ប្អូនៗវ័យក្មេង តើប្អូនមានគុណសម្បត្ដិគ្រប់គ្រាន់ដើម្បីទទួលការជ្រមុជទឹកហើយឬនៅ?
«ក្នុងចំណោមអ្នករាល់គ្នា បើចង់សង់ប៉មមួយ តើមានអ្នកណាមិនអង្គុយគិតគូរជាមុនសិនឲ្យដឹងថា ខ្លួនមានប្រាក់គ្រប់គ្រាន់ដើម្បីសង់ឲ្យបានរួចរាល់ឬទេ?»។—លូកា ១៤:២៨
ចម្រៀងលេខ: ១២០, ៣៤
អត្ថបទនេះនិងអត្ថបទបន្ទាប់បានត្រូវសរសេរសម្រាប់ប្អូនៗវ័យក្មេងដែលចង់ទទួលការជ្រមុជទឹក
១, ២. (ក) នៅសព្វថ្ងៃនេះ តើអ្វីធ្វើឲ្យរាស្ដ្ររបស់ព្រះមានអំណរ? (ខ) តើតាមរបៀបណាឪពុកម្ដាយដែលជាគ្រិស្ដសាសនិកនិងពួកអ្នកចាស់ទុំអាចជួយប្អូនៗវ័យក្មេងឲ្យយល់អំពីអត្ថន័យនៃការជ្រមុជទឹក?
អ្នកចាស់ទុំម្នាក់បាននិយាយទៅកាន់ប្អូនប្រុសគ្រិស្ដតូហ្វើដែលមានអាយុ១២ឆ្នាំថា៖«ខ្ញុំបានស្គាល់ក្មួយតាំងពីក្មួយកើត ហើយខ្ញុំសប្បាយដែលបានឮថាក្មួយចង់ទទួលការជ្រមុជទឹក។ ខ្ញុំចង់សួរក្មួយថា ‹ហេតុអ្វីក្មួយចង់ធ្វើដូច្នេះ?›»។ អ្នកចាស់ទុំនោះមានមូលហេតុល្អដើម្បីសួរសំណួរនេះ។ យើងសប្បាយរីករាយដោយដឹងថាមនុស្សវ័យក្មេងរាប់ពាន់នាក់ទទួលការជ្រមុជទឹកជារៀងរាល់ឆ្នាំ។ (សាស្តា ១២:១) ប៉ុន្ដែ ឪពុកម្ដាយដែលជាគ្រិស្ដសាសនិកនិងពួកអ្នកចាស់ទុំនៅក្នុងក្រុមជំនុំចង់ធ្វើឲ្យប្រាកដថាប្អូនៗវ័យក្មេងធ្វើការសម្រេចចិត្ដដោយផ្ទាល់ខ្លួន ហើយថាពួកគេយល់អត្ថន័យនៃការជ្រមុជទឹក។
២ ក្នុងគម្ពីរយើងរៀនថាការប្រគល់ខ្លួននិងការជ្រមុជទឹកគឺជាការចាប់ផ្ដើមនៃជីវិតថ្មីសម្រាប់គ្រិស្ដសាសនិក។ ជីវិតថ្មីនេះនឹងនាំឲ្យមានពរជាច្រើនពីព្រះយេហូវ៉ា ប៉ុន្ដែក៏នាំឲ្យមានការប្រឆាំងពីសាថានដែរ។ (សុភាសិត ១០:២២; ពេត្រុសទី១ ៥:៨) នេះ គឺជាមូលហេតុដែលឪពុកម្ដាយដែលជាគ្រិស្ដសាសនិកត្រូវតែចំណាយពេលដើម្បីបង្រៀនកូនៗរបស់ពួកគេអំពីអត្ថន័យនៃការធ្វើជាអ្នកកាន់តាមគ្រិស្ដ។ ពេលប្អូនៗវ័យក្មេងមានឪពុកម្ដាយដែលមិនមែនជាគ្រិស្ដសាសនិក ពួកអ្នកចាស់ទុំនៅក្នុងក្រុមជំនុំនឹងជួយពួកគេឲ្យយល់អំពីអត្ថន័យនៃការប្រគល់ខ្លួននិងការជ្រមុជទឹក។ (សូមអាន លូកា ១៤:២៧-៣០) ដើម្បីបង្ហើយកិច្ចការសាងសង់ គឺត្រូវមានការរៀបចំ ដូចគ្នាដែរប្អូនៗវ័យក្មេងត្រូវតែត្រៀមខ្លួនមុនពួកគេទទួលការជ្រមុជទឹក ដើម្បីពួកគេអាចបម្រើព្រះយេហូវ៉ាយ៉ាងស្មោះត្រង់«រហូតដល់ទីបញ្ចប់»។ (ម៉ាថាយ ២៤:១៣) តើអ្វីនឹងជួយប្អូនៗវ័យក្មេងឲ្យប្ដេជ្ញាចិត្ដបម្រើព្រះយេហូវ៉ាជារៀងរហូត? សូមយើងពិចារណាចម្លើយចំពោះសំណួរនេះ។
៣. (ក) តើពាក្យរបស់លោកយេស៊ូនិងពេត្រុសបង្រៀនយើងយ៉ាងណាអំពីសារៈសំខាន់នៃការជ្រមុជទឹក? (ម៉ាថាយ ២៨:១៩, ២០; ពេត្រុសទី១ ៣:២១) (ខ) តើយើងនឹងពិចារណាសំណួរអ្វីខ្លះ ហើយហេតុអ្វី?
៣ តើអ្នកជាបុគ្គលវ័យក្មេងដែលចង់ទទួលការជ្រមុជទឹកឬ? បើដូច្នេះ នេះជាគោលដៅមួយដ៏ល្អប្រសើរណាស់! គឺជាកិត្ដិយសដ៏អស្ចារ្យមួយដែលយើងទទួលការជ្រមុជទឹកជាសាក្សីព្រះយេហូវ៉ាម្នាក់។ ការជ្រមុជទឹកក៏ជាអ្វីមួយដែលគ្រិស្ដសាសនិកត្រូវធ្វើដែរ ហើយនេះជាជំហានដ៏សំខាន់ចាំបាច់ចំពោះពួកអ្នកដែលនឹងទទួលសេចក្ដីសង្គ្រោះក្នុងអំឡុងគ្រាទុក្ខវេទនាដ៏ខ្លាំង។ (ម៉ាថាយ ២៨:១៩, ២០; ពេត្រុសទី១ ៣:២១) ពេលអ្នកទទួលការជ្រមុជទឹក អ្នកបង្ហាញថាអ្នកបានសន្យាថាអ្នកនឹងបម្រើព្រះយេហូវ៉ាជារៀងរហូត។ អ្នកច្បាស់ជាចង់រក្សាពាក្យសន្យានេះ ដូច្នេះសំណួរជាបន្ដបន្ទាប់នេះនឹងជួយអ្នកឲ្យដឹងថាអ្នកមានគុណសម្បត្ដិគ្រប់គ្រាន់ដើម្បីទទួលការជ្រមុជទឹកឬយ៉ាងណា។ សំណួរទាំងនេះគឺ៖ (១) តើខ្ញុំមានភាពចាស់ទុំល្មមដើម្បីធ្វើការសម្រេចចិត្ដនេះឬទេ? (២) តើខ្ញុំពិតជាចង់ទទួលការជ្រមុជទឹកឬ? (៣) តើខ្ញុំយល់អត្ថន័យនៃការប្រគល់ខ្លួនជូនព្រះយេហូវ៉ាឬទេ? សូមយើងពិចារណាសំណួរទាំងនេះ។
ពេលអ្នកមានភាពចាស់ទុំល្មម
៤, ៥. (ក) ហេតុអ្វីការទទួលការជ្រមុជទឹកមិនគ្រាន់តែសម្រាប់មនុស្សពេញវ័យប៉ុណ្ណោះ? (ខ) សម្រាប់គ្រិស្ដសាសនិក តើភាពចាស់ទុំមានន័យយ៉ាងណា?
៤ គម្ពីរមិនបានចែងថាមានតែអ្នកដែលមានអាយុដែលបានត្រូវកំណត់ ឬមនុស្សពេញវ័យអាចទទួលការជ្រមុជទឹកឡើយ។ សុភាសិត ២០:១១ចែងថា៖ «សូម្បីតែកូនក្មេងក៏សំដែងខ្លួនដោយសារកិរិយាប្រព្រឹត្ដរបស់វាដែរ ឲ្យដឹងជាកិរិយានោះបរិសុទ្ធ ហើយត្រឹមត្រូវឬយ៉ាងណា»។ ដូច្នេះ សូម្បីតែកូនក្មេងក៏អាចយល់ថាអ្វីជាការប្រព្រឹត្ដត្រឹមត្រូវ ហើយយល់អត្ថន័យនៃការប្រគល់ខ្លួនជូនព្រះដែលជាអ្នកបង្កើតរបស់គាត់។ ហេតុនេះ ការជ្រមុជទឹកជាជំហានដ៏សំខាន់និងសមត្រឹមត្រូវសម្រាប់បុគ្គលវ័យក្មេងដែលបានបង្ហាញថាគាត់មានភាពចាស់ទុំ ហើយបានប្រគល់ខ្លួនជូនព្រះយេហូវ៉ា។—សុភាសិត ២០:៧
៥ តើភាពចាស់ទុំមានន័យយ៉ាងណា? ភាពចាស់ទុំមិនតែងតែសំដៅលើអាយុ ឬរូបរាងកាយរបស់បុគ្គលម្នាក់ឡើយ។ គម្ពីរចែងថាមនុស្សដែលមានភាពចាស់ទុំបានត្រូវបង្វឹកបង្ហាត់«សមត្ថភាពយល់ដឹង»ដើម្បីសម្គាល់អ្វីដែលខុសហេប្រឺ ៥:១៤) បុគ្គលដែលមានភាពចាស់ទុំស្គាល់អ្វីដែលត្រឹមត្រូវ ហើយបានតាំងចិត្ដធ្វើអ្វីនោះ។ ដូច្នេះ គាត់មិនងាយទទួលឥទ្ធិពលដែលនាំឲ្យគាត់ធ្វើអ្វីដែលខុសទេ។ ម្យ៉ាងទៀត គាត់មិនតែងតែត្រូវការអ្នកផ្សេងទៀតដើម្បីប្រាប់គាត់ឲ្យធ្វើអ្វីដែលត្រឹមត្រូវឡើយ។ គឺជាការសមហេតុផលដើម្បីរំពឹងថាបុគ្គលវ័យក្មេងដែលបានទទួលការជ្រមុជទឹកនឹងធ្វើអ្វីដែលត្រឹមត្រូវ សូម្បីតែពេលឪពុកម្ដាយរបស់គាត់ ឬមនុស្សពេញវ័យឯទៀតមិននៅជាមួយនឹងគាត់ក៏ដោយ។—សូមពិនិត្យបន្ថែម ភីលីព ២:១២
និងអ្វីដែលត្រូវ។ (៦, ៧. (ក) សូមរៀបរាប់អំពីការពិបាកដែលដានីយ៉ែលមានពេលគាត់រស់នៅក្រុងបាប៊ីឡូន។ (ខ) តើតាមរបៀបណាដានីយ៉ែលបានបង្ហាញថាគាត់មានភាពចាស់ទុំ?
៦ តើបុគ្គលវ័យក្មេងពិតជាអាចមានភាពចាស់ទុំបែបនោះឬទេ? សូមពិចារណាគំរូរបស់ដានីយ៉ែល។ គាត់ប្រហែលជាមានវ័យជំទង់ ពេលគាត់បានត្រូវគេចាប់យកចេញពីឪពុកម្ដាយរបស់គាត់ ហើយបញ្ជូនទៅក្រុងបាប៊ីឡូន។ នៅពេលនោះ ដានីយ៉ែលរស់នៅក្នុងចំណោមមនុស្សដែលមិនធ្វើតាមបង្គាប់របស់ព្រះ។ ប៉ុន្ដែ សូមយើងពិចារណាស្ថានភាពរបស់ដានីយ៉ែលឲ្យច្បាស់ជាងនេះបន្ដិច។ នៅក្រុងបាប៊ីឡូន គេបានប្រព្រឹត្ដចំពោះគាត់ដូចជាមនុស្សពិសេស។ គាត់ជាមនុស្សវ័យក្មេងម្នាក់នៅក្នុងចំណោមមនុស្សវ័យក្មេងប៉ុន្មាននាក់ដែលបានត្រូវជ្រើសរើសដោយយកចិត្ដទុកដាក់ដើម្បីឲ្យបម្រើស្ដេច។ (ដានីយ៉ែល ១:៣-៥, ១៣) តាមមើលទៅ នៅក្រុងបាប៊ីឡូនដានីយ៉ែលមានឋានៈល្អប្រសើរជាងឋានៈដែលគាត់អាចមាននៅស្រុកអ៊ីស្រាអែល។
៧ ដូច្នេះ តើដានីយ៉ែលដែលជាមនុស្សវ័យក្មេងមានប្រតិកម្មយ៉ាងណា? តើគាត់បានអនុញ្ញាតឲ្យមនុស្សនៅក្រុងបាប៊ីឡូនផ្លាស់ប្ដូរគាត់ ឬធ្វើឲ្យជំនឿរបស់គាត់ចុះខ្សោយឬទេ? មិនមែនទេ! គម្ពីរចែងថាកាលដានីយ៉ែលនៅក្រុងបាប៊ីឡូន គាត់បាន«សំរេចក្នុងចិត្ដថា មិនព្រមឲ្យខ្លួនសៅហ្មង» ពោលគឺគាត់ជៀសចេញពីអ្វីណាក៏ដោយដែលដានីយ៉ែល ១:៨) គាត់ពិតជាបានបង្ហាញភាពចាស់ទុំមែន!
ជាប់ទាក់ទងនឹងការគោរពប្រណិប័តន៍មិនពិត។ (បុគ្គលវ័យក្មេងដែលមានភាពចាស់ទុំមិនប្រព្រឹត្ដដូចជាមិត្ដរបស់ព្រះពេលនៅសាលប្រជុំ ហើយប្រព្រឹត្ដដូចជាមិត្ដរបស់ពិភពលោកពេលនៅសាលាទេ (សូមមើលវគ្គ៨)
៨. តើអ្នកអាចរៀនអ្វីពីគំរូរបស់ដានីយ៉ែល?
៨ តើអ្នកអាចរៀនអ្វីពីគំរូរបស់ដានីយ៉ែល? បុគ្គលវ័យក្មេងដែលមានភាពចាស់ទុំនឹងកាន់ខ្ជាប់តាមជំនឿរបស់គាត់ សូម្បីតែស្ថិតក្នុងស្ថានភាពពិបាកក្ដី។ គាត់មិនដូចជាសត្វបង្កួយម្យ៉ាងដែលប្ដូរពណ៌ទៅតាមអ្វីៗដែលនៅជុំវិញវាឡើយ។ គាត់មិនប្រព្រឹត្ដដូចជាមិត្ដរបស់ព្រះពេលនៅសាលប្រជុំ ហើយប្រព្រឹត្ដដូចជាមិត្ដរបស់ពិភពលោកពេលនៅសាលាទេ។ ផ្ទុយទៅវិញ គាត់នឹងនៅស្មោះត្រង់ សូម្បីតែពេលគាត់ត្រូវល្បងលក្ដី។—សូមអាន អេភេសូរ ៤:១៤, ១៥
បុគ្គលវ័យក្មេងដែលមានភាពចាស់ទុំនឹងកាន់ខ្ជាប់តាមជំនឿរបស់គាត់ សូម្បីតែស្ថិតក្នុងស្ថានភាពពិបាកក្ដី
៩, ១០. (ក) តើបុគ្គលវ័យក្មេងម្នាក់អាចទទួលប្រយោជន៍យ៉ាងណាពីការពិចារណាអំពីរបៀបដែលគាត់បានប្រព្រឹត្ដចំពោះការល្បងលជំនឿនៅពេលថ្មីៗនេះ? (ខ) តើការជ្រមុជទឹកមានន័យយ៉ាងណា?
៩ គ្មានអ្នកណាម្នាក់ល្អឥតខ្ចោះទេ។ ជួនកាលមនុស្សវ័យក្មេងនិងមនុស្សពេញវ័យធ្វើខុស។ (សាស្តា ៧:២០) ប៉ុន្ដែ បើអ្នកចង់ទទួលការជ្រមុជទឹក ជាការឈ្លាសវៃដែលអ្នកដឹងថាអ្នកតាំងចិត្ដខ្លាំងយ៉ាងណាដើម្បីធ្វើតាមបង្គាប់របស់ព្រះយេហូវ៉ា។ សូមសួរខ្លួនអ្នកថា‹នៅពេលមុនៗ តើខ្ញុំបានស្តាប់បង្គាប់ព្រះយេហូវ៉ាឬទេ?›។ សូមគិតអំពីរបៀបដែលអ្នកបានប្រព្រឹត្ដលើកមុន ពេលជំនឿរបស់អ្នកបានត្រូវល្បងល តើអ្នកអាចសម្រេចចិត្ដអំពីអ្វីត្រឹមត្រូវដែលអ្នកគួរធ្វើឬទេ? ដូចដានីយ៉ែលដែរ តើមានអ្នកណាម្នាក់បានលើកទឹកចិត្ដអ្នកឲ្យប្រើភាពប៉ិនប្រសប់របស់អ្នកក្នុងពិភពលោករបស់សាថានឬទេ? ពេលមានអ្វីមួយដូចនេះកំពុងល្បងលអ្នក តើអ្នកអាចយល់ថាអ្វីជាបំណងប្រាថ្នារបស់ព្រះយេហូវ៉ាឬទេ?—អេភេសូរ ៥:១៧
១០ ហេតុអ្វីគឺជាការសំខាន់ដែលអ្នកដឹងចម្លើយចំពោះសំណួរទាំងនេះ? ពីព្រោះសំណួរទាំងនេះនឹងជួយអ្នកឲ្យយល់ថាការជ្រមុជទឹកគឺសំខាន់យ៉ាងខ្លាំង។ ការជ្រមុជទឹកបង្ហាញអ្នកឯទៀតថាអ្នកបានធ្វើសេចក្ដីសន្យាដ៏សំខាន់មួយចំពោះព្រះយេហូវ៉ា។ អ្នកសន្យាថាអ្នកនឹងស្រឡាញ់លោកនិងបម្រើលោកជារៀងរហូតដោយអស់ពីដួងចិត្ដរបស់អ្នក។ (ម៉ាកុស ១២:៣០) អស់អ្នកដែលទទួលការជ្រមុជទឹកគួរតាំងចិត្ដរក្សាសេចក្ដីសន្យារបស់គាត់ចំពោះព្រះយេហូវ៉ា។—សូមអាន សាស្តា ៥:៤, ៥
តើអ្នកពិតជាចង់ទទួលការជ្រមុជទឹកឬទេ?
១១, ១២. (ក) តើបុគ្គលម្នាក់ដែលកំពុងគិតអំពីការទទួលការជ្រមុជទឹកត្រូវប្រាកដអំពីអ្វី? (ខ) តើអ្វីនឹងជួយអ្នកឲ្យរក្សាទស្សនៈត្រឹមត្រូវចំពោះការជ្រមុជទឹកដែលជាការរៀបចំរបស់ព្រះយេហូវ៉ា?
១១ គម្ពីរចែងថារាស្ដ្ររបស់ព្រះយេហូវ៉ាទាំងអស់ សូម្បីតែប្អូនៗវ័យក្មេងក៏នឹងបម្រើលោកដោយ«ស្ម័គ្រពីចិត្ដ»ដែរ។ (ទំនុកតម្កើង ១១០:៣) ដូច្នេះ បុគ្គលម្នាក់ដែលចង់ទទួលការជ្រមុជទឹកត្រូវប្រាកដថានេះគឺជាអ្វីដែលគាត់ពិតជាចង់ធ្វើ។ នេះប្រហែលជាតម្រូវឲ្យអ្នកពិនិត្យមើលបំណងចិត្ដរបស់អ្នកយ៉ាងយកចិត្ដទុកដាក់ ជាពិសេសបើអ្នកបានត្រូវចិញ្ចឹមអប់រំក្នុងសេចក្ដីពិត។
១២ កាលដែលអ្នកធំឡើង អ្នកទំនងជាបានឃើញមនុស្សជាច្រើនទទួលការជ្រមុជទឹក ប្រហែលអ្នកខ្លះជាមិត្ដភក្ដិ និងបងប្អូនបង្កើតរបស់អ្នក។ ប៉ុន្ដែ អ្នកមិនគួរចាប់ផ្ដើមមានអារម្មណ៍ថាអ្នកត្រូវតែទទួលការជ្រមុជទឹក ដោយសារអ្នកដល់អាយុដែលគួរធ្វើដូច្នេះ ឬដោយសារអ្នកផ្សេងទៀតទទួលការជ្រមុជទឹកឡើយ។ តើតាមរបៀបណាអ្នកអាចធ្វើឲ្យប្រាកដថាអ្នកមានទស្សនៈដូចព្រះយេហូវ៉ាចំពោះការជ្រមុជទឹក? សូមចំណាយពេលរំពឹងគិតអំពី
មូលហេតុដែលការជ្រមុជទឹកគឺជាអ្វីដ៏សំខាន់ណាស់។ អ្នកនឹងរៀនអំពីមូលហេតុល្អជាច្រើនក្នុងអត្ថបទនេះនិងអត្ថបទបន្ទាប់។១៣. តើអ្នកអាចដឹងយ៉ាងដូចម្ដេចថាការសម្រេចចិត្ដទទួលការជ្រមុជទឹកផុសចេញពីចិត្ដរបស់អ្នក?
១៣ វិធីមួយដែលអ្នកអាចដឹងថាការសម្រេចចិត្ដទទួលការជ្រមុជទឹកផុសចេញពីចិត្ដរបស់អ្នកឬយ៉ាងណា គឺដោយពិនិត្យពិចារណាសេចក្ដីអធិដ្ឋានរបស់អ្នក។ តើអ្នកអធិដ្ឋានទៅព្រះយេហូវ៉ាជាញឹកញយឬទេ? តើអ្នកអធិដ្ឋានយ៉ាងចំៗឬទេ? ចម្លើយចំពោះសំណួរទាំងនោះប្រហែលជាបង្ហាញថាចំណងមិត្ដភាពរបស់អ្នកជាមួយនឹងព្រះយេហូវ៉ាគឺជិតស្និទ្ធយ៉ាងណា។ (ទំនុកតម្កើង ២៥:៤) ជាច្រើនដងព្រះយេហូវ៉ាឆ្លើយតបសេចក្ដីអធិដ្ឋានរបស់យើងតាមរយៈគម្ពីរ។ ដូច្នេះ វិធីមួយទៀតដែលអ្នកអាចដឹងថាអ្នកពិតជាចង់ចូលកាន់តែជិតព្រះយេហូវ៉ានិងបម្រើលោកដោយអស់ពីដួងចិត្ដរបស់អ្នក គឺដោយពិនិត្យមើលកាលវិភាគសិក្សាគម្ពីររបស់អ្នក។ (យ៉ូស្វេ ១:៨) សូមសួរខ្លួនអ្នកថា ‹តើខ្ញុំសិក្សាគម្ពីរដោយផ្ទាល់ខ្លួនជាទៀងទាត់ឬទេ? តើខ្ញុំសុខចិត្ដរួមចំណែកក្នុងការគោរពប្រណិប័តន៍ជាក្រុមគ្រួសារឬទេ?›។ ចម្លើយចំពោះសំណួរទាំងនេះនឹងជួយអ្នកឲ្យដឹងថាការសម្រេចចិត្ដទទួលការជ្រមុជទឹកគឺជាអ្វីដែលអ្នកពិតជាចង់ធ្វើឬយ៉ាងណា។
អត្ថន័យនៃការប្រគល់ខ្លួនជូនព្រះ
១៤. សូមរៀបរាប់អំពីភាពខុសគ្នារវាងការប្រគល់ខ្លួននិងការទទួលការជ្រមុជទឹក។
១៤ ប្អូនៗវ័យក្មេងខ្លះប្រហែលជាមិនយល់ច្បាស់អំពីភាពខុសគ្នារវាងការប្រគល់ខ្លួននិងការទទួលការជ្រមុជទឹកឡើយ។ អ្នកខ្លះប្រហែលជានិយាយថាពួកគេបានប្រគល់ជីវិតជូនព្រះយេហូវ៉ារួចហើយ តែមិនទាន់សម្រេចចិត្ដថាទទួលការជ្រមុជទឹកទេ។ ប៉ុន្ដែ តើនេះអាចទៅរួចទេ? ការប្រគល់ខ្លួនជូនព្រះយេហូវ៉ាមានន័យថាអ្នកប្រាប់លោកក្នុងសេចក្ដីអធិដ្ឋានថាអ្នកសន្យាបម្រើលោកជារៀងរហូត។ ពេលអ្នកទទួលការជ្រមុជទឹក អ្នកបង្ហាញអ្នកឯទៀតថាអ្នកបានប្រគល់ខ្លួនជូនព្រះយេហូវ៉ារួចហើយ។ ដូច្នេះ មុនអ្នកទទួលការជ្រមុជទឹក អ្នកត្រូវយល់អំពីអត្ថន័យនៃការប្រគល់ខ្លួនជូនព្រះ។
១៥. តើការប្រគល់ជីវិតជូនព្រះយេហូវ៉ាមានន័យអ្វី?
១៥ ពេលអ្នកប្រគល់ជីវិតជូនព្រះយេហូវ៉ា អ្នកប្រាប់លោកថាឥឡូវអ្នកជារបស់លោក។ អ្នកសន្យាថាការបម្រើលោកនឹងជាអ្វីដ៏សំខាន់បំផុតក្នុងជីវិតរបស់អ្នក។ (សូមអាន ម៉ាថាយ ១៦:២៤) សេចក្ដីសន្យាដូចនេះចំពោះព្រះគឺសំខាន់ណាស់! (ម៉ាថាយ ៥:៣៣) ដូច្នេះ តើអ្នកអាចបង្ហាញយ៉ាងដូចម្ដេចថាឥឡូវអ្នកមិនមែនជារបស់ខ្លួនអ្នកទៀត តែជារបស់ព្រះយេហូវ៉ា?—រ៉ូម ១៤:៨
១៦, ១៧. (ក) សូមលើកឧទាហរណ៍មួយដែលបញ្ជាក់ថាអ្នកមិនមែនជារបស់ខ្លួនទៀត។ (ខ) ពេលបុគ្គលម្នាក់ប្រគល់ខ្លួនជូនព្រះ តើគាត់កំពុងប្រាប់អ្វីទៅលោក?
១៦ សូមយើងពិចារណាអំពីឧទាហរណ៍មួយ។ សូមស្រមៃគិតថា មិត្ដភក្ដិម្នាក់បានឲ្យឡានមួយដល់អ្នកជាអំណោយ។ គាត់បានហុចឯកសារកម្មសិទ្ធិឡានឲ្យអ្នក ហើយនិយាយថា៖ «ឡាននេះគឺជារបស់អ្នក»។ ប៉ុន្ដែ ក្រោយមកមិត្ដភក្ដិអ្នកនិយាយថា៖ «ខ្ញុំនឹងទុកសោ ហើយខ្ញុំនឹងជាអ្នកបើកឡាន មិនមែនអ្នកទេ»។ តើអ្នកនឹងមានអារម្មណ៍យ៉ាងណាអំពីអំណោយនេះ? តើអ្នកនឹងមានអារម្មណ៍យ៉ាងណាចំពោះមិត្ដភក្ដិនោះ?
១៧ ពេលបុគ្គលម្នាក់ប្រគល់ជីវិតជូនព្រះយេហូវ៉ា គាត់ប្រាប់លោកថា៖ «ខ្ញុំប្រគល់ជីវិតជូនលោក ហើយខ្ញុំជារបស់លោក»។ ព្រះយេហូវ៉ាមានសិទ្ធិតម្រូវឲ្យបុគ្គលនោះរក្សាសេចក្ដីសន្យារបស់គាត់។ ប៉ុន្ដែ ចុះបើបុគ្គលនោះចាប់ផ្ដើមមិនស្តាប់បង្គាប់ព្រះយេហូវ៉ាដោយលួចលាក់ស្វែងយល់ចិត្ដអ្នកណាម្នាក់ដែលមិនបម្រើព្រះ? ឬចុះយ៉ាងណាបើបុគ្គលនោះទទួលយកការងារដែលធ្វើឲ្យគាត់មិនសូវមានពេលច្រើនក្នុងកិច្ចបម្រើផ្សាយ ឬធ្វើឲ្យគាត់ខានចូលរួមកិច្ចប្រជុំយ៉ូហាន ៦:៣៨
ជាញឹកញយ? យ៉ាងនេះ បុគ្គលនោះមិនរក្សាសេចក្ដីសន្យារបស់គាត់ចំពោះព្រះយេហូវ៉ាឡើយ ហើយនេះប្រៀបដូចជាគាត់រក្សាទុកសោឡាន។ ពេលយើងប្រគល់ជីវិតជូនព្រះយេហូវ៉ា យើងនិយាយទៅលោកថា៖ «ជីវិតខ្ញុំជារបស់លោក មិនមែនជារបស់ខ្ញុំទៀតទេ»។ ដូច្នេះយើងនឹងតែងតែធ្វើអ្វីដែលព្រះយេហូវ៉ាចង់ឲ្យយើងធ្វើ សូម្បីតែនោះមិនមែនជាអ្វីដែលយើងចង់ធ្វើក្ដី។ សូមយើងយកតម្រាប់លោកយេស៊ូដែលបានមានប្រសាសន៍ថា៖ «ខ្ញុំបានចុះមកពីស្ថានសួគ៌ដើម្បីធ្វើតាមបំណងប្រាថ្នារបស់លោកដែលបានចាត់ខ្ញុំឲ្យមក មិនមែនដើម្បីធ្វើតាមបំណងប្រាថ្នារបស់ខ្ញុំទេ»។—ការទទួលការជ្រមុជទឹកគឺជាការសម្រេចចិត្ដដ៏សំខាន់មួយនិងជាឯកសិទ្ធិដ៏អស្ចារ្យមួយ
១៨, ១៩. (ក) តើតាមរបៀបណាពាក្យសម្ដីរបស់ប្អូនរ៉ូសនិងគ្រិស្ដតូហ្វើបានបញ្ជាក់ថាការទទួលការជ្រមុជទឹកជាឯកសិទ្ធិមួយដែលនាំឲ្យទទួលពរ? (ខ) តើអ្នកមានអារម្មណ៍យ៉ាងណាចំពោះឯកសិទ្ធិនៃការជ្រមុជទឹក?
១៨ ច្បាស់ណាស់ ការទទួលការជ្រមុជទឹកគឺជាការសម្រេចចិត្ដដ៏សំខាន់មួយ។ ការប្រគល់ខ្លួនជូនព្រះយេហូវ៉ានិងការទទួលការជ្រមុជទឹកគឺជាឯកសិទ្ធិដ៏អស្ចារ្យមួយ។ ប្អូនៗវ័យក្មេងដែលស្រឡាញ់ព្រះយេហូវ៉ា ហើយយល់អត្ថន័យនៃការប្រគល់ខ្លួន មិនស្ទាក់ស្ទើរប្រគល់ជីវិតជូនព្រះនិងទទួលការជ្រមុជទឹកឡើយ។ ពួកគេមិនស្តាយក្រោយចំពោះការសម្រេចចិត្ដរបស់ពួកគេទេ។ ប្អូនវ័យជំទង់ម្នាក់ឈ្មោះរ៉ូសដែលបានទទួលការជ្រមុជទឹករួចហើយ និយាយថា៖ «ខ្ញុំស្រឡាញ់ព្រះយេហូវ៉ា ហើយគ្មានអ្វីសប្បាយជាងការបម្រើព្រះយេហូវ៉ាឡើយ។ ខ្ញុំជឿជាក់ច្បាស់ថាការទទួលការជ្រមុជទឹកគឺជាការសម្រេចចិត្ដដ៏ត្រឹមត្រូវបំផុតក្នុងជីវិតខ្ញុំ»។
១៩ ចុះយ៉ាងណាប្អូនគ្រិស្ដតូហ្វើដែលបានរៀបរាប់នៅដើមអត្ថបទនេះ? តើគាត់មានអារម្មណ៍យ៉ាងណាចំពោះការសម្រេចចិត្ដរបស់គាត់ក្នុងការទទួលការជ្រមុជទឹក កាលដែលគាត់មានអាយុ១២ឆ្នាំ? គាត់និយាយថាគាត់សប្បាយរីករាយយ៉ាងខ្លាំងដែលគាត់បានសម្រេចចិត្ដដូចនេះ។ គាត់បានចាប់ផ្ដើមបម្រើជាអ្នកត្រួសត្រាយពេញពេលកាលដែលគាត់មានអាយុ១៧ឆ្នាំ ហើយបានទៅជាជំនួយការខាងកិច្ចបម្រើពេលដែលគាត់មានអាយុ១៨ឆ្នាំ។ សព្វថ្ងៃនេះ គាត់បម្រើនៅបេតអែល។ គាត់និយាយថា៖ «ការទទួលការជ្រមុជទឹកជាការសម្រេចចិត្ដដ៏ត្រឹមត្រូវ។ ការធ្វើកិច្ចការដើម្បីព្រះយេហូវ៉ានិងអង្គការរបស់លោក នាំឲ្យជីវិតខ្ញុំពោរពេញដោយការស្កប់ចិត្ដ»។ បើអ្នកចង់ទទួលការជ្រមុជទឹក តើអ្នកអាចរៀបចំខ្លួនយ៉ាងដូចម្ដេច? នៅអត្ថបទបន្ទាប់យើងនឹងឆ្លើយសំណួរនេះ។