«គំរូមួយដែលបញ្ជាក់ពីសាមគ្គីភាព»
«គំរូមួយដែលបញ្ជាក់ពីសាមគ្គីភាព»
សេចក្ដីនៅខាងលើនេះជាចំណងជើងនៃអត្ថបទមួយដែលបានត្រូវបោះពុម្ពក្នុងកាសែតមួយនៅទីក្រុង អ៊ីនដែអាទូបា រដ្ឋសាវប៉ោឡូ ប្រទេសប្រេស៊ីល។ តើអ្នកណាបានផ្ដល់គំរូនោះ? អ្នកសរសេរនោះបានពន្យល់ថា៖ «គឺពួកស្មរបន្ទាល់ព្រះយេហូវ៉ាដែលមានគម្រោងកសាងវិហារ ឬក៏សាលប្រជុំថ្មីមួយដែលគេត្រូវហៅជា‹សាលព្រះរាជាណាចក្រ›។ ពួកគេកំពុងតែផ្ដល់នូវគំរូមួយដ៏វិជ្ជមានថែមទាំងពិតប្រាកដខាងការសហការគ្នា ដែលអ្នកឯទៀតត្រូវតែទទួលស្គាល់»។
សាមគ្គីភាពក្នុងចំណោមពួកស្មរបន្ទាល់ព្រះយេហូវ៉ា គឺឃើញជាក់ស្តែងក្នុងឱកាសបែបនេះ។ ដូច្នេះហើយ អត្ថបទនោះបានបញ្ជាក់ថា៖ «នេះគឺជាអ្វីដែលធ្វើឲ្យរំភើបចិត្តណាស់ ពេលដែលឃើញអ្នកស្ម័គ្រចិត្តដែលជាពួកបុរស ស្ត្រី និងយុវជនពេញចិត្តធ្វើការជួយគ្នាដើម្បីកសាងកន្លែងមួយដែលគេអាចជួបគ្នានឹងថ្វាយបង្គំព្រះ»។
ស្មរបន្ទាល់ព្រះយេហូវ៉ាតាំងគំរូដ៏ល្អក្នុងលក្ខណៈផ្សេងៗទៀតដែរ។ អត្ថបទនោះបានចែងបន្ថែមទៀតថា៖ «ក្រៅពីការសិក្សានិងការអធិស្ឋាន ពួកគេក៏មានគោលដៅកែតម្រង់អ្នកប្រមឹកនិងអ្នកញៀនថ្នាំញៀនឲ្យកែប្រែឡើងវិញ និងចង្អុលបញ្ជាក់ឲ្យមនុស្សយល់ដឹងពីផ្លូវនៃសាមគ្គីភាពនិងសេចក្ដីស្រឡាញ់»។ តើពួកគេសម្រេចការនេះយ៉ាងដូចម្ដេច? ពួកស្មរបន្ទាល់ដឹងថា ការរៀននិងការអនុវត្តន៍តាមគោលការណ៍ព្រះគម្ពីរអាចជួយមនុស្សម្នាក់ឲ្យផ្ដាច់ខ្លួនចេញពីអំពើអបាយមុខ។ ហេតុនោះហើយបានជាពួកគេខិតខំបង្រៀនអ្នកឯទៀតអំពីអ្វីដែលគេបានរៀនពីព្រះគម្ពីរ។ អត្ថបទនោះបញ្ចប់ដោយចែងថា៖ គេតាំង«គំរូមួយដែលមនុស្សច្បាស់ជាត្រូវតែធ្វើតាមជាបន្ទាន់»។
កិច្ចប្រជុំរបស់ពួកស្មរបន្ទាល់ព្រះយេហូវ៉ាគឺជាការប្រជុំសាធារណៈ និងគ្មានការរៃលុយទេ។ យើងសូមអញ្ជើញលោកអ្នកយ៉ាងកក់ក្ដៅ ឲ្យទៅលេងសាលព្រះរាជាណាចក្រមួយដែលនៅជិតអ្នក។