ចូរសរសើរតម្កើងព្រះយេហូវ៉ា
ថតចម្លង៖
១. ព្រះយេហូវ៉ាពេញដោយឫទ្ធា
រុងរឿងមិនអាចពណ៌នា
ទោះបីរូបខ្ញុំជាធូលីដី
តែលោកតែងស្រឡាញ់និងភក្ដី។
អ្វីលោកបង្កើតសុទ្ធតែអស្ចារ្យ
ធ្វើឲ្យខ្ញុំពិចារណា
ព្រះយេហូវ៉ា តើខ្ញុំជាអ្វី
ដែលលោកតែងសន្ដោសនិងប្រណី?
(បន្ទរ)
ព្រះយេហូវ៉ា យើងខ្ញុំបន្លឺសំនៀង
ជាចម្រៀងសរសើរតម្កើង
ឱព្រះខ្ញុំអើយ ខ្ញុំចង់ច្រៀងឲ្យឮឡើង
លោកឧត្តមខ្ពង់ខ្ពស់ថ្លៃថ្លា
លោកជាព្រះរុងរឿងអស្ចារ្យ។
២. ចិត្តកាយជីវិតខ្ញុំជូនលោកហើយ
ខ្ញុំធ្វើតាមលោកឥតប្រែឡើយ
លោកមានមេត្តានិងសប្បុរស
ខ្ញុំចង់ប្រាប់មនុស្សមានចិត្តស្មោះ។
ពេលខ្ញុំបម្រើព្រះដ៏ខ្ពង់ខ្ពស់
ធ្វើឲ្យខ្ញុំមានកិត្តិយស
លោកផ្ដល់កម្លាំងដែលខ្ញុំត្រូវការ
ខ្ញុំតាំងចិត្តធ្វើតាមលោកប្រាថ្នា។
(បន្ទរ)
ព្រះយេហូវ៉ា យើងខ្ញុំបន្លឺសំនៀង
ជាចម្រៀងសរសើរតម្កើង
ឱព្រះខ្ញុំអើយ ខ្ញុំចង់ច្រៀងឲ្យឮឡើង
លោកឧត្តមខ្ពង់ខ្ពស់ថ្លៃថ្លា
លោកជាព្រះរុងរឿងអស្ចារ្យ។
៣. មហាសមុទ្រនិងព្រៃព្រឹក្សា
ដួងតារារះលើវេហា
ខ្ញុំនឹកអស្ចារ្យនឹងស្នាដៃលោក
ព្រោះក្ដីស្រឡាញ់លោកមានរហូត។
ឫទ្ធានៃលោកគ្មានកម្រិតឡើយ
ប្រាជ្ញាលោកខ្ញុំឃើញច្បាស់ហើយ
លោកសមនឹងកោតសរសើរពេកក្រៃ
ស្នាដៃលោកពិតជាល្អប្រពៃ!
(បន្ទរ)
ព្រះយេហូវ៉ា យើងខ្ញុំបន្លឺសំនៀង
ជាចម្រៀងសរសើរតម្កើង
ឱព្រះខ្ញុំអើយ ខ្ញុំចង់ច្រៀងឲ្យឮឡើង
លោកឧត្តមខ្ពង់ខ្ពស់ថ្លៃថ្លា
លោកជាព្រះរុងរឿងអស្ចារ្យ៕
(សូមពិនិត្យបន្ថែម ចសព. ៩៦:១-១០; ១៤៨:៣, ៧)
