ក្មេងស្រីតូចមានចិត្ដទូលាយ
ក្មេងស្រីតូចមានចិត្តទូលាយ
នៅប្រទេសប្រេស៊ីលពេលថ្មីៗនេះ ក្មេងស្រីអាយុ៩ឆ្នាំម្នាក់ មានគំនិតចេះរំលែកលុយដែលគាត់បានសន្សំ ទុកដោយឡែកពីគ្នា។ គាត់ដាក់១៨ដុល្លារក្នុងប្រអប់វិភាគទាននៅសាលប្រជុំដើម្បីជួយចំពោះការចំណាយរបស់ក្រុមជំនុំ។ ក្រោយមក គាត់បានផ្ញើ២៥ដុល្លារទៅការិយាល័យសាខារបស់សាក្សីព្រះយេហូវ៉ា ភ្ជាប់ជាមួយសំបុត្រខ្លីមួយច្បាប់។ គាត់បានសរសេរថា៖ «ខ្ញុំចង់ជូនវិភាគទាននេះដើម្បីគាំទ្រកិច្ចការទូទាំងពិភពលោក ហើយចង់ជួយបងប្អូនរួមជំនឿជាច្រើនទូទាំងពិភពលោកឲ្យផ្សព្វផ្សាយដំណឹងល្អ។ ខ្ញុំជូនវិភាគទាននេះដោយក្ដីស្រឡាញ់យ៉ាងជ្រាលជ្រៅចំពោះព្រះយេហូវ៉ា»។
មាតាបិតារបស់ក្មេងស្រីនេះបានបង្រៀនគាត់នូវសារៈសំខាន់នៃការចូលរួមអស់ពីសមត្ថភាពក្នុងកិច្ចផ្សព្វផ្សាយអំពីរាជាណាចក្ររបស់ព្រះ។ ពួកគាត់ក៏បានបញ្ជាក់ឲ្យនាងយល់ភាពចាំបាច់នៃការ«ថ្វាយកិត្ដិនាមដល់ព្រះយេហូវ៉ា ដោយទ្រព្យសម្បត្ដិ»។ (សុភ. ៣:៩) ដូចក្មេងស្រីនោះដែរ សូមឲ្យយើងទាំងអស់គ្នាចូលរួមយ៉ាងខ្នះខ្នែងក្នុងការលើកស្ទួយរាជាណាចក្ររបស់ព្រះនៅទីជិតឆ្ងាយ!