យោបល់សម្រាប់សិក្សា
ចូររកកន្លែងល្អដើម្បីសិក្សា
តើអ្នកចង់ទទួលប្រយោជន៍ច្រើនជាងពីការសិក្សាផ្ទាល់ខ្លួនឬទេ? អ្នកអាចសាកល្បងយោបល់ដូចតទៅនេះ ដើម្បីជួយអ្នកឲ្យកាន់តែស្រួលផ្ចង់អារម្មណ៍ពេលសិក្សា។
-
ជ្រើសរើសទីកន្លែងល្អ។ បើអាច សូមរកកន្លែងដែលស្អាតបាត រៀបរយ និងមានពន្លឺគ្រប់គ្រាន់ដើម្បីស្រួលមើល។ អ្នកអាចអង្គុយរៀននៅតុ ឬក៏ទៅរៀននៅខាងក្រៅដែលខ្លួនគិតថាស្រួល។
-
រកកន្លែងដែលអាចនៅម្នាក់ឯង។ លោកយេស៊ូជ្រើសរើសអធិដ្ឋាននៅពេល«ព្រលឹមស្រាងៗ»នា«កន្លែងមួយឆ្ងាយពីគេ»។ (ម៉ាក. ១:៣៥) បើអ្នកពិបាករកកន្លែងនៅម្នាក់ឯង អ្នកអាចប្រាប់ក្រុមគ្រួសារឬបុគ្គលដែលអ្នករស់នៅជាមួយឲ្យដឹងថាថ្ងៃណាម៉ោងណាដែលអ្នកនឹងរៀន ហើយសុំពួកគាត់កុំឲ្យមករំខានអ្នកក្នុងអំឡុងពេលនោះ។
-
ព្យាយាមប្រមូលអារម្មណ៍។ សូមជៀសវាងកុំឲ្យមានអ្វីមកបង្វែរអារម្មណ៍។ ជាឧទាហរណ៍ បើអ្នកប្រើទូរស័ព្ទឬថេបប្លេតដើម្បីសិក្សា សូមបិទសំឡេងឬចុចសញ្ញារូបយន្តហោះ(Airplane mode)ដើម្បីកុំឲ្យមានសំឡេងរំខាន។ ម្យ៉ាងទៀត បើអ្នកនឹកឃើញអ្វីដែលអ្នកត្រូវធ្វើ សូមសរសេរទុកសិនដើម្បីកុំឲ្យភ្លេច រួចសឹមធ្វើពេលក្រោយ។ មួយវិញទៀត ក្នុងពេលសិក្សា បើអ្នកចាប់ផ្ដើមមានអារម្មណ៍ហោះហើរ សូមងើបដើរមួយភ្លែត ឬក៏ពត់សរសៃបន្តិច។
