បុព្វកថា
សូមពិនិត្យមើលនូវភាពផ្ទុយគ្នានេះ៖ នៅក្នុងប្រទេសមួយដែលជឿនលឿន ប្រជាជននៅទីនោះជាង៩០ភាគរយ គិតថាពួកគេពិតជាសប្បាយចិត្តមែនទែន និងអ្នកខ្លះទៀតថាគេសប្បាយចិត្តធម្មតា។ ប៉ុន្តែ ក្នុងចំណោមថ្នាំ១០ប្រភេទដែលគេតែងតែប្រើក្នុងប្រទេសនោះ គឺមាន៣ប្រភេទជាថ្នាំដែលគេប្រើសំរាប់មនុស្សធ្លាក់ទឹកចិត្ត។ នៅក្នុងប្រទេសដដែលនេះ មានប្រជាជន៩១ភាគរយចាត់ទុកជីវភាពគ្រួសាររបស់គេមានភាពសុខដុមរមនា។ ក៏ប៉ុន្តែ អាពាហ៍ពិពាហ៍នៅទីនោះសឹងតែពាក់កណ្ដាលបានលែងលះគ្នា!
តាមការពិត ការស្ទង់មតិមហាជនក្នុង១៨ប្រទេស ដែលតំណាងចំនួនប្រជាជនជិតពាក់កណ្ដាលក្នុងពិភពលោកនេះ សឲ្យឃើញថា«ទុទិដ្ឋិនិយមអំពីអនាគតគឺមានពាសពេញ ដែលហាក់ដូចជាគ្របដណ្ដប់ពិភពលោកភាគច្រើនទៅហើយ»។ ដូច្នេះ គឺឃើញជាក់ស្តែងហើយ ដែលមនុស្សជាច្រើនឥតមានជីវិតដ៏គាប់ចិត្តទាំងស្រុងនោះទេ។ ចុះអ្នកវិញយ៉ាងណាដែរ? សៀវភៅស្តើងនេះបានរៀបចំឡើង ដើម្បីជួយអ្នកស្ថាបនាជីវិតរបស់អ្នកឲ្យបានជីវិតដ៏គាប់ចិត្តបំផុត។
