ចម្រៀងលេខ១១៩
យើងត្រូវតែមានជំនឿ
(ហេប្រឺ ១០:៣៨, ៣៩)
-
១. ព្រះបានមានប្រសាសន៍មកកាន់មនុស្សា
តាមអ្នកថ្លែងទំនាយពីបុរាណ
ឥឡូវលោកពោលថា៖ ‹ចូរឲ្យប្រែចិន្ដា›
ពីបុត្រព្រះយើងឮគ្រប់ប្រាណ។
(បន្ទរ)
តើជំនឿយើងមាំនិងពិតទេ?
ត្រូវមានជំនឿទើបរួចជីវ៉ា
តើយើងតែងប្រព្រឹត្តតាមជំនឿ?
បើមានជំនឿព្រះនឹងសង្គ្រោះរក្សា។
-
២. ដោយស្មោះយើងធ្វើតាមបង្គាប់គ្រិស្តយេស៊ូ
ប្រកាសរាជ្យព្រះនៅទីជិតឆ្ងាយ
យើងផ្សាយដំណឹងពីព្រះដោយចិត្តហានក្លា
ពាក្យព្រះយើងមិនលាក់ឡើយណា៎។
(បន្ទរ)
តើជំនឿយើងមាំនិងពិតទេ?
ត្រូវមានជំនឿទើបរួចជីវ៉ា
តើយើងតែងប្រព្រឹត្តតាមជំនឿ?
បើមានជំនឿព្រះនឹងសង្គ្រោះរក្សា។
-
៣. ជំនឿរបស់យើងជួយឲ្យចិត្តក្លាហាន
យើងមិនរួញរាមិនភ័យភិតឡើយ
ទុកចិត្តថាព្រះជួយយើងឲ្យស៊ូទ្រាំបាន
យើងជិតបានក្ដីសង្គ្រោះហើយ។
(បន្ទរ)
តើជំនឿយើងមាំនិងពិតទេ?
ត្រូវមានជំនឿទើបរួចជីវ៉ា
តើយើងតែងប្រព្រឹត្តតាមជំនឿ?
បើមានជំនឿព្រះនឹងសង្គ្រោះរក្សា៕
(សូមពិនិត្យបន្ថែម រ៉ូម ១០:១០; អេភ. ៣:១២; ហេ. ១១:៦; ១យ៉ូន. ៥:៤)
