ព័ត៌មានជូនចំពោះអ្នកស្តាប់
កិច្ចប្រជុំពិសេស
សាលាបង្ហាត់បង្រៀនអ្នកផ្សាយដំណឹងល្អអំពីរាជាណាចក្រព្រះ អ្នកត្រួសត្រាយដែលមានអាយុរវាង ២៣និង៦៥ឆ្នាំដែលចាប់អារម្មណ៍ចង់បង្កើនកិច្ចបម្រើផ្សាយ បានត្រូវអញ្ជើញឲ្យចូលរួមប្រជុំសម្រាប់អ្នកចង់ចុះឈ្មោះចូលសាលាបង្ហាត់បង្រៀនអ្នកផ្សាយដំណឹងល្អអំពីរាជាណាចក្រព្រះ នៅពេលរសៀលថ្ងៃអាទិត្យ។ ទីកន្លែងនិងម៉ោងនៃកិច្ចប្រជុំនេះនឹងត្រូវជូនដំណឹងជាមុន។
ព័ត៌មានជូនចំពោះអ្នកស្តាប់
ពួកឆ្មាំ ពួកឆ្មាំបានត្រូវចាត់ឲ្យជួយបងប្អូន។ សូមសហការជាមួយនឹងពួកគាត់ ដោយធ្វើតាមការណែនាំដែលពួកគាត់ប្រាប់ ស្ដីអំពីការចតយានជំនិះ ការបង្ហាញផ្លូវ ការទុកកន្លែងអង្គុយ និងរឿងផ្សេងៗទៀត។
ការជ្រមុជទឹក កៅអីដែលបានកំណត់ទុកសម្រាប់អ្នកទទួលការជ្រមុជទឹកនឹងនៅចំពីមុខវេទិកា។ អ្នកដែលនឹងទទួលការជ្រមុជទឹក គួរតែមកអង្គុយនៅទីនោះ មុននឹងសុន្ទរកថាការជ្រមុជទឹកចាប់ផ្ដើម នៅពេលព្រឹកថ្ងៃសៅរ៍។ បើមានការរៀបចំផ្សេងពីនោះ នឹងមានការជូនដំណឹងជាមុន។ បុគ្គលម្នាក់ៗគួរយកកន្សែង និងខោអាវសម្រាប់ជ្រមុជទឹកដែលសមរម្យ។
វិភាគទាន មានការចំណាយជាច្រើនទៅលើការរៀបចំឲ្យមានកៅអី ប្រព័ន្ធសំឡេង និងសេវាផ្សេងទៀត ដើម្បីឲ្យការចូលរួមមហាសន្និបាតជាឱកាសដ៏សប្បាយរីករាយ និងជួយយើងឲ្យមានចំណងមិត្ដភាពកាន់តែជិតស្និទ្ធជាមួយនឹងព្រះយេហូវ៉ា។ វិភាគទានដែលបងប្អូនជូនស្ម័គ្រពីចិត្ដ ជួយបង្គ្រប់ចំណាយទាំងនេះ ថែមទាំងជួយគាំទ្រកិច្ចការទូទាំងពិភពលោកផងដែរ។ មានប្រអប់វិភាគទានដែលងាយសម្គាល់នៅកន្លែងផ្សេងៗក្នុងអគារនេះដែលនៅជិតបងប្អូន។ យើងដឹងគុណបងប្អូនដែលបានធ្វើវិភាគទាន ហើយគណៈអភិបាលក៏អរគុណបងប្អូនពីចម្ងាយ ដែលបានបង្ហាញចិត្ដទូលាយក្នុងការជួយគាំទ្រកិច្ចការទូទាំងពិភពលោក។
ការសង្គ្រោះបន្ទាន់ សូមចាំថា នេះគឺសម្រាប់តែគ្រាអាសន្នប៉ុណ្ណោះ។
របស់រើសបាន និងកន្លែងទុកអីវ៉ាន់ របស់ទាំងអស់ដែលរើសបានគួរយកទៅផ្នែកនេះ។ បើអ្នកបានបាត់របស់អ្វីមួយ សូមទៅផ្នែកនេះដើម្បីរកអីវ៉ាន់របស់ខ្លួន។ កូនក្មេងដែលបានវង្វេងចេញពីឪពុកម្ដាយ សូមនាំក្មេងនោះទៅផ្នែកនេះ។ ប៉ុន្ដែ សូមកុំគិតថាផ្នែកនេះជាកន្លែងមើលកូនក្មេងឡើយ។ សូមមើលថែកូនៗនិងនៅជាមួយនឹងពួកគេជានិច្ច។
កន្លែងអង្គុយ សូមចេះគិតដល់អ្នកដទៃ។ សូមចាំថា អ្នកអាចទុកកៅអីសម្រាប់តែអ្នកដែលរស់នៅជាមួយនឹងអ្នក ឬអ្នកដែលជិះយានជំនិះជាមួយនឹងអ្នក ឬសិស្សគម្ពីររបស់អ្នក។ សូមកុំដាក់អីវ៉ាន់លើកៅអីដែលសល់នៅជុំវិញអ្នក បើគ្មានអ្នកណាអង្គុយទេ។
កិច្ចបម្រើស្ម័គ្រពីចិត្ដ បើអ្នកស្ម័គ្រចិត្ដជួយធ្វើកិច្ចការដែលទាក់ទងនឹងការរៀបចំមហាសន្និបាត សូមទៅកាន់ផ្នែកនេះ។
បានត្រូវរៀបចំឡើងដោយគណៈអភិបាលនៃសាក្សីព្រះយេហូវ៉ា
