សេចក្ដីផ្ដើមផ្នែកទី១១
ក្នុងផ្នែកនេះ ជួយយើងឲ្យស្គាល់បទគម្ពីរគ្រិស្តសាសនិកជាភាសាក្រិច។ លោកយេស៊ូកើតក្នុងក្រុមគ្រួសារដ៏សាមញ្ញនៅក្រុងតូចមួយ។ លោកធ្វើការជាមួយនឹងឪពុកដែលជាជាងឈើ។ លោកយេស៊ូជាបុគ្គលដែលនឹងសង្គ្រោះមនុស្សជាតិ។ ព្រះយេហូវ៉ាបានជ្រើសរើសលោកយេស៊ូឲ្យធ្វើជាស្ដេចនៃរាជាណាចក្រស្ថានសួគ៌។ បើអ្នកជាឪពុកម្ដាយ សូមជួយកូនឲ្យដឹងថា ព្រះយេហូវ៉ាបានយកចិត្តទុកដាក់យ៉ាងខ្លាំងចំពោះលោកយេស៊ូ ឲ្យលោកធំឡើងក្នុងក្រុមគ្រួសារដ៏កក់ក្ដៅ ជាមួយនឹងឪពុកម្ដាយដែលគោរពប្រណិប័តន៍ព្រះយ៉ាងស្មោះត្រង់។ សូមពិចារណាអំពីរបៀបដែលព្រះយេហូវ៉ាបានការពារលោកយេស៊ូពីការដែលត្រូវហេរ៉ូឌតាមសម្លាប់ និងភ័ស្តុតាងថាគ្មានអ្វីអាចរារាំងគោលបំណងរបស់ព្រះបានទេ។ សូមរៀនអំពីរបៀបដែលព្រះយេហូវ៉ាបានឲ្យយ៉ូហានរៀបចំផ្លូវសម្រាប់លោកយេស៊ូ។ សូមបញ្ជាក់ដែរថា លោកយេស៊ូស្រឡាញ់ប្រាជ្ញានិងឱវាទរបស់ព្រះយេហូវ៉ាតាំងពីក្មេង។
ក្នុងផ្នែកនេះ
មេរៀនទី៧៣
យ៉ូហានរៀបចំផ្លូវសម្រាប់លោកយេស៊ូ
យ៉ូហានធំឡើងទៅជាអ្នកប្រកាសទំនាយម្នាក់។ គាត់បង្រៀនបណ្ដាជនថាមេស្ស៊ីកំពុងមក។ តើបណ្ដាជនបានធ្វើអ្វីពេលឮដូច្នេះ?
