មេរៀនទី៣
អ្នកត្រូវរៀនអំពីព្រះ
ដើម្បីឲ្យធ្វើជាមិត្ដសំឡាញ់របស់ព្រះ អ្នកត្រូវការរៀនអំពីទ្រង់។ តើមិត្ដសំឡាញ់របស់អ្នកស្គាល់ឈ្មោះអ្នក ហើយប្រើឈ្មោះនោះឬទេ? គេពិតជាធ្វើអ៊ីចឹងមែន។ ព្រះទ្រង់ក៏ចង់ឲ្យអ្នកស្គាល់ហើយប្រើព្រះនាមទ្រង់ដែរ។ ព្រះនាមរបស់ព្រះគឺ យេហូវ៉ា។ (ទំនុកដំកើង ៨៣:១៨; ម៉ាថាយ ៦:៩) អ្នកក៏ត្រូវរៀនឲ្យដឹងនូវអ្វីដែលទ្រង់សព្វព្រះហឫទ័យ និងអ្វីដែលទ្រង់មិនសព្វព្រះហឫទ័យដែរ។ អ្នកត្រូវដឹងថាមិត្ដរបស់ទ្រង់ជាអ្នកណា និងពួកសត្រូវរបស់ទ្រង់ជាអ្នកណា។ ដើម្បីឲ្យស្គាល់អ្នកណាម្នាក់ នោះគឺត្រូវការពេលវេលា។ ព្រះគម្ពីរចែងថា គឺប្រកបដោយប្រាជ្ញាបើទុកពេលវេលា ដើម្បីរៀនអំពីព្រះយេហូវ៉ា។—អេភេសូរ ៥:១៥, ១៦
មិត្ដសំឡាញ់របស់ព្រះធ្វើអ្វីដែលផ្គាប់ព្រះហឫទ័យទ្រង់។ សូមគិតអំពីមិត្ដភក្ដិរបស់អ្នក។ ប្រសិនបើអ្នកប្រព្រឹត្ដយ៉ាងអាក្រក់លើគេ និងធ្វើអ្វីដែលគេស្អប់ តើគេនឹងបន្ដធ្វើជាមិត្ដរបស់អ្នកឬទេ? ប្រាកដជាអត់ទេ! តាមរបៀបដូចគ្នាដែរ ប្រសិនបើអ្នកចង់ធ្វើជាមិត្ដសំឡាញ់របស់ព្រះ នោះអ្នកត្រូវតែធ្វើអ្វីដែលផ្គាប់ព្រះហឫទ័យទ្រង់។—យ៉ូហាន ៤:២៤
មិនមែនសាសនាទាំងអស់នាំឲ្យមានមិត្ដភាពជាមួយនឹងព្រះនោះទេ។ ព្រះយេស៊ូដែលជាមិត្ដជិតស្និទ្ធជាងគេរបស់ព្រះ បានមានបន្ទូលអំពីផ្លូវពីរ។ ផ្លូវមួយគឺធំទូលាយ និងមានពេញទៅដោយមនុស្ស។ ផ្លូវនោះនាំទៅដល់សេចក្ដីហិនវិនាស។ ផ្លូវមួយទៀតគឺចង្អៀត ហើយមានមនុស្សតិចណាស់ដែលកំពុងតែធ្វើដំណើរតាមផ្លូវនោះ។ ផ្លូវនោះនាំទៅដល់ជីវិតជារៀងរហូត។ នេះបានសេចក្ដីថា ប្រសិនបើអ្នកចង់បានមិត្ដភាពជាមួយព្រះ នោះអ្នកត្រូវតែរៀនឲ្យដឹងនូវរបៀបត្រឹមត្រូវក្នុងការថ្វាយបង្គំទ្រង់។—ម៉ាថាយ ៧:១៣, ១៤
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
តើព្រះមាននាមឬទេ?
ព្រះមានឋានៈជាច្រើនដូចជា ព្រះដ៏មានគ្រប់ព្រះចេស្តា ព្រះដែលជាអ្នកបង្កើត និងព្រះអម្ចាស់ជាដើម។ វីដេអូនេះបង្ហាញអំពីនាមរបស់ព្រះផ្ទាល់ដែលបានត្រូវប្រើជាង៧.០០០ដងក្នុងគម្ពីរបរិសុទ្ធ។
