ឃ្លាក្នុងគម្ពីរ
ការអភ័យទោសមុនមានថ្លៃលោះ
យើងអាចទទួលការអភ័យទោសចំពោះការខុសឆ្គងរបស់យើង ដោយសារតែគ្រឿងបូជាលោះដែលលោកយេស៊ូបានបង់តាមរយៈឈាមរបស់លោក។ (អេភ. ១:៧) ប៉ុន្តែ គម្ពីរចែងថា៖ «[ព្រះ]ទ្រាំសង្កត់ចិត្ត ហើយបានអភ័យទោសចំពោះការខុសឆ្គងដែលកើតមាននៅអតីតកាល» ពោលគឺមុនលោកយេស៊ូបានផ្ដល់ថ្លៃលោះ។ (រ៉ូម ៣:២៥) តើតាមរបៀបណាព្រះយេហូវ៉ាអាចធ្វើដូច្នេះ ហើយនៅពេលដំណាលគ្នារក្សាខ្នាតតម្រាយុត្តិធម៌ដ៏ល្អឥតខ្ចោះរបស់លោក?
តាមទស្សនៈព្រះយេហូវ៉ា គឺហាក់ដូចជាថ្លៃលោះបានត្រូវបង់តាំងពីពេលលោកសម្រេចចិត្តផ្ដល់«ពូជ»ដែលនឹងសង្គ្រោះមនុស្សដែលមានជំនឿ។ (ដក. ៣:១៥; ២២:១៨) ព្រះជឿជាក់ទាំងស្រុងថានៅពេលកំណត់ បុត្រតែមួយរបស់លោកនឹងសុខចិត្តផ្ដល់ថ្លៃលោះ។ (កាឡ. ៤:៤; ហេ. ១០:៧-១០) កាលដែលលោកយេស៊ូនៅផែនដីជាតំណាងព្រះ លោកមានអំណាចដើម្បីអភ័យទោសចំពោះការខុសឆ្គងមុនថ្លៃលោះបានត្រូវបង់។ លោកយេស៊ូអាចអភ័យទោសចំពោះការខុសឆ្គងរបស់មនុស្សដែលមានជំនឿ ដោយសារលោកដឹងថាគ្រឿងបូជាដែលលោកនឹងបង់ នឹងគ្របបាំងការខុសឆ្គងរបស់ពួកគេ។—ម៉ាថ. ៩:២-៦
