មេរៀនទី១០
របៀបរកឃើញសាសនាពិត
ប្រសិនបើអ្នកចង់ធ្វើជាមិត្ដសំឡាញ់ម្នាក់របស់ព្រះ អ្នកត្រូវតែកាន់សាសនាដែលទ្រង់សព្វព្រះហឫទ័យ។ ព្រះយេស៊ូបានមានបន្ទូលថា៖ «ពួកអ្នកដែលថ្វាយបង្គំដោយពិតត្រង់» នឹងថ្វាយបង្គំព្រះស្របទៅតាម«សេចក្ដីពិត»។ (យ៉ូហាន ៤:២៣, ២៤) គឺមានផ្លូវត្រឹមត្រូវតែមួយទេ ដើម្បីថ្វាយបង្គំព្រះ។ (អេភេសូរ ៤:៤-៦) សាសនាពិតនាំទៅដល់ជីវិតអស់កល្បជានិច្ច ហើយសាសនាមិនពិតនាំទៅដល់សេចក្ដីហិនវិនាស។—ម៉ាថាយ៧:១៣, ១៤
អ្នកអាចស្គាល់សាសនាពិតដោយមើលមនុស្សដែលកាន់សាសនានោះ។ ដោយព្រោះព្រះយេហូវ៉ាជាបុគ្គលដ៏ល្អ នោះអស់អ្នកដែលជាពួកអ្នកថ្វាយបង្គំទ្រង់ត្រូវតែជាមនុស្សដ៏ល្អនោះដែរ។ ដូចជាដើមក្រូចដ៏ល្អមួយបង្កើតបានផ្លែក្រូចដ៏ល្អ នោះសាសនាពិតក៏ធ្វើឲ្យមនុស្សទៅជាល្អបានដែរ។—ម៉ាថាយ ៧:១៥-២០
មិត្ដសំឡាញ់របស់ព្រះយេហូវ៉ាមានការគោរពយ៉ាងជ្រាលជ្រៅចំពោះព្រះគម្ពីរ។ ពួកគេដឹងថា ព្រះគម្ពីរគឺមកពីព្រះ។ ពួកគេអនុញ្ញាតឲ្យអ្វីៗដែលព្រះគម្ពីរចែងមកដឹកនាំជីវិតរបស់គេ ក្នុងការដោះស្រាយបញ្ហារបស់គេ និងដើម្បីជួយគេឲ្យរៀនអំពីព្រះ។ (ធីម៉ូថេទី២ ៣:១៦) ពួកគេខំប្រព្រឹត្ដតាមអ្វីដែលគេផ្សព្វផ្សាយនោះ។
មិត្ដសំឡាញ់របស់ព្រះយេហូវ៉ាបង្ហាញនូវការស្រឡាញ់គ្នាទៅវិញទៅមក។ ព្រះយេស៊ូបានបង្ហាញនូវសេចក្ដីស្រឡាញ់ចំពោះមនុស្សដោយបង្រៀនពួកគេអំពីព្រះ និងដោយប្រោសឲ្យជានូវអស់អ្នកដែលឈឺ។ អស់អ្នកដែលកាន់សាសនាពិត ក៏បង្ហាញសេចក្ដីស្រឡាញ់ដល់អ្នកឯទៀតដែរ។ ដូចព្រះយេស៊ូ ពួកគេមិនមើលងាយអស់អ្នកដែលក្រីក្រ ឬដែលមកពីពូជសាសន៍ផ្សេងនោះទេ។ ព្រះយេស៊ូបានមានបន្ទូលថា មនុស្សនឹងស្គាល់ពួកសិស្សរបស់ទ្រង់ ដោយសារសេចក្ដីស្រឡាញ់ដែលគេបង្ហាញដល់គ្នាទៅវិញទៅមក។—យ៉ូហាន ១៣:៣៥
មិត្ដសំឡាញ់របស់ព្រះលើកកិត្ដិយសដល់ព្រះនាមរបស់ព្រះ គឺយេហូវ៉ា។ ប្រសិនបើអ្នកណាម្នាក់បានបដិសេធមិនព្រមប្រើឈ្មោះរបស់អ្នក តើបុគ្គលនោះជាមិត្ដដ៏ជិតស្និទ្ធរបស់អ្នកឬទេ? អត់ទេ! នៅពេលដែលយើងមានមិត្ដម្នាក់ យើងប្រើឈ្មោះគាត់ហើយយើងប្រាប់ពីអ្វីល្អៗអំពីមិត្ដនោះដល់អ្នកដទៃ។ ដូច្នេះអស់អ្នកដែលមានចិត្ដប្រាថ្នាចង់ធ្វើជាមិត្ដសំឡាញ់របស់ព្រះ គួរតែប្រើព្រះនាមទ្រង់ហើយនិយាយប្រាប់គេអំពីទ្រង់។ ព្រះយេហូវ៉ាចង់ឲ្យយើងធ្វើអ៊ីចឹងដែរ។—ម៉ាថាយ ៦:៩; រ៉ូម ១០:១៣, ១៤
ដូចព្រះយេស៊ូដែរ មិត្ដសំឡាញ់របស់ព្រះបង្រៀនមនុស្សអំពីព្រះរាជាណាចក្រនៃព្រះ។ ព្រះរាជាណាចក្រនៃព្រះគឺជារដ្ឋាភិបាលស្ថានសួគ៌ដែលនឹងធ្វើឲ្យផែនដីទៅជាសួនមនោរម្យមួយ។ មិត្ដសំឡាញ់របស់ព្រះចូលរួមប្រាប់អ្នកដទៃនូវដំណឹងល្អនេះ ស្ដីអំពីព្រះរាជាណាចក្រនៃព្រះ។—ម៉ាថាយ ២៤:១៤
ស្មរបន្ទាល់ព្រះយេហូវ៉ាខំប្រឹងធ្វើជាមិត្ដសំឡាញ់របស់ព្រះ។ ពួកគេគោរពព្រះគម្ពីរ និងមានសេចក្ដីស្រឡាញ់ក្នុងចំណោមពួកគេ។ ពួកគេក៏ប្រើនិងលើកកិត្ដិយសព្រះនាមរបស់ព្រះ ព្រមទាំងបង្រៀនអ្នកដទៃអំពីព្រះរាជាណាចក្រនៃព្រះផងដែរ។ នៅផែនដីសព្វថ្ងៃនេះ គឺជាស្មរបន្ទាល់ព្រះយេហូវ៉ាដែលកាន់តាមសាសនាពិត។
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
តើព្រះមាននាមឬទេ?
ព្រះមានឋានៈជាច្រើនដូចជា ព្រះដ៏មានគ្រប់ព្រះចេស្តា ព្រះដែលជាអ្នកបង្កើត និងព្រះអម្ចាស់ជាដើម។ វីដេអូនេះបង្ហាញអំពីនាមរបស់ព្រះផ្ទាល់ដែលបានត្រូវប្រើជាង៧.០០០ដងក្នុងគម្ពីរបរិសុទ្ធ។
សេចក្ដីបង្រៀនសំខាន់ៗក្នុងគម្ពីរ
តើអ្នកណាជាអ្នកនិពន្ធគម្ពីរបរិសុទ្ធ?
បើមនុស្សជាអ្នកសរសេរគម្ពីរ ហេតុអ្វីក៏យើងអាចហៅគម្ពីរថាជាបណ្ដាំរបស់ព្រះ? តើគម្ពីរមានគំនិតរបស់អ្នកណា?
សេចក្ដីបង្រៀនសំខាន់ៗក្នុងគម្ពីរ
ហេតុអ្វីយើងអាចប្រាកដថាគម្ពីរបរិសុទ្ធគឺមកពីព្រះ?
បើគម្ពីរគឺមកពីព្រះមែន នោះគួរមានភ័ស្ដុតាងដែលបង្ហាញថាគម្ពីរខុសពីសៀវភៅឯទៀតទាំងអស់។
