ឃ្លាក្នុងគម្ពីរ
តើអ្នកមានជំនឿឬទេ?
យើងត្រូវមានជំនឿដើម្បីធ្វើឲ្យព្រះយេហូវ៉ាពេញចិត្ត។ ប៉ុន្តែគម្ពីរចែងថា៖ «មិនមែនមនុស្សទាំងអស់មានជំនឿទេ»។ (២ថែ. ៣:២) ពេលសាវ័កប៉ូលនិយាយពាក្យនេះ គាត់សំដៅលើ«មនុស្សអាក្រក់និងមនុស្សទុច្ចរិត»ដែលបៀតបៀនគាត់។ ប៉ុន្តែ អ្វីដែលគាត់និយាយអំពីជំនឿក៏អាចសំដៅលើអ្នកផ្សេងទៀតដែរ។ អ្នកខ្លះសម្រេចចិត្តព្រងើយកន្តើយនឹងទីសំអាងដ៏ច្បាស់ដែលបង្ហាញថាមានព្រះជាអ្នកបង្កើត។ (រ៉ូម ១:២០) អ្នកឯទៀតប្រហែលជានិយាយថាគេជឿថាមានអ្នកណាឬអ្វីណាដែលមានឫទ្ធានុភាពជាងមនុស្ស។ ប៉ុន្តែ ជំនឿបែបនេះគឺមិនគ្រប់គ្រាន់ដើម្បីធ្វើឲ្យព្រះយេហូវ៉ាពេញចិត្តទេ។
យើងត្រូវជឿជាក់ថាមានព្រះយេហូវ៉ា ហើយថា«លោកឲ្យរង្វាន់»ដល់ពួកអ្នកដែលមានជំនឿរឹងមាំ។ (ហេ. ១១:៦) ជំនឿគឺជាគុណសម្បត្តិមួយនៃផលដែលបង្កើតដោយឫទ្ធានុភាពបរិសុទ្ធរបស់លោក។ ដើម្បីទទួលឫទ្ធានុភាពបរិសុទ្ធ យើងត្រូវអធិដ្ឋានសុំពីព្រះយេហូវ៉ា។ (លូក. ១១:៩, ១០, ១៣) របៀបសំខាន់មួយទៀតដើម្បីទទួលឫទ្ធានុភាពបរិសុទ្ធ គឺដោយអានគម្ពីរដែលបានត្រូវសរសេរក្រោមការដឹកនាំរបស់ឫទ្ធានុភាពលោក។ បន្ទាប់មក យើងអាចគិតអំពីអ្វីដែលយើងអាន ហើយព្យាយាមអនុវត្តតាមអ្វីដែលយើងរៀន។ យ៉ាងនេះ ឫទ្ធានុភាពរបស់ព្រះយេហូវ៉ាអាចមានឥទ្ធិពលមកលើជីវិតយើង ហើយជួយយើងឲ្យមានជំនឿដែលលោកពេញចិត្ត។
