មេរៀនទី១៨
ចូរឲ្យបានជាមិត្ដសំឡាញ់របស់ព្រះជារៀងរហូតតទៅ!
គឺត្រូវខំប្រឹងដើម្បីឲ្យបានមិត្ដម្នាក់ ហើយក៏ត្រូវខំប្រឹងដើម្បីរក្សាទុកមិត្ដម្នាក់ដែរ។ ការខំប្រឹងរបស់អ្នកដើម្បីទៅជាមិត្ដ ហើយដើម្បីរក្សាខ្លួនទុកជាមិត្ដសំឡាញ់របស់ព្រះ នោះនឹងមានប្រសិទ្ធពរយ៉ាងវិសេស។ ព្រះយេស៊ូបានមានបន្ទូលដល់អស់អ្នកដែលបានជឿលើទ្រង់ថា៖ «សេចក្ដីពិតនោះនឹងប្រោសឲ្យអ្នករាល់គ្នាបានរួច»។ (យ៉ូហាន ៨:៣២) តើនេះមានន័យយ៉ាងណា?
អ្នកអាចសប្បាយនឹងសេរីភាពឥឡូវនេះបាន។ អ្នកអាចរួចផុតពីការបង្រៀនក្លែងក្លាយនិងពាក្យភូតភរដែលបានត្រូវផ្សាយដោយសាតាំង។ អ្នកក៏អាចរួចផុតពីជីវិតមួយដែលពោរពេញទៅដោយសេចក្ដីអស់សង្ឃឹមដែលមនុស្សរាប់លាននាក់ឥតស្គាល់ព្រះយេហូវ៉ាបានពិសោធនោះ។ (រ៉ូម ៨:២២) អស់អ្នកជាមិត្ដសំឡាញ់របស់ព្រះក៏រួចផុតពីការ«ខ្លាចស្លាប់»ដែរ។—ហេព្រើរ ២:១៤, ១៥
អ្នកអាចសប្បាយនឹងសេរីភាពក្នុងពិភពលោកថ្មីរបស់ព្រះ។ អ្នកអាចមានសេរីភាពដ៏អស្ចារ្យណាស់ហ្ន៎ នៅពេលអនាគត! នៅលើផែនដីមនោរម្យ នោះនឹងរួចពីសង្គ្រាម ជម្ងឺ និងបទឧក្រិដ្ឋ។ គេចផុតពីភាពក្រីក្រនិងការអត់អាហារ។ រួចពីភាពចាស់ជរានិងសេចក្ដីស្លាប់។ លែងមានការភិតភ័យ ការជិះជាន់ និងភាពអយុត្ដិធម៌ទៀតហើយ។ ព្រះគម្ពីរចែងអំពីព្រះថា៖ «ទ្រង់លាព្រះហស្ដ ក៏បំពេញចិត្ដប្រាថ្នានៃជីវិតទាំងឡាយ»។—ទំនុកដំកើង ១៤៥:១៦
រ៉ូម ៦:២៣) ចូរគិតពីជីវិតដ៏មិនចេះចប់អាចមានន័យយ៉ាងណាចំពោះអ្នកនោះ!
ពួកមិត្ដសំឡាញ់របស់ព្រះនឹងរស់នៅជានិរន្ដរ៍។ ជីវិតអស់កល្បជានិច្ចជារង្វាន់ដ៏មានតម្លៃដែលព្រះនឹងប្រទានដល់អស់អ្នកដែលស្វែងរកមិត្ដភាពជាមួយទ្រង់។ (អ្នកនឹងមានពេលវេលាធ្វើអ្វីៗជាច្រើន។ ប្រហែលជាអ្នកចង់រៀនលេងគ្រឿងភ្លេងមួយ។ ឬក៏ប្រហែលជាអ្នកចង់រៀនឲ្យចេះគូរគំនូរ ឬធ្វើជាជាងឈើម្នាក់។ ប្រហែលជាអ្នកចង់រៀនអំពីសត្វឬដំណាំផ្សេងៗ។ ឬក៏ប្រហែលជាអ្នកចង់ធ្វើដំណើរទៅលេងប្រទេសផ្សេងៗ និងមនុស្សផ្សេងៗឯទៀត។ ការមានជីវិតជារៀងរហូតនឹងអាចបើកឲ្យសម្រេចនូវអ្វីទាំងអស់នេះបាន!
អ្នកនឹងមានពេលបង្កើតមិត្ដបានយ៉ាងច្រើន។ ការរស់នៅជានិរន្ដរ៍នឹងបើកលទ្ធភាពឲ្យស្គាល់មនុស្សជាច្រើនទៀត ដែលបានក្លាយជាមិត្ដសំឡាញ់របស់ព្រះនោះ។ អ្នកនឹងយល់ដឹងនូវការប៉ិនប្រសប់និងគុណសម្បត្ដិដ៏ល្អរបស់គេ ហើយពួកគេក៏នឹងធ្វើជាមិត្ដរបស់អ្នកដែរ។ អ្នកនឹងស្រឡាញ់គេ ហើយគេនឹងស្រឡាញ់អ្នកដែរ។ (កូរិនថូសទី១ ១៣:៨) ការមានជីវិតដ៏មិនចេះចប់ នឹងផ្ដល់ឲ្យអ្នកនូវពេលវេលាដើម្បីធ្វើជាមិត្ដដល់មនុស្សគ្រប់គ្នាលើផែនដីនេះ! អ្វីដែលប្រសើរបំផុត គឺថាមិត្ដភាពរបស់អ្នកជាមួយព្រះយេហូវ៉ានឹងលូតលាស់កាន់តែខ្លាំងឡើងកាលដែលច្រើនសតវត្សកន្លងទៅ។ សូមឲ្យលោកអ្នកធ្វើជាមិត្ដសំឡាញ់របស់ព្រះជារៀងរហូតតទៅ!