ជូនចំពោះឪពុកម្ដាយ
តើអំណោយដ៏ល្អបំផុតអ្វីដែលអ្នកអាចឲ្យដល់កូន? មានអ្វីៗជាច្រើនដែលកូនត្រូវការ រួមមានសេចក្ដីស្រឡាញ់ ការណែនាំ និងការការពារពីអ្នក។ ក៏ប៉ុន្តែ អំណោយដែលមានតម្លៃបំផុតដែលអ្នកអាចឲ្យដល់កូន គឺចំណេះអំពីព្រះយេហូវ៉ា និងសេចក្ដីពិតក្នុងគម្ពីរដែលជាបណ្ដាំរបស់លោក។ (យ៉ូហាន ១៧:៣) ចំណេះបែបនោះអាចជួយកូនរបស់អ្នកឲ្យស្រឡាញ់ព្រះយេហូវ៉ា និងបម្រើលោកដោយអស់ពីដួងចិត្ត ទោះជាកូននៅតូចក្ដី។—ម៉ាថាយ ២១:១៦
ឪពុកម្ដាយជាច្រើនយល់ឃើញថា បើមានមេរៀននិងលំហាត់ខ្លីៗ នោះជួយកូនក្មេងឲ្យរៀនឆាប់ចេះនិងឆាប់យល់។ ដូច្នេះ យើងមានចិត្តរីករាយផ្ដល់សៀវភៅនេះមានចំណងជើងថាមេរៀនដែលខ្ញុំរៀនពីគម្ពីរ។ មេរៀននីមួយៗបានត្រូវរៀបចំឡើងដើម្បីបង្រៀនកូនតាមរបៀបដែលងាយយល់។ សៀវភៅនេះមានរូបភាពនិងអក្សរខ្លះៗដែលបានត្រូវរៀបចំជាពិសេសសម្រាប់កូនៗដែលមានអាយុបីឆ្នាំនិងតិចជាង។ នេះក៏រួមបញ្ចូលយោបល់អំពីអ្វីដែលអ្នកអាចធ្វើជាមួយកូនដែរ។ សៀវភៅមេរៀនដែលខ្ញុំរៀនពីគម្ពីរ មិនមែនសម្រាប់ឲ្យកូនលេងទេ។ ផ្ទុយទៅវិញ សៀវភៅនេះបានត្រូវរៀបចំឡើងដើម្បីឲ្យឪពុកម្ដាយអានជាមួយកូន និងជួយឲ្យមានការឆ្លើយឆ្លងគ្នា។
យើងជឿជាក់ថា សៀវភៅនេះនឹងមានប្រយោជន៍ចំពោះអ្នកក្នុងការបង្រៀនកូនៗនូវសេចក្ដីពិតពីគម្ពីរ‹តាំងពីកូនជាទារកនៅឡើយ›។—ធីម៉ូថេទី២ ៣:១៤, ១៥
ពីបងប្អូនរបស់អ្នក
Governing Body of Jehovah’s Witnesses
(គណៈអភិបាលនៃសាក្សីព្រះយេហូវ៉ា)
