«វេលាកំណត់» គឺជិតណាស់ហើយ

លេង

«វេលាកំណត់» គឺជិតណាស់ហើយ

ដូចអ្នកប្រកាសទំនាយហាបាគុក ពួកអ្នកកាន់តាមលោកយេស៊ូក៏ចង់ឲ្យសេចក្ដីវេទនាលែងមានដែរ។ ដោយបានយល់ដឹងថារាជាណាចក្ររបស់ព្រះនឹងធ្វើអ្វីដើម្បីដោះស្រាយបញ្ហានៅផែនដី ពួកគាត់បានសួរលោកយេស៊ូថា៖ «តើការទាំងនេះនឹងកើតឡើងនៅពេលណា? ហើយតើអ្វីជាសញ្ញាសម្គាល់ដែលបញ្ជាក់វត្តមានរបស់លោក[ជាស្តេចនៃរាជាណាចក្រព្រះ] និងគ្រាចុងបញ្ចប់នៃរបៀបរបបពិភពលោក?»។ (ម៉ាថាយ ២៤:៣) លោកយេស៊ូបានតបឆ្លើយថា មានតែព្រះយេហូវ៉ាប៉ុណ្ណោះដែលជ្រាបពីថ្ងៃនិងម៉ោងដែលរាជាណាចក្រព្រះនឹងគ្រប់គ្រងលើផែនដី។ (ម៉ាថាយ ២៤:៣៦; ម៉ាកុស ១៣:៣២) ក៏ប៉ុន្តែ លោកយេស៊ូនិងអ្នកឯទៀតបានទាយអំពីព្រឹត្ដិការណ៍ខ្លះៗដែលនឹងកើតឡើងដែលបង្ហាញថាពេលវេលានោះគឺជិតណាស់ហើយ។—សូមមើល ប្រអប់ខាងស្ដាំ

សព្វថ្ងៃនេះ ព្រឹត្ដិការណ៍ទាំងនោះមានជាទូទៅ មែនទេ? លោកយេស៊ូក៏បានទាយទុកថាមានកិច្ចការអប់រំមនុស្សដែលនឹងធ្វើឡើងនៅទូទាំងពិភពលោក។ លោកបានមានប្រសាសន៍ថា៖ «ដំណឹងល្អនេះអំពីរាជាណាចក្រនឹងត្រូវផ្សព្វផ្សាយនៅគ្រប់ទីអាស្រ័យនៅផែនដី ដើម្បីឲ្យប្រជាជាតិទាំងឡាយបានឮ រួចទីបញ្ចប់នឹងមកដល់»។—ម៉ាថាយ ២៤:១៤

នេះជាអ្វីដែលកំពុងមានសព្វថ្ងៃនេះ។ សាក្សីព្រះយេហូវ៉ាកំពុងធ្វើកិច្ចការនោះ។ នៅក្នុង២៣៦ប្រទេស សាក្សីព្រះយេហូវ៉ាជាង៧លាននាក់កំពុងផ្សាយប្រាប់មនុស្សអំពីអ្វីដែលរាជាណាចក្រព្រះនឹងធ្វើ ហើយពួកគេជួយមនុស្សឲ្យរស់នៅស្របតាមតម្រូវការដ៏សុចរិតរបស់ព្រះ ដែលលោកមានបំណងប្រាថ្នាបំបាត់ចោលសេចក្ដីវេទនានិងការឈឺចាប់។ សូមបន្តរៀនអំពីរាជាណាចក្ររបស់ព្រះ ហើយលោកអ្នកនឹងមានសេចក្ដីសង្ឃឹមរស់នៅជារៀងរហូតក្នុងពិភពលោកមួយដែលគ្មានសេចក្ដីវេទនា។

[ប្រអប់នៅទំព័រ៨]

បទគម្ពីរដែលបង្ហាញប្រាប់ អំពីគ្រាចុងក្រោយបង្អស់

ម៉ាថាយ ២៤:៦, ៧; ការបើកបង្ហាញ ៦:៤

• សង្គ្រាមដែលមិនធ្លាប់មានពីមុន

ម៉ាថាយ ២៤:៧; ម៉ាកុស ១៣:៨

• ការរញ្ជួយដី

• ការអត់ឃ្លាន

លូកា ២១:១១; ការបើកបង្ហាញ ៦:៨

• រោគរាតត្បាត

ម៉ាថាយ ២៤:១២

• ការប្រឆាំងច្បាប់មានកាន់តែច្រើនឡើង

• សេចក្ដីស្រឡាញ់របស់មនុស្សរសាយទៅ