យោបល់សម្រាប់សិក្សា
ការគូររូបភាពដើម្បីជួយអ្នកឲ្យនឹកចាំ
យើងមិនតែងតែស្រួលនឹកចាំអ្វីដែលយើងបានសិក្សាទេ។ ប៉ុន្តែ តើអ្នកបានកត់សម្គាល់ឃើញថាឧទាហរណ៍របស់លោកយេស៊ូគឺស្រួលនឹកចាំឬទេ? យើងស្រួលស្រមៃឃើញឧទាហរណ៍ទាំងនោះ ហើយនោះជួយយើងឲ្យនឹកចាំអំពីអ្វីដែលលោកបានបង្រៀន។ ស្រដៀងគ្នាដែរ អ្នកនឹងកាន់តែនឹកចាំអ្វីដែលអ្នកសិក្សា បើអ្នកព្យាយាមស្រមៃគិតអំពីអ្វីដែលអ្នករៀន។ តើអ្នកអាចធ្វើដូច្នេះយ៉ាងដូចម្ដេច? គឺដោយគូររូបភាពពេលដែលអ្នករៀន។
មនុស្សដែលគូររូបភាពអំពីអ្វីថ្មីដែលពួកគេរៀនច្រើនតែចាំអ្វីទាំងនោះយ៉ាងល្អជាង។ ការគូររូបភាពមិនគ្រាន់តែជួយពួកគេឲ្យយល់ពាក្យនីមួយៗយ៉ាងល្អជាងប៉ុណ្ណោះទេ តែក៏យល់ចំណុចសំខាន់ពីអ្វីដែលពួកគេរៀនដែរ។ រូបភាពរបស់ពួកគេមិនមែនជារូបភាពស្មុគស្មាញទេ តែសាមញ្ញវិញ។ ម្យ៉ាងទៀត ការគូររូបភាពជួយមនុស្សវ័យចាស់ជាពិសេស ឲ្យនឹកចាំនូវអ្វីដែលពួកគេរៀន។
លើកក្រោយ ពេលដែលអ្នកសិក្សាអ្វីមួយ អ្នកប្រហែលជាចង់សាកល្បងគូររូបភាពអំពីអ្វីដែលអ្នកបានរៀន។ អ្នកប្រហែលជានឹងភ្ញាក់ផ្អើលដោយឃើញថាអ្នកអាចនឹកចាំអ្វីជាច្រើន!