ការបង្ហាញការគោរពចំពោះខ្លួន
មូលហេតុដែលការបង្ហាញការគោរពចំពោះខ្លួនឯងគឺសំខាន់
មនុស្សដែលចេះគោរពខ្លួនឯងអាចប្រឈមមុខនឹងបញ្ហាក្នុងជីវិតដោយមានទំនុកចិត្ត។ ពួកគាត់មិនចុះចាញ់ងាយៗទេ។
-
ការស្រាវជ្រាវមួយបង្ហាញថា អ្នកដែលមិនឲ្យតម្លៃចំពោះខ្លួនឯងទំនងជាមានជំងឺថប់អារម្មណ៍ ជំងឺធ្លាក់ទឹកចិត្ត និងជំងឺបរិភោគមិនប្រក្រតី ហើយពួកគាត់ក៏ទំនងជាផឹកស្រានិងប្រើគ្រឿងញៀនដែរ។
-
មនុស្សដែលបង្ហាញការគោរពចំពោះខ្លួនមិនប្រៀបធៀបខ្លួនឯងជាមួយអ្នកឯទៀតទេ ហើយនេះជួយឲ្យពួកគាត់ងាយស្រួលចុះសម្រុងជាមួយនឹងមនុស្សជុំវិញខ្លួន ថែមទាំងបង្កើតឲ្យមានចំណងមិត្តភាពដ៏រឹងមាំទៀតផង។ ម្យ៉ាងវិញទៀត អ្នកដែលមិនបង្ហាញការគោរពចំពោះខ្លួនច្រើនតែមានទំនោរចិត្តរិះគន់អ្នកឯទៀត ហើយនេះអាចបង្ខូចចំណងមិត្តភាពរបស់ពួកគាត់។
-
សូម្បីតែនៅពេលដែលពួកគាត់ប្រឈមមុខនឹងបញ្ហាក៏ដោយ មនុស្សដែលមានការគោរពចំពោះខ្លួនមិនឆាប់រាថយឡើយ ពួកគាត់មិនអនុញ្ញាតឲ្យឧបសគ្គណាមួយរារាំងការសម្រេចគោលដៅរបស់ខ្លួនទេ។ ផ្ទុយទៅវិញ អ្នកដែលមិនឲ្យតម្លៃចំពោះខ្លួនចាត់ទុកឧបសគ្គតូចតាចថាជាឧបសគ្គធំដែលពួកគាត់មិនអាចយកឈ្នះបាន ហើយនេះអាចធ្វើឲ្យពួកគាត់ងាយស្រួលឈប់ព្យាយាម។
អ្វីដែលអ្នកអាចធ្វើ
ជ្រើសរើសមិត្តភក្ដិល្អ។ សេពគប់ជាមួយមនុស្សដែលបង្ហាញការគោរពចំពោះអ្នកឯទៀត យកចិត្តទុកដាក់ចំពោះអ្នក និងពង្រឹងកម្លាំងចិត្តអ្នក។
ជួយអ្នកឯទៀត។ នៅពេលដែលអ្នកមានចិត្តសប្បុរសហើយជួយអ្នកឯទៀត រួមទាំងអ្នកដែលមិនអាចតបស្នងអ្វីមកអ្នកវិញ អ្នកនឹងទទួលសុភមង្គលពិតដែលមកពីការឲ្យគេ។ អ្នកក៏នឹងសប្បាយចិត្តដែរ ទោះបីជាអ្នកឯទៀតមិនកត់សម្គាល់អំពើល្អរបស់អ្នកក៏ដោយ។
ជួយកូនរបស់អ្នកឲ្យចេះបង្ហាញការគោរពចំពោះខ្លួន។ វិធីមួយដែលអ្នកអាចធ្វើដូច្នេះគឺឲ្យកូនៗដោះស្រាយបញ្ហារបស់ពួកគេដោយខ្លួនឯងតាមដែលអាចធ្វើបាន។ នេះជួយកូនៗរៀនឲ្យចេះដោះស្រាយហើយស៊ូទ្រាំនឹងបញ្ហានៅក្នុងជីវិត។ មេរៀននេះនឹងជួយកូនៗឲ្យចេះគោរពខ្លួនឯង ហើយក៏នឹងជួយពួកគេពេលដែលពួកគេធំឡើងដែរ។
អ្វីដែលសាក្សីព្រះយេហូវ៉ាកំពុងធ្វើ
កិច្ចប្រជុំនិងកម្មវិធីសិក្សាគម្ពីររបស់សាក្សីព្រះយេហូវ៉ាជួយមនុស្សឲ្យមានជីវិតកាន់តែល្អប្រសើរ ហើយធ្វើឲ្យពួកគេកាន់តែមានការគោរពចំពោះខ្លួន។
កិច្ចប្រជុំប្រចាំសប្ដាហ៍របស់យើង
នៅឯកិច្ចប្រជុំប្រចាំសប្ដាហ៍របស់យើង យើងរីករាយស្ដាប់សុន្ទរកថាដែលមានមូលដ្ឋានលើគម្ពីរដែលរួមបញ្ចូលយោបល់ផ្សេងៗអំពីរបៀបដែលអាចជួយយើងឲ្យចេះបង្ហាញការគោរពចំពោះខ្លួន។ កិច្ចប្រជុំរបស់យើងគឺឥតគិតថ្លៃ ហើយមនុស្សទាំងអស់អាចចូលរួមបាន។ ជាឧទាហរណ៍ នៅកិច្ចប្រជុំរបស់យើងអ្នកនឹងរៀនអំពី . . .
-
មូលហេតុដែលអ្នកសំខាន់ចំពោះព្រះ
-
របៀបរកឃើញគោលបំណងពិតក្នុងជីវិត
-
របៀបដែលអ្នកអាចមានចំណងមិត្តភាពរឹងមាំនិងយូរអង្វែង
អ្នកអាចមានមិត្តពិតដែល«យកចិត្តទុកដាក់ចំពោះគ្នាទៅវិញទៅមក»។—កូរិនថូសទី១ ១២:២៥, ២៦
ដើម្បីរៀនថែមទៀតអំពីកិច្ចប្រជុំរបស់យើង សូមមើលវីដេអូតើមានកម្មវិធីអ្វីខ្លះនៅសាលប្រជុំរបស់យើង? នៅគេហទំព័រjw.org។
កម្មវិធីបង្រៀនគម្ពីររបស់យើង
យើងមានកម្មវិធីបង្រៀនគម្ពីរដោយឥតគិតថ្លៃដោយប្រើសៀវភៅសប្បាយនឹងជីវិតដែលគ្មានទីបញ្ចប់! សៀវភៅនេះពន្យល់បទគម្ពីរសំខាន់ៗ មានការវែកញែកច្បាស់លាស់ សំណួរសម្រាប់រំពឹងគិត វីដេអូដែលលើកទឹកចិត្ត និងរូបភាពស្អាតៗ។ កម្មវិធីបង្រៀនគម្ពីររបស់យើងជួយមនុស្សឲ្យបង្ហាញការគោរពចំពោះខ្លួន និងធ្វើឲ្យជីវិតរបស់ពួកគាត់ប្រសើរឡើង។
ដើម្បីដឹងថាការរៀនគម្ពីរជាមួយសាក្សីព្រះយេហូវ៉ាអាចផ្ដល់ប្រយោជន៍យ៉ាងណាដល់អ្នក សូមមើលវីដេអូហេតុអ្វីគួររៀនគម្ពីរ? នៅគេហទំព័រjw.org។