៣ ព្រះសងសឹកមនុស្ស តើពិតឬទេ?
៣ ព្រះសងសឹកមនុស្ស តើពិតឬទេ?
អ្វីដែលលោកអ្នកប្រហែលជាធ្លាប់ឮ: «ព្រះកត់បញ្ជីរាល់កំហុសខុសឆ្គងរបស់យើង ហើយលោកនឹងសងសឹកមនុស្សដោយដាក់ទណ្ឌកម្មគេនៅក្នុងភ្លើងនរកជារៀងរហូត»។
«ព្រះដាក់ទណ្ឌកម្មពួកអ្នកដែលប្រព្រឹត្តអំពើខុសឆ្គងដោយប្រើគ្រោះមហន្តរាយធម្មជាតិ»។
អ្វីដែលគម្ពីរបង្រៀន: នៅពេត្រុសទី២ ៣:៩បានចែងថាព្រះយេហូវ៉ា«មិនចង់ឲ្យអ្នកណាត្រូវបំផ្លាញចោលឡើយ តែចង់ឲ្យមនុស្សទាំងអស់មានឱកាសប្រែចិត្ត»។ ជាជាងផ្ចង់អារម្មណ៍ទៅលើកំហុសរបស់យើង លោកមើលឃើញចំណុចល្អរបស់យើង។ គម្ពីរចែងថា៖ «ព្រះនេត្រនៃព្រះយេហូវ៉ាចេះតែទតច្រវាត់នៅគ្រប់លើផែនដីទាំងមូល ដើម្បីនឹងសំដែងព្រះចេស្ដាជួយដល់អស់អ្នកណាដែលមានចិត្តស្មោះត្រង់ចំពោះទ្រង់»។—របាក្សត្រទី២ ១៦:៩
ភ្លើងនរកមិនមែនជាសេចក្ដីបង្រៀនដែលមានក្នុងគម្ពីរទេ។ ការធ្វើទារុណកម្មជារៀងរហូតបែបនេះជាគំនិតដែលព្រះស្អប់ខ្ពើម។ ទណ្ឌកម្មដ៏ខ្លាំងបំផុតរបស់ព្រះចំពោះមនុស្សអាក្រក់គឺឲ្យគេស្លាប់តែប៉ុណ្ណោះ។ (យេរេមា ៧:៣១; រ៉ូម ៦:៧) ម្យ៉ាងទៀត គ្រោះមហន្តរាយធម្មជាតិដែលបានបំផ្លាញមនុស្សមិនរើសមុខ មិនមែនបណ្ដាលមកពីព្រះនោះទេ ប៉ុន្តែ នេះជាហេតុការណ៍ដែលកើតឡើងដោយមិនបានដឹងទុកជាមុនដែលនាំឲ្យមនុស្សគ្រប់គ្នាមានគ្រោះថ្នាក់។—សាស្ដា ៩:១១
ការស្គាល់សេចក្ដីពិតជួយលោកអ្នក: យើងអាចចូលទៅជិតព្រះជាង បើយើងទទួលស្គាល់ថាលោក«បំរុងតែនឹងអត់ទោស» ហើយលោកមិនឆាប់ផ្ដន្ទាទោសយើងឡើយ។ (ទំនុកតម្កើង ៨៦:៥) ដោយដឹងអំពីរឿងនេះ យើងមិនមែនបម្រើព្រះដោយសារសមត្ថភាពវិនិច្ឆ័យរបស់យើងផ្ដន្ទាទោសខ្លួន ឬខ្លាចលោកដាក់ទណ្ឌកម្មទេ។ ផ្ទុយទៅវិញ យើងអាចបណ្ដុះឲ្យមានជំនឿដោយសារយើងស្រឡាញ់ព្រះយេហូវ៉ា។ សេចក្ដីស្រឡាញ់បែបនេះជាថាមពលដ៏ល្អមួយដែលជំរុញយើងឲ្យធ្វើអស់ពីសមត្ថភាពដើម្បីផ្គាប់ចិត្តលោក។—ម៉ាថាយ ២២:៣៦-៣៨; យ៉ូហានទី១ ៥:៣
ពេលដែលព្រះចង់ឲ្យមនុស្សគ្រប់គ្នាបែរមកធ្វើអ្វីដែលត្រឹមត្រូវ លោកដឹងថាមនុស្សជាច្រើននឹងមិនធ្វើដូច្នេះទេ។ បើលោកមិនចាត់វិធានការដើម្បីទប់ស្កាត់ពួកអ្នកដែលតាំងចិត្តធ្វើអ្វីៗដែលអាក្រក់ នោះលោកនឹងដូចពួកអ្នកគ្រប់គ្រងឯទៀត ព្រោះពួកគេចេះតែបង្កើតច្បាប់តែមិនប្រតិបត្ដិតាមច្បាប់ទាំងនោះឡើយ។ ការធ្វើដូច្នេះបានបណ្ដាលឲ្យមានភាពអយុត្ដិធម៌និងទុក្ខវេទនាជារៀងរហូត។ (សាស្ដា ៨:១១) ប៉ុន្តែ ការដឹងថាព្រះនឹងមិនត្រាប្រណីចំពោះអំពើអាក្រក់បានផ្ដល់ឲ្យយើងនូវសេចក្ដីសង្ឃឹមដ៏មុតមាំសម្រាប់ពេលអនាគត។ ព្រះបានសន្យាថាលោកនឹងបំផ្លាញពួកអ្នកដែលមានទម្លាប់ប្រព្រឹត្តអំពើអាក្រក់ ហើយ«មនុស្សរាបសា»នឹងមានជីវិតដែលគ្មានទីបញ្ចប់នៅលើផែនដីដូចគោលបំណងដើមរបស់លោក។—ទំនុកតម្កើង ៣៧:១០, ១១, ២៩ *
[កំណត់សម្គាល់]
^ វគ្គ 7 ដើម្បីរៀនថែមទៀតអំពីរបៀបដែលព្រះនឹងធ្វើឲ្យផែនដីក្លាយជាសួនឧទ្យាន សូមមើលជំពូកទី៣និងទី៨នៃសៀវភៅតើព្រះគម្ពីរពិតជាបង្រៀនយ៉ាងណា?
[ឃ្លាអក្សរធំនៅទំព័រ៦]
តើព្រះចង់ឲ្យយើងគោរពប្រណិប័តន៍លោក ដោយសារខ្លាចលោកដាក់ទណ្ឌកម្មយើងឬ?
[អ្នកផ្ដល់សិទ្ធិឲ្យប្រើរូបភាពនៅទំព័រ៦]
Engravings by Doré
