អត្ថបទផ្សេងទៀតក្នុងទស្សនាវដ្ដីប៉មយាម
អ្នកផ្សាយជាច្រើនប្រើកម្មវិធីJWបណ្ណាល័យដើម្បីរៀបចំសម្រាប់កិច្ចប្រជុំ ហើយពួកគេចូលចិត្តរបៀបដែលកម្មវិធីនោះបើកទៅអត្ថបទសិក្សានីមួយៗតែម្ដងក្នុងទស្សនាវដ្ដីប៉មយាម។ ប៉ុន្តែទស្សនាវដ្ដីប៉មយាមសម្រាប់សិក្សាច្រើនតែមានអត្ថបទផ្សេងទៀត ហើយអត្ថបទទាំងនោះក៏មានសេចក្ដីបង្រៀនពីគម្ពីរដែលប្រៀបដូចជាអាហារ។ តើតាមរបៀបណាអ្នកអាចរកឃើញនិងទទួលប្រយោជន៍ពីអត្ថបទទាំងនេះដោយប្រើកម្មវិធីJWបណ្ណាល័យ?
នៅចុងអត្ថបទសិក្សានីមួយៗក្នុងទស្សនាវដ្ដីប៉មយាម មានចំណងជើងតូចថា «អត្ថបទឯទៀត»។ ក្រោមចំណងជើងតូចនេះ សូមចុចលីង«អត្ថបទឯទៀតក្នុងទស្សនាវដ្ដីនេះ»។ សូមមើលបញ្ជីអត្ថបទ ដែលមានចំណងជើងនិងលេខរបស់អត្ថបទសិក្សានីមួយៗ។ សូមចុចទៅលើអត្ថបទផ្សេងទៀតដែលអ្នកចង់អាន។
នៅទំព័រដើមនៃកម្មវិធីJWបណ្ណាល័យ ក្រោមផ្នែក«អ្វីថ្មី» សូមថតចម្លងទស្សនាវដ្ដីប៉មយាមលេខថ្មីពេលដែលវាលេចមក។ សូមបើកទស្សនាវដ្ដីដែលបានថតចម្លងនោះ ហើយមើលបញ្ជីអត្ថបទដើម្បីធ្វើឲ្យប្រាកដថាអ្នកទទួលប្រយោជន៍ពីអត្ថបទទាំងអស់។
