ចំណងមិត្តភាពជាមួយព្រះ
ដូចបានរៀបរាប់នៅអត្ថបទដើម មនុស្សជាច្រើនគិតថាគម្ពីរជាសៀវភៅដ៏ពិសិដ្ឋ។ ពេលពួកគេអានហើយធ្វើតាមការណែនាំពីគម្ពីរ ពួកគេមានអារម្មណ៍ថាពួកគេកាន់តែចូលទៅជិតព្រះ ហើយចាប់ផ្ដើមស្គាល់ថាអ្វីជាគោលបំណងនៃជីវិតរបស់ពួកគេ។
គម្ពីររៀបរាប់ថាមនុស្សដែលមានចំណងមិត្តភាពជាមួយព្រះ ឲ្យតម្លៃចំពោះទស្សនៈរបស់លោក ហើយរស់នៅស្របតាមខ្នាតតម្រារបស់លោក។ ផ្ទុយទៅវិញ មនុស្សដែលមិនចង់ឲ្យព្រះដឹកនាំ ពួកគេតែងតែទុកចិត្តលើគំនិតរបស់ខ្លួន ហើយធ្វើតាមសេចក្ដីប៉ងប្រាថ្នារបស់ខ្លួន។—យូដាស ១៨, ១៩; អេភេសូរ ៥:១
សេចក្ដីសង្ឃឹម
គោលការណ៍គម្ពីរ: «បើឯងអន់ថយក្នុងថ្ងៃលំបាក នោះឈ្មោះថាឯងមានកំឡាំងតិចទេ»។—សុភាសិត ២៤:១០
អត្ថន័យ: ការធ្លាក់ទឹកចិត្តអាចធ្វើឲ្យយើងលែងមានកម្លាំងស៊ូទ្រាំនឹងបញ្ហាដែលមានក្នុងជីវិត។ ផ្ទុយទៅវិញ សេចក្ដីសង្ឃឹមអាចផ្ដល់កម្លាំងឲ្យយើង។ សេចក្ដីសង្ឃឹមអាចជាអ្វីដែលជួយសម្រាលទុក្ខយើង ពេលដែលយើងដឹងថាបញ្ហាដែលយើងកំពុងជួបប្រទះគឺមានតែមួយរយៈពេលខ្លីប៉ុណ្ណោះ។ ការពិត អាចមានអ្វីល្អកើតឡើងនៅពេលនោះក៏មិនដឹង។
អ្វីដែលអ្នកអាចធ្វើ: សូមព្យាយាមគិតអំពីអ្វីល្អៗដែលនឹងកើតឡើងនៅពេលអនាគត។ ជាជាងបារម្ភអំពីអ្វីដែលប្រហែលជានឹងកើតឡើង ឬក៏អង្គុយរង់ចាំឱកាសល្អប៉ុណ្ណោះ សូមចាត់វិធានការណាមួយដែលសមស្របនឹងគោលដៅរបស់អ្នក។ ពិតមែន យើងអាចមានការពិបាកដោយសារ‹ពេលវេលានិងឱកាស› ឬព្រឹត្ដិការណ៍ដែលមើលមិនឃើញជាមុន។ (សាស្ដា ៩:១១) ប៉ុន្តែ តាមពិតទៅរឿងអាក្រក់អាចប្រែទៅជារឿងល្អជាងដែលយើងរំពឹងទុកទៅទៀត។ ដូច្នេះ គម្ពីរប្រើពាក្យប្រៀបប្រដូចមួយស្តីអំពីការធ្វើកសិកម្មដោយចែងថា៖ «នៅពេលព្រឹក ចូរសាបព្រោះពូជរបស់ឯងចុះ ហើយនៅពេលល្ងាចកុំឲ្យទប់ដៃឯងឡើយ ដ្បិតឯងមិនដឹងជាខាងណានឹងចំរើនឡើង ទោះបើខាងណេះឬខាងណោះក្ដី ឬបើទាំង២នឹងចំរើនបានល្អដូចគ្នាផង»។—សាស្ដា ១១:៦
ចម្លើយចំពោះសំណួរដ៏សំខាន់អំពីជីវិត
គោលការណ៍គម្ពីរ: «បណ្ដាំរបស់លោកជាសេចក្ដីពិត»។—យ៉ូហាន ១៧:១៧
អត្ថន័យ: គម្ពីរផ្ដល់ចម្លើយចំពោះសំណួរសំខាន់ៗដែលមនុស្សគ្រប់គ្នាសួរ។ ឧទាហរណ៍ គម្ពីរឆ្លើយសំណួរដូចជា៖
-
តើជីវិតមនុស្សយើងមកពីណា?
-
ហេតុអ្វីយើងរងទុក្ខវេទនា?
-
តើមានអ្វីកើតឡើងពេលដែលមនុស្សស្លាប់?
-
តើថ្ងៃអនាគតនឹងទៅជាយ៉ាងណា?
មនុស្សរាប់លាននាក់នៅទូទាំងពិភពលោកមានជីវិតប្រសើរជាង ដោយសារពួកគេបានពិនិត្យមើលចម្លើយក្នុងគម្ពីរចំពោះសំណួរទាំងនេះនឹងសំណួរឯទៀត។
អ្វីដែលអ្នកអាចធ្វើ: សូមពិនិត្យមើលអ្វីដែលគម្ពីរពិតជាបង្រៀន។ សូមស្នើសុំសាក្សីព្រះយេហូវ៉ាម្នាក់ដើម្បីជួយអ្នកឲ្យយល់គម្ពីរ។ សូមមើលគេហទំព័ររបស់យើងjw.org ឬចូលរួមកិច្ចប្រជុំរបស់យើងដែលបើកជាសាធារណៈឥតគិតថ្លៃ។
គោលការណ៍គម្ពីរឯទៀត
សូមទស្សនាវីដេអូហេតុអ្វីគួររៀនគម្ពីរ? ក្នុងគេហទំព័រjw.org។ វីដេអូនេះមានច្រើនជាង៨៨០ភាសា
ស្គាល់ព្រះ ហើយធ្វើតាមការណែនាំរបស់លោក។
«អស់អ្នកដែលស្រេកឃ្លានចំពោះការណែនាំពីព្រះ នោះមានសុភមង្គលហើយ!»។—ម៉ាថាយ ៥:៣
រៀនថែមទៀតអំពីព្រះតាមរយៈគម្ពីរ។
«ចូរចូលទៅជិតព្រះ ហើយលោកនឹងចូលមកជិតអ្នករាល់គ្នាដែរ»។—យ៉ាកុប ៤:៨
អាននិងរំពឹងគិតអំពីព័ត៌មានក្នុងគម្ពីរ។
«អ្នកនោះត្រេកអរតែនឹងក្រិត្យវិន័យរបស់ព្រះយេហូវ៉ា *វិញ ក៏រំពឹងគិតក្នុងក្រិត្យវិន័យទ្រង់ទាំងយប់ទាំងថ្ងៃដែរ . . . ឯការអ្វីដែលអ្នកនោះធ្វើ នោះនឹងចំរើនឡើងទាំងអស់»។—ទំនុកតម្កើង ១:២, ៣
^ វគ្គ 23 យេហូវ៉ាគឺជានាមរបស់ព្រះ ដូចដែលបានត្រូវបង្ហាញក្នុងគម្ពីរ។
លោកអ្នកក៏ប្រហែលជាចូលចិត្តដែរ
ទស្សនាវដ្ដី
តើគម្ពីរអាចធ្វើឲ្យជីវិតខ្ញុំប្រសើរជាងយ៉ាងដូចម្ដេច?
សៀវភៅបុរាណនេះមានឱវាទដែលមានប្រយោជន៍ណាស់។
