តួនាទីរបស់នាងម៉ារៀក្នុងគោលបំណងរបស់ព្រះ
តួនាទីរបស់នាងម៉ារៀក្នុងគោលបំណងរបស់ព្រះ
ក្នុងអំឡុងកិច្ចបម្រើផ្សាយរបស់លោកយេស៊ូ ស្ត្រីម្នាក់បានបន្លឺសំឡេងពីក្នុងចំណោមបណ្ដាជនជម្រាបលោកថា៖ «ស្ត្រីដែលបានរក្សាលោកក្នុងផ្ទៃ ហើយបំបៅលោក មានសុភមង្គលហើយ!»។ ប្រសិនបើលោកយេស៊ូមានចិត្តចង់ឲ្យគេគោរពប្រណិប័តន៍ម្ដាយរបស់លោក នោះជាឱកាសដ៏ល្អប្រសើរដើម្បីលើកទឹកចិត្តគេឲ្យធ្វើដូច្នោះ។ ផ្ទុយទៅវិញ លោកមានប្រសាសន៍ថា៖ «ទេ! គឺអស់អ្នកដែលឮបណ្ដាំរបស់ព្រះហើយធ្វើតាម ទើបមានសុភមង្គល!»។—លូកា ១១:២៧, ២៨
លោកយេស៊ូមិនបានលើកកិត្ដិយសពិសេសដល់ម្ដាយរបស់លោកទេ ហើយក៏មិនបានប្រាប់ឲ្យអ្នកកាន់តាមធ្វើដូច្នេះដែរ។ ប៉ុន្តែ អ្នកជឿដ៏ស្មោះជាច្រើននាក់បានកោតសរសើរនាងម៉ារៀ។ ដូច្នេះ តើនេះសមស្របនឹងប្រសាសន៍របស់លោកយេស៊ូទេ? សូមឲ្យយើងពិចារណាសេចក្ដីបង្រៀនខ្លះៗដែលមានជាទូទៅ អំពីម្ដាយរបស់លោកយេស៊ូដោយប្រៀបធៀបទៅនឹងបទគម្ពីរបរិសុទ្ធ។
«ក្នុងចំណោមស្រីទាំងឡាយ . . . មានពរហើយ» ព្រមទាំង«ពេញដោយគុណដ៏វិសេសលើសលប់របស់ព្រះ»
ទេវតាមួយរូបឈ្មោះកាព្រីយ៉ែលបានប្រាប់ម៉ារៀអំពីតួនាទីរបស់នាងក្នុងគោលបំណងរបស់ព្រះ ពេលកាព្រីយ៉ែលបានជម្រាបសួរនាងថា៖ «សួស្តី អ្នកសំណព្វរបស់ព្រះ។ ព្រះយេហូវ៉ានៅជាមួយនឹងនាង»។ (លូកា ១:២៨) ការបកប្រែផ្សេងទៀតបានបកប្រែការជម្រាបសួរដដែលនេះថា៖ «អបអរសាទរ! អ្នកដែលពេញដោយគុណដ៏វិសេសលើសលប់របស់ព្រះ។ លោកម្ចាស់ស្ថិតនៅជាមួយអ្នក»។ មិនយូរក្រោយពីនេះ អេលីសាបិតបានជម្រាបសួរនាងម៉ារៀដោយប្រើពាក្យថា៖ «ក្នុងចំណោមស្រីទាំងឡាយ នាងមានពរហើយ! ឯកូនដែលនាងនឹងបង្កើតក៏មានពរដែរ!»។ (លូកា ១:៤២) ប្រយោគទាំងនេះបញ្ជាក់ថានាងម៉ារៀគួរនឹងទទួលការគោរពប្រណិប័តន៍ពិសេស មែនទេ?
តាមការពិត មិនមែនទេ។ ទោះបើសាសនាកាតូលិកបានបញ្ចូលពាក្យទាំងនេះក្នុងសេចក្ដីអធិដ្ឋានថ្លែងដល់នាងម៉ារៀក៏ពិតម៉ាថាយ ៦:៩
មែន តែគម្ពីរមិនបានផ្ដល់មូលហេតុដែលយើងគួរអធិដ្ឋានដល់នាងឡើយ។ ទាំងកាព្រីយ៉ែលទាំងអេលីសាបិតទទួលស្គាល់កិត្ដិយសដ៏លើសលប់ដែលនាងម៉ារៀមាន ជាអ្នកដែលនឹងសម្រាលកូន ដែលនឹងក្លាយទៅជាមេស្ស៊ី (អ្នកដែលបានតែងតាំងដោយព្រះដើម្បីកាន់មុខតំណែងពិសេស)។ ប៉ុន្តែ សេចក្ដីបង្រៀនឲ្យអធិដ្ឋានដល់នាងមិនមានក្នុងគម្ពីរឡើយ។ ផ្ទុយទៅវិញ ពេលអ្នកកាន់តាមរបស់លោកយេស៊ូ សុំឲ្យលោកបង្រៀនពួកគេនូវរបៀបដែលគួរអធិដ្ឋាន នោះលោកបានបង្ហាញប្រាប់ថាសេចក្ដីអធិដ្ឋានទាំងអស់គួរថ្លែងដល់បិតារបស់លោកវិញ។ តាមពិត សេចក្ដីអធិដ្ឋានដ៏ល្បីល្បាញដែលលោកយេស៊ូថ្លែងទុកជាគំរូ ចាប់ផ្ដើមពីពាក្យដែលថា៖ «ឱបិតារបស់យើងដែលនៅស្ថានសួគ៌»។—ក្នុងចំណោមពួកអ្នកគ្រប់គ្រង
សេចក្ដីបង្រៀនមួយទៀតអំពីនាងម៉ារៀដែលមានជាទូទៅ គឺថាឥឡូវនាងជា«មហាក្សត្រិយ៍នៃស្ថានសួគ៌»។ គម្ពីរមិនដែលបានផ្ដល់ឋានន្តរបែបនេះឲ្យនាងឡើយ។ ក៏ប៉ុន្តែ គម្ពីរបានបង្ហាញថានាងមានតួនាទីពិសេសក្នុងការកាន់កាប់ត្រួតត្រារបស់ព្រះនៅឯស្ថានសួគ៌។ តើតួនាទីនោះជាអ្វី?
លោកយេស៊ូបានបញ្ជាក់ថាអ្នកកាន់តាមដ៏ស្មោះត្រង់ខ្លះរបស់លោក នឹងគ្រប់គ្រងជាមួយលោកនៅឯស្ថានសួគ៌ក្នុងរាជាណាចក្ររបស់លោក។ (លូកា ២២:២៨-៣០) លោកយេស៊ូនឹងផ្ដល់អំណាចឲ្យអស់អ្នកដែលបានជ្រើសរើសនោះដើម្បីបម្រើជា«សង្ឃរបស់ព្រះនៃយើង ហើយពួកគេនឹងធ្វើជាស្តេចគ្រប់គ្រងលើផែនដី»។ (ការបើកបង្ហាញ ៥:១០) គម្ពីរបាននាំឲ្យយើងសន្និដ្ឋានយ៉ាងច្បាស់ថានាងម៉ារៀស្ថិតក្នុងចំណោមអ្នកដែលទទួលកិត្ដិយសដ៏លើសលុបនេះ។ ហេតុអ្វីយើងអាចសន្និដ្ឋានដូច្នេះ?
អ្នកទំនងជាចាំថាក្រោយពីពេលដែលលោកយេស៊ូបានស្លាប់ នោះនាងម៉ារៀបាន«ព្យាយាមក្នុងការអធិដ្ឋាន»ជាមួយអ្នកកាន់តាមលោក ព្រមទាំងប្អូនប្រុសខ្លះៗរបស់លោកដែរ។ បងប្អូនគ្រិស្តសាសនិកប្រមាណ១២០នាក់បានជួបជុំគ្នាដើម្បីធ្វើដូច្នេះ រួមទាំង«ស្ត្រីខ្លះ»ផង។ (សកម្មភាព ១:១២-១៥) គម្ពីរបានចែងថា៖ «ក្នុងអំឡុងបុណ្យថ្ងៃទីហាសិប ពួកគាត់ទាំងអស់គ្នានៅជុំគ្នានៅកន្លែងតែមួយ» ពេលដែលព្រះបានផ្ដល់សកម្មពលរបស់លោកលើពួកគាត់ ហើយផ្ដល់ឲ្យពួកគាត់មានសមត្ថភាពនិយាយជាភាសាផ្សេងៗផង។—សកម្មភាព ២:១-៤
យ៉ាងនេះ នាងម៉ារៀស្ថិតក្នុងចំណោមពួកអ្នកដែលទទួលសកម្មពលបរិសុទ្ធ ហើយនេះជាទីសំអាងដែលបង្ហាញថានាងក៏បានជ្រើសរើសឲ្យគ្រប់គ្រងជាមួយលោកយេស៊ូក្នុងរាជាណាចក្រនៅស្ថានសួគ៌របស់លោក។ ដូច្នេះ យើងមានមូលហេតុយ៉ាងត្រឹមត្រូវឲ្យជឿជាក់ថានាងម៉ារៀកំពុងមានសិរីរុងរឿងនៅឯស្ថានសួគ៌ជាមួយលោកយេស៊ូ។ (រ៉ូម ៨:១៤-១៧) សូមគិតអំពីឯកសិទ្ធរបស់នាង ព្រមទាំងអ្នកគ្រប់គ្រងឯទៀតដែលមានក្នុងការសម្រេចគោលបំណងរបស់ព្រះ។
ផ្ដល់ពរដ៏អស្ចារ្យ
សៀវភៅការបើកបង្ហាញក្នុងគម្ពីរបានចែងថាអ្នកដែលស្ថិតក្នុងចំណោម១៤៤.០០០នាក់ នឹងត្រូវបានប្រោសឲ្យរស់ឡើងវិញដើម្បីទទួលសិរីរុងរឿងនៅឯស្ថានសួគ៌ក្នុងការបម្រើនៅក្បែរលោកយេស៊ូជាសង្ឃ អ្នកវិនិច្ឆ័យ និងស្តេច។ (ការបើកបង្ហាញ ១៤:១, ៤; ២០:៤, ៦) ក្នុងឋានៈជាសង្ឃ ពួកគេនឹងរួមចំណែកក្នុងការផ្ដល់ប្រយោជន៍ពីថ្លៃលោះរបស់លោកយេស៊ូដល់មនុស្សជាតិទាំងអស់ដែលចេះស្ដាប់បង្គាប់ ព្រមទាំងនាំឲ្យពួកគេមានភាពល្អឥតខ្ចោះខាងរាងកាយ ខាងសីលធម៌ ហើយខាងចំណងមេត្រីភាពជាមួយព្រះផង។ (ការបើកបង្ហាញ ២១:១-៤) នេះពិតជាឯកសិទ្ធពិសេសមែនពេលអ្នកគោរពប្រណិប័តន៍ព្រះយេហូវ៉ាទាំងអស់ដែលមានចិត្តភក្ដី ឃើញគ្រាដ៏ល្អអស្ចារ្យនោះ! *
នាងម៉ារៀធ្លាប់មាន ហើយនៅតែមានចំណែកក្នុងការសម្រេចគោលបំណងរបស់ព្រះយេហូវ៉ា។ ដោយព្រោះនាងមានចិត្តរាបទាប ជំនឿ ចេះស្ដាប់បង្គាប់ ជាម្ដាយដែលស្រឡាញ់កូនយ៉ាងអស់ពីចិត្ត ហើយសំខាន់ជាងនេះទៅទៀត នាងបានស៊ូទ្រាំពេលប្រឈមមុខទុក្ខលំបាក នោះជាការសមរម្យឲ្យយើងយកតម្រាប់តាមនាង។ ណាមួយទៀត នាងគួរទទួលសេចក្ដីគោរពយ៉ាងជ្រាលជ្រៅ ដោយសារនាងសម្រាលកូនដែលនឹងក្លាយទៅជាមេស្ស៊ី ហើយរួមចំណែកក្នុងការផ្ដល់ប្រយោជន៍ដែលមកពីថ្លៃលោះដល់មនុស្សជាតិ។
យ៉ាងណាក៏ដោយ មេរៀនដ៏សំខាន់បំផុតដែលយើងរៀនពីម៉ារៀ គឺថានាង ព្រមទាំងអ្នកបម្រើដ៏ស្មោះត្រង់ឯទៀតរបស់ព្រះ ថ្វាយបង្គំព្រះយេហូវ៉ា មិនមែនព្រះឯទៀតឡើយ។ នាងម៉ារៀ ជាមួយនឹងអ្នកឯទៀតដែលនឹងគ្រប់គ្រងនៅស្ថានសួគ៌ បន្លឺសំឡេងថា៖ «សូមឲ្យលោកដែលអង្គុយលើបល្ល័ង្ក[ព្រះយេហូវ៉ា]និងកូនចៀម[លោកយេស៊ូគ្រិស្ត]ប្រកបដោយពរ កិត្ដិយស សិរីរុងរឿង និងកម្លាំងខ្លាំងក្លាជារៀងរហូត»។—ការបើកបង្ហាញ ៥:១៣; ១៩:១០
[កំណត់សម្គាល់]
^ វគ្គ 13 ដើម្បីទទួលព័ត៌មានបន្ថែមចំពោះពរទាំងនេះ សូមមើលជំពូកទី៨នៃសៀវភៅ តើព្រះគម្ពីរពិតជាបង្រៀនយ៉ាងណា? ដែលត្រូវបានបោះពុម្ពដោយសាក្សីព្រះយេហូវ៉ា។
[រូបភាពនៅទំព័រ១០]
ជាការសមរម្យឲ្យយើងយកតម្រាប់តាមនាងម៉ារៀក្នុងការបង្ហាញចិត្តរាបទាប ជំនឿ និងចេះស្ដាប់បង្គាប់