យោបល់សម្រាប់សិក្សា
សូមកំណត់អ្វីដែលសំខាន់ជាង
ពេលវេលារបស់យើងដើម្បីធ្វើការសិក្សាផ្ទាល់ខ្លួនមានកម្រិត។ តើយើងអាចប្រើពេលនោះដើម្បីកើតប្រយោជន៍ច្រើនបំផុតយ៉ាងដូចម្ដេច? ដំបូង សូមកុំប្រញាប់។ អ្នកនឹងទទួលប្រយោជន៍ច្រើនជាងពីការសិក្សាព័ត៌មានតិចតួចយ៉ាងហ្មត់ចត់ ជាជាងពីការមើលព័ត៌មានច្រើនយ៉ាងប្រញាប់ប្រញាល់។
បន្ទាប់មក សូមកំណត់អ្វីដែលសំខាន់ជាង។ (អេភ. ៥:១៥, ១៦) សូមពិចារណាអំពីយោបល់ទាំងនេះ៖
ចូរអានគម្ពីររាល់ថ្ងៃ។ (ចសព. ១:២) ប្រហែលជាការល្អឲ្យចាប់ផ្ដើមដោយអានអំណានគម្ពីរប្រចាំសប្ដាហ៍ដែលមានក្នុងកិច្ចប្រជុំសម្រាប់កិច្ចបម្រើនិងជីវិតជាគ្រិស្តសាសនិក។
ចូររៀបចំសម្រាប់ការសិក្សាទស្សនាវដ្ដីប៉មយាម និងកិច្ចប្រជុំសម្រាប់កិច្ចបម្រើនិងជីវិត។ ចូររៀបចំឲ្យបានល្អដើម្បីអ្នកអាចឆ្លើយ។—ចសព. ២២:២២
ក្រៅពីអ្វីទាំងនេះ ចូរព្យាយាមអាននិងទស្សនាអ្វីៗផ្សេងទៀត ដូចជាទស្សនាវដ្ដីសម្រាប់ផ្សព្វផ្សាយ វីដេអូ និងអ្វីដែលចេញផ្សាយតាមគេហទំព័រjw.org/kmជាដើម។
ចូរសិក្សាស្រាវជ្រាវប្រធានបទណាមួយ។ អ្នកអាចស្រាវជ្រាវអំពីបញ្ហាមួយដែលអ្នកជួបប្រទះ សំណួរដែលអ្នកចង់ដឹង ឬប្រធានបទមួយពីគម្ពីរដែលអ្នកចង់យល់ច្បាស់ជាង។
