា។ ប៉ុន្តែបើយើងទុកចិត្តបិតារបស់យើងនៅស្ថានសួគ៌ យើងអាចប្រាកដថាលោកនឹងជួយគាំទ្រយើង។
៧-៨. តើម៉ូសេបានបន្តរៀនអំពីអ្វី?
៧ ម៉ូសេបានបន្តរៀនអំពីគុណសម្បត្ដិរបស់ព្រះយេហូវ៉ា ហើយធ្វើតាមបំណងប្រាថ្នារបស់លោក។ ជាឧទាហរណ៍ ម៉ូសេគ្មានទំនុកចិត្ត ពេលគាត់បានត្រូវសុំឲ្យដឹកនាំប្រជាជាតិអ៊ីស្រាអែលចេញពីស្រុកអេស៊ីប ហើយគាត់បានប្រាប់ព្រះយេហូវ៉ាម្ដងហើយម្ដងទៀតអំពីអារម្មណ៍របស់គាត់ថា គាត់គ្មានគុណសម្បត្ដិគ្រប់គ្រាន់ទេ។ ព្រះបានតបឆ្លើយដោយបង្ហាញថាលោកមានសេចក្ដីអាណិតមេត្ដា ពោលគឺលោកយល់អារម្មណ៍របស់ម៉ូសេ ហើយបានផ្ដល់ជំនួយដល់គាត់។ (និក្ខ. ៤:១០-១៦) ជាលទ្ធផល ម៉ូសេអាចប្រាប់ដំណឹងអំពីការវិនិច្ឆ័យទោសដល់ផារ៉ូ។ ម៉ូសេបានឃើញព្រះយេហូវ៉ាប្រើឫទ្ធានុភាពរបស់លោកក្នុងការសង្គ្រោះជនជាតិអ៊ីស្រាអែល និងក្នុងការបានបំផ្លាញផារ៉ូព្រមទាំងកងទ័ពរបស់គាត់នៅសមុទ្រក្រហម។—និក្ខ. ១៤:២៦-៣១; ទំនុក. ១៣៦:១៥
៨ ក្រោយពីម៉ូសេបានដឹកនាំជនជាតិអ៊ីស្រាអែលចេញពីស្រុកអេស៊ីប ពួកគេចេះតែត្អូញត្អែរពីនេះពីនោះ។ ទោះជាយ៉ាងនេះក៏ដោយ ម៉ូសេបានឃើញចិត្តអត់ធ្មត់ដ៏ក្រៃលែងរបស់ព្រះយេហូវ៉ា ក្នុងការដែលលោកប្រព្រឹត្តចំពោះបណ្ដាជនដែលលោកបានរំដោះពីភាពជាខ្ញុំបម្រើ។ (ទំនុក. ៧៨:៤០-៤៣) ម៉ូសេក៏បានឃើញព្រះយេហូវ៉ាបង្ហាញចិត្តរាបទាបដ៏គួរឲ្យស្ងើចសរសើរ ពេលដែលលោកបានផ្លាស់ប្ដូរចិត្តរបស់លោកដោយសារគាត់បានសុំលោកឲ្យធ្វើដូច្នេះ។—និក្ខ. ៣២:៩-១៤
៩. យោងទៅតាមហេប្រឺ ១១:២៧ តើចំណងមិត្តភាពរបស់ម៉ូសេជាមួយនឹងព្រះយេហូវ៉ាជិតស្និទ្ធដល់កម្រិតណា?
៩ ក្រោយពីការរំដោះចេញពីស្រុកអេស៊ីប ចំណងមិត្តភាពរបស់ហេប្រឺ ១១:២៧) គម្ពីរបង្ហាញថាចំណងមិត្តភាពនោះគឺជិតស្និទ្ធយ៉ាងណា ដោយចែងថា៖ «ព្រះយេហូវ៉ាទ្រង់មានបន្ទូលប្រទល់មុខនឹងម៉ូសេ ដូចជាមនុស្សនិយាយនឹងសំឡាញ់ខ្លួន»។—និក្ខ. ៣៣:១១
ម៉ូសេជាមួយនឹងព្រះយេហូវ៉ាគឺជិតស្និទ្ធដល់ម្ល៉េះ ហាក់ដូចជាគាត់អាចឃើញបិតាដែលស្ថិតនៅស្ថានសួគ៌។ (សូមអាន១០. ដើម្បីស្គាល់ព្រះយេហូវ៉ាច្បាស់ តើយើងត្រូវធ្វើអ្វី?
១០ តើយើងអាចទាញយកមេរៀនអ្វី? ដើម្បីស្គាល់ព្រះយេហូវ៉ាច្បាស់ យើងមិនគ្រាន់តែត្រូវរៀនអំពីគុណសម្បត្ដិរបស់លោកប៉ុណ្ណោះទេ ប៉ុន្តែយើងក៏ត្រូវធ្វើតាមបំណងប្រាថ្នារបស់លោកដែរ។ នៅសព្វថ្ងៃនេះ ព្រះយេហូវ៉ាមានបំណងប្រាថ្នាឲ្យ«មនុស្សគ្រប់ប្រភេទទទួលសេចក្ដីសង្គ្រោះ ហើយមានចំណេះត្រឹមត្រូវអំពីសេចក្ដីពិត»។ (១ធី. ២:៣, ៤) របៀបមួយដែលយើងធ្វើតាមបំណងប្រាថ្នារបស់ព្រះយេហូវ៉ា គឺដោយបង្រៀនអ្នកឯទៀតអំពីលោក។
១១. កាលដែលយើងបង្រៀនអ្នកឯទៀតអំពីព្រះយេហូវ៉ា តើយើងអាចស្គាល់លោកច្បាស់ជាងតាមរបៀបណា?
១១ ពេលយើងបង្រៀនអ្នកឯទៀតអំពីព្រះយេហូវ៉ា យើងក៏ស្គាល់លោកច្បាស់ជាង។ ជាឧទាហរណ៍ យើងឃើញភ័ស្តុតាងជាក់ច្បាស់អំពីសេចក្ដីអាណិតមេត្ដារបស់ព្រះយេហូវ៉ា ពេលលោកដឹកនាំយើងឲ្យរកឃើញពួកអ្នកដែលមានចិត្តគំនិតត្រឹមត្រូវ។ (យ៉ូន. ៦:៤៤; សកម្ម. ១៣:៤៨) យើងឃើញឫទ្ធានុភាពនៃបណ្ដាំរបស់ព្រះ កាលដែលយើងឃើញពួកអ្នកដែលយើងបង្រៀនបណ្ដាំរបស់ព្រះឈប់ធ្វើតាមទម្លាប់អាក្រក់របស់ខ្លួន ហើយចាប់ផ្ដើមបំពាក់ខ្លួនដោយបុគ្គលិកលក្ខណៈថ្មី។ (កូឡ. ៣:៩, ១០) ម្យ៉ាងទៀត យើងឃើញភ័ស្តុតាងអំពីចិត្តអត់ធ្មត់របស់ព្រះ កាលដែលលោកផ្ដល់ឱកាសច្រើនដងដល់មនុស្សក្នុងតំបន់ផ្សាយរបស់យើងឲ្យរៀនអំពីលោក ហើយទទួលសេចក្ដីសង្គ្រោះ។—រ៉ូម ១០:១៣-១៥
១២. យោងទៅតាមនិក្ខមនំ ៣៣:១៣ តើម៉ូសេបានសុំអ្វី ហើយហេតុអ្វី?
១២ ម៉ូសេបានឲ្យតម្លៃចំពោះចំណងមិត្តភាពរបស់គាត់ជាមួយនឹងព្រះយេហូវ៉ា។ សូម្បីតែក្រោយពីម៉ូសេបានធ្វើការដ៏អស្ចារ្យផ្សេងៗដោយនូវនាមរបស់ព្រះយេហូវ៉ា ក៏គាត់នៅតែសុំលោកឲ្យជួយគាត់ស្គាល់លោកច្បាស់ជាង។ (សូមអាន និក្ខមនំ ៣៣:១៣) នៅពេលនោះ ម៉ូសេមានអាយុជាង៨០ឆ្នាំ តែគាត់ដឹងថាគាត់នៅតែមានអ្វីជាច្រើនដើម្បីរៀនអំពីបិតារបស់គាត់នៅស្ថានសួគ៌ដែលប្រកបដោយសេចក្ដីស្រឡាញ់។
១៣. តើរបៀបមួយដែលយើងអាចបង្ហាញថាយើងឲ្យតម្លៃចំពោះចំណងមិត្តភាពរបស់យើងជាមួយនឹងព្រះគឺជាអ្វី?
១៣ តើយើងអាចទាញយកមេរៀនអ្វី? មិនថាយើងបម្រើព្រះយេហូវ៉ាយូរយ៉ាងណាក្ដី យើងគួរឲ្យតម្លៃចំពោះចំណងមិត្តភាពរបស់យើងជាមួយនឹងលោក។ របៀបមួយដែលយើងអាចបង្ហាញថាយើងឲ្យតម្លៃចំពោះចំណងមិត្តភាពរបស់យើងជាមួយនឹងព្រះ គឺដោយអធិដ្ឋានទៅលោក។
១៤. ហេតុអ្វីសេចក្ដីអធិដ្ឋានគឺសំខាន់ម្ល៉េះដើម្បីជួយយើងឲ្យរៀនថែមទៀតអំពីព្រះ?
១៤ បើអ្នកចង់មានមិត្តភាពជិតស្និទ្ធជាមួយនឹងអ្នកណាម្នាក់ អ្នកត្រូវប្រាស្រ័យទាក់ទងជាមួយនឹងគាត់ឲ្យបានញឹកញាប់។ ដូច្នេះ ដើម្បីមានចំណងមិត្តភាពជិតស្និទ្ធជាមួយនឹងព្រះ សូមអធិដ្ឋានទៅលោកជារឿយៗ ហើយសូមកុំខ្លាចប្រាប់លោកអំពីគំនិតនិងអារម្មណ៍របស់អ្នកឡើយ។ (អេភ. ៦:១៨) បងស្រីម្នាក់ឈ្មោះគ្រីស្ដាដែលរស់នៅប្រទេសតួកគី និយាយថា៖ «រាល់ដងដែលខ្ញុំអធិដ្ឋានប្រាប់ព្រះយេហូវ៉ាអំពីគំនិតរបស់ខ្ញុំ ហើយឃើញថាលោកជួយខ្ញុំ នោះខ្ញុំកាន់តែស្រឡាញ់និងទុកចិត្តលោក។ ពេលខ្ញុំឃើញរបៀបដែលលោកតបឆ្លើយសេចក្ដីអធិដ្ឋានរបស់ខ្ញុំ នោះបានជួយខ្ញុំឲ្យចាត់ទុកព្រះយេហូវ៉ាជាបិតានិងមិត្តសម្លាញ់របស់ខ្ញុំ»។
មនុស្សម្នាក់ដែលត្រូវនឹងចិត្ត របស់ព្រះយេហូវ៉ា
១៥. តើព្រះយេហូវ៉ាបានរៀបរាប់យ៉ាងណាអំពីដាវីឌ?
១៥ ស្តេចដាវីឌបានកើតមកក្នុងប្រជាជាតិមួយដែលបានប្រគល់ខ្លួនជូនព្រះយេហូវ៉ា។ ប៉ុន្តែ ដាវីឌមិនគ្រាន់តែគោរពប្រណិប័តន៍ព្រះយេហូវ៉ាតាមក្រុមគ្រួសាររបស់គាត់ទេ។ គាត់បានបណ្ដុះឲ្យមានចំណងមិត្តភាពផ្ទាល់ជាមួយនឹងព្រះយេហូវ៉ា ហើយលោកស្រឡាញ់គាត់ខ្លាំងណាស់។ ព្រះយេហូវ៉ាបានរៀបរាប់ថាដាវីឌជា«អ្នកសកម្ម. ១៣:២២) តើដាវីឌអាចមានចំណងមិត្តភាពជិតស្និទ្ធខ្លាំងបែបនេះជាមួយនឹងព្រះយេហូវ៉ាយ៉ាងដូចម្ដេច?
ត្រូវនឹងចិត្តរបស់[លោក]»។ (១៦. ដោយសង្កេតមើលអ្វីៗដែលព្រះយេហូវ៉ាបានបង្កើត តើដាវីឌបានរៀនអ្វីអំពីលោក?
១៦ ដាវីឌបានរៀនអំពីព្រះយេហូវ៉ាតាមរយៈអ្វីដែលលោកបានបង្កើត។ ពេលដាវីឌនៅក្មេង គាត់បានចំណាយពេលជាច្រើនម៉ោងនៅខាងក្រៅផ្ទះ ដើម្បីថែរក្សាចៀមរបស់ឪពុកគាត់។ ប្រហែលជាពេលនោះហើយ ដែលគាត់បានចាប់ផ្ដើមរំពឹងគិតអំពីអ្វីៗដែលព្រះយេហូវ៉ាបានបង្កើត។ ជាឧទាហរណ៍ កាលដាវីឌសម្លឹងទៅលើមេឃនៅពេលយប់ គាត់មិនគ្រាន់តែបានឃើញផ្កាយជាច្រើនប៉ុណ្ណោះទេ តែគាត់ក៏បានស្វែងយល់អំពីគុណសម្បត្ដិរបស់បុគ្គលដែលបានបង្កើតផ្កាយទាំងនោះដែរ។ នោះបានជំរុញចិត្តដាវីឌឲ្យសរសេរថា៖ «ផ្ទៃមេឃសំដែងពីសិរីល្អនៃព្រះ ហើយលំហអាកាសក៏បង្ហាញការដែលព្រះហស្តទ្រង់ធ្វើ»។ (ទំនុក. ១៩:១, ២) ពេលដាវីឌពិចារណាអំពីរបៀបដែលមនុស្សបានត្រូវបង្កើតមក គាត់បានឃើញអំពីប្រាជ្ញាដ៏អស្ចារ្យរបស់ព្រះយេហូវ៉ា។ (ទំនុក. ១៣៩:១៤) កាលដែលដាវីឌរំពឹងគិតអំពីអ្វីៗដែលព្រះយេហូវ៉ាបានបង្កើត គាត់បានទទួលស្គាល់ថាគាត់តូចតាចខ្លាំងណាស់បើប្រៀបធៀបជាមួយនឹងព្រះយេហូវ៉ា។—ទំនុក. ១៣៩:៦
១៧. បើយើងរំពឹងគិតអំពីអ្វីដែលព្រះបានបង្កើត តើយើងអាចរៀនអ្វី?
១៧ តើយើងអាចទាញយកមេរៀនអ្វី? ចូរចាប់អារម្មណ៍នឹងអ្វីៗដែលព្រះបានបង្កើត។ សូមលៃទុកពេលដើម្បីសង្កេតមើលពិភពលោកដ៏ស្រស់ស្អាតនេះដែលព្រះយេហូវ៉ាបានបង្កើត ហើយកោតស្ងើចនឹងអ្វីទាំងនោះ! ក្នុងជីវិតប្រចាំថ្ងៃ សូមរំពឹងគិតអំពីមេរៀនដែលអ្នកអាចរៀនអំពីព្រះយេហូវ៉ាតាមរយៈអ្វីៗដែលនៅជុំវិញអ្នកដែលលោកបានបង្កើតដូចជារុក្ខជាតិ សត្វ និងមនុស្សជាដើម។ យ៉ាងនេះ រាល់ថ្ងៃអ្នកនឹងរៀនកាន់តែច្រើនអំពីបិតាដែលស្រឡាញ់អ្នក។ (រ៉ូម ១:២០) ម្យ៉ាងទៀត រាល់ថ្ងៃអ្នកនឹងឃើញថាអ្នកស្រឡាញ់លោកកាន់តែខ្លាំងឡើងៗ។
១៨. ដូចបានបង្ហាញនៅទំនុកតម្កើង ១៨ តើដាវីឌបានទទួលស្គាល់អ្វី?
១៨ ដាវីឌទទួលស្គាល់ថាព្រះយេហូវ៉ាបានជួយគាត់។ ជាឧទាហរណ៍ ពេលដាវីឌបានការពារចៀមរបស់ឪពុកគាត់ពីសត្វតោនិងខ្លាឃ្មុំ គាត់បានទទួលស្គាល់ថាព្រះយេហូវ៉ាគឺជាអ្នកដែលបានជួយគាត់ឲ្យយកឈ្នះសត្វសាហាវទាំងនោះ។ ពេលដាវីឌប្រយុទ្ធឈ្នះនឹងកូលីយ៉ាតដែលជាអ្នកចម្បាំងដ៏ធំសម្បើម គាត់បានឃើញច្បាស់ថាព្រះយេហូវ៉ាជាអ្នកណែនាំគាត់។ (១សាំ. ១៧:៣៧) ម្យ៉ាងទៀត នៅពេលដែលដាវីឌរត់គេចពីស្តេចសុលដែលមានចិត្តច្រណែន គាត់បានទទួលស្គាល់ថាគឺព្រះយេហូវ៉ាដែលជាអ្នកសង្គ្រោះគាត់។ (ពាក្យផ្ដើមនៃទំនុក. ១៨) បើដាវីឌមានអំណួត គាត់ប្រហែលជាគិតថាគាត់បានសម្រេចអ្វីទាំងនោះដោយខ្លួនឯង។ ប៉ុន្តែដាវីឌមានចិត្តរាបទាប ដូច្នេះគាត់បានទទួលស្គាល់ថាព្រះយេហូវ៉ាបានជួយគាត់ក្នុងជីវិតរបស់គាត់។—ទំនុក. ១៣៨:៦
១៩. តើយើងអាចរៀនអ្វីពីគំរូរបស់ដាវីឌ?
១៩ តើយើងអាចទាញយកមេរៀនអ្វី? យើងមិនគ្រាន់តែត្រូវសុំជំនួយពីព្រះយេហូវ៉ាប៉ុណ្ណោះទេ។ យើងក៏ត្រូវព្យាយាមកត់សម្គាល់អំពីពេលនិងរបៀបដែលលោកផ្ដល់ជំនួយដល់យើង។ បើយើងទទួលស្គាល់កម្រិតសមត្ថភាពរបស់យើងដោយចិត្តរាបទាប នោះយើងនឹងឃើញច្បាស់ថាព្រះយេហូវ៉ាបំពេញចំណុចដែលយើងខ្វះខាត។ ម្យ៉ាងវិញទៀត រាល់ដងដែលយើងឃើញព្រះយេហូវ៉ាជួយយើង នោះចំណងមិត្តភាពរបស់យើងជាមួយលោកនឹងកាន់តែមាំមួន។ បងប្រុសអៃសាកនៅកោះហ្វីជីដែលបានបម្រើព្រះយេហូវ៉ាអស់ជាច្រើនឆ្នាំ បានឃើញថានេះជាការពិត។ គាត់និយាយថា៖ «ពេលគិតអំពីអតីតកាល ខ្ញុំអាចឃើញអំពីរបៀបដែលព្រះយេហូវ៉ាបានជួយខ្ញុំតាំងពីខ្ញុំបានចាប់ផ្ដើមរៀនគម្ពីររហូតមកដល់ឥឡូវនេះ។ ម្ល៉ោះហើយ ព្រះយេហូវ៉ាគឺជាបុគ្គលដ៏ពិតចំពោះខ្ញុំ»។
២០. តើយើងអាចរៀនអ្វីពីចំណងមិត្តភាពរបស់ដាវីឌជាមួយនឹងព្រះ?
២០ ដាវីឌព្យាយាមបណ្ដុះឲ្យមានគុណសម្បត្ដិដូចព្រះយេហូវ៉ា។ ព្រះយេហូវ៉ាបានបង្កើតយើងឲ្យចេះបង្ហាញគុណសម្បត្ដិដូចលោក។ លោ. ១:២៦) កាលដែលយើងរៀនកាន់តែច្រើនអំពីគុណសម្បត្ដិរបស់ព្រះយេហូវ៉ា នោះយើងនឹងកាន់តែស្រួលយកតម្រាប់លោក។ ដាវីឌបានស្គាល់បិតារបស់គាត់ដែលនៅស្ថានសួគ៌យ៉ាងច្បាស់ ដូច្នេះគាត់អាចយកតម្រាប់លោកក្នុងការប្រព្រឹត្តចំពោះអ្នកឯទៀត។ សូមពិចារណាអំពីឧទាហរណ៍មួយ។ ទោះជាដាវីឌបានធ្វើខុសនឹងព្រះយេហូវ៉ា ដោយប្រព្រឹត្តអំពើផិតក្បត់ជាមួយនឹងបាតសេបា ហើយក្រោយមកបានឲ្យគេសម្លាប់ប្ដីរបស់នាងក្ដី ព្រះយេហូវ៉ានៅតែបង្ហាញចិត្តមេត្ដាករុណាចំពោះដាវីឌ។ (២សាំ. ១១:១-៤, ១៥) នេះគឺដោយសារដាវីឌបានយកតម្រាប់ព្រះយេហូវ៉ា ហើយបង្ហាញសេចក្ដីមេត្ដាករុណាចំពោះអ្នកឯទៀត។ ដាវីឌមានចំណងមិត្តភាពល្អជាមួយនឹងព្រះយេហូវ៉ា ហេតុនេះគាត់បានទៅជាស្តេចសំណព្វម្នាក់របស់ជនជាតិអ៊ីស្រាអែល ហើយព្រះយេហូវ៉ាបានលើកគាត់ជាគំរូដល់ស្តេចឯទៀតនៃស្រុកអ៊ីស្រាអែល។—១ព. ១៥:១១; ២ព. ១៤:១-៣
(២១. យោងទៅតាមអេភេសូរ ៤:២៤ និង៥:១ តើការ«យកតម្រាប់តាមព្រះ»នាំឲ្យមានលទ្ធផលយ៉ាងណា?
២១ តើយើងអាចទាញយកមេរៀនអ្វី? យើងត្រូវ«យកតម្រាប់តាមព្រះ»។ ការធ្វើដូច្នេះមិនគ្រាន់តែផ្ដល់ប្រយោជន៍ដល់យើងប៉ុណ្ណោះទេ តែក៏ជួយយើងឲ្យកាន់តែស្គាល់លោក។ ពេលយើងព្យាយាមមានគុណសម្បត្ដិដូចព្រះ យើងបង្ហាញថាយើងជាកូនរបស់លោក។—សូមអាន អេភេសូរ ៤:២៤; ៥:១
ចូររៀនអំពីព្រះយេហូវ៉ា
២២-២៣. តើអ្វីនឹងកើតឡើងបើយើងធ្វើតាមអ្វីដែលយើងរៀនអំពីព្រះយេហូវ៉ា?
២២ ដូចដែលយើងបានរៀន ព្រះយេហូវ៉ាបើកបង្ហាញឲ្យយើងស្គាល់លោកតាមរយៈអ្វីដែលលោកបានបង្កើត និងតាមរយៈគម្ពីរដែលជាបណ្ដាំរបស់លោក។ សៀវភៅដ៏ល្អឯកនេះសម្បូរទៅដោយគំរូរបស់អ្នកបម្រើដ៏ស្មោះត្រង់របស់ព្រះដែលយើងអាចយកតម្រាប់ ដូចជាម៉ូសេនិងដាវីឌជាដើម។ ព្រះយេហូវ៉ាបានផ្ដល់អ្វីជាច្រើនដល់យើងដើម្បីឲ្យយើងអាចស្គាល់លោកច្បាស់។ ហេតុនេះហើយគឺយើងផ្ទាល់ដែលត្រូវខំរៀនឲ្យបានច្រើនបំផុតអំពីលោក។
២៣ យើងនឹងមិនឈប់រៀនអំពីព្រះយេហូវ៉ាឡើយ។ (សាស្ដ. ៣:១១) អ្វីដ៏សំខាន់គឺមិនមែនយើងស្គាល់លោកច្រើនប៉ុណ្ណាទេ តែសំខាន់គឺការដែលយើងប្រព្រឹត្តតាមអ្វីដែលយើងដឹង។ បើយើងធ្វើតាមអ្វីដែលយើងរៀន ហើយព្យាយាមយកតម្រាប់បិតាដែលស្រឡាញ់យើង នោះលោកនឹងបន្តចូលមកជិតយើង។ (យ៉ា. ៤:៨) តាមរយៈបណ្ដាំរបស់លោក លោកពង្រឹងទំនុកចិត្តយើងថាលោកនឹងមិនបោះបង់ពួកអ្នកដែលស្វែងរកលោកឡើយ។
ចម្រៀងលេខ៨០ «សូមភ្លក់មើលឲ្យដឹងថា ព្រះយេហូវ៉ាលោកល្អ»
^ វគ្គ 5 មនុស្សជាច្រើនជឿថាមានព្រះ ប៉ុន្តែពួកគេមិនស្គាល់លោកច្បាស់ទេ។ តើការស្គាល់ព្រះយេហូវ៉ាមានន័យយ៉ាងណា ហើយតើយើងអាចរៀនអ្វីពីម៉ូសេនិងស្តេចដាវីឌអំពីរបៀបពង្រឹងចំណងមិត្តភាពជាមួយនឹងលោក? ក្នុងអត្ថបទនេះ យើងនឹងឆ្លើយសំណួរទាំងនេះ។