យើងអាចយកឈ្នះការស្អប់គ្នា!
តើអ្នកធ្លាប់ជាជនរងគ្រោះដែលមកពីការស្អប់ដែរឬទេ?
បើសិនជាមិនធ្លាប់ទេ អ្នកប្រហែលជាសង្កេតឃើញការស្អប់គ្នាក្នុងទម្រង់ផ្សេងៗ។ យើងតែងតែឮ ឬឃើញអំពីមនុស្សដែលត្រូវគេស្អប់ដោយសារ ពួកគេមកពីប្រទេសឬជាតិសាសន៍ផ្សេង ឬដោយសារពួកគេជាមនុស្សដែលស្រឡាញ់ភេទដូចគ្នា។ ជាលទ្ធផលរដ្ឋាភិបាលជាច្រើនកំពុងបង្កើតច្បាប់ ដើម្បីការពារកុំឲ្យមានឧក្រិដ្ឋកម្មដែលបណ្ដាលមកពីការស្អប់គ្នា។
មនុស្សដែលត្រូវគេស្អប់ច្រើនតែស្អប់អ្នកឯទៀតដូចគ្នា។ ជនរងគ្រោះដែលមកពីការស្អប់ច្រើនតែតបតទៅវិញដោយការសងសឹក ហើយនេះបង្កើតឲ្យមានការស្អប់ទៅវិញទៅមកឥតឈប់។
ប្រហែលជាអ្នកធ្លាប់ជួបប្រទះនូវការរើសអើង ការចំអក ការប្រមាថ ការគំរាមកំហែង និងការវិនិច្ឆ័យពីអ្នកឯទៀត។ ប៉ុន្តែ ការស្អប់គ្នាអាចបណ្ដាលឲ្យមានលទ្ធផលអាក្រក់ធ្ងន់ធ្ងរជាង។ នេះអាចឈានទៅដល់ការឈ្លានពានដ៏ឃោរឃៅដូចជា ការសម្លុតធ្វើបាប ការបំផ្លិចបំផ្លាញ ការវាយដំ ការរំលោភ ការសម្លាប់គ្នា និងរហូតឈានទៅដល់ការប្រល័យពូជសាសន៍ទៀតផង។
ទស្សនាវដ្ដីនេះនឹងបង្ហាញអំពីរបៀបដែលអាចយកឈ្នះការស្អប់គ្នា ហើយនឹងឆ្លើយសំណួរដូចតទៅនេះ៖
ហេតុអ្វីមានការស្អប់គ្នាច្រើនម្ល៉េះ?
តើអាចបំបាត់ចោលការស្អប់គ្នាតាមរបៀបណា?
តើនឹងមានពេលមួយដែលនឹងលែងមានការស្អប់ជារៀងរហូតដែរឬទេ?
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
ហេតុអ្វីព្រះអនុញ្ញាតឲ្យមានទុក្ខវេទនា?
មនុស្សជាច្រើនឆ្ងល់ថាហេតុអ្វីពិភពលោកនេះពោរពេញដោយការស្អប់គ្នានិងទុក្ខវេទនាច្រើនម៉្លេះ។ គម្ពីរមានចម្លើយដែលធ្វើឲ្យលោកអ្នកអស់ចម្ងល់ ហើយក៏សម្រាលទុក្ខផងដែរ។
