ផែនដីជាសួនមនោរម
ព្រះយេហូវ៉ានឹងកែឡើងវិញនូវសេចក្ដីអាក្រក់ទាំងប៉ុន្មាន ដែលបណ្ដាលមកពីសាតាំង។ ព្រះយេហូវ៉ាបានតាំងព្រះយេស៊ូវជាស្តេចគ្រប់គ្រងលើផែនដីទាំងមូល។ នៅក្រោមការគ្រប់គ្រងរបស់ទ្រង់ ផែនដីនឹងកើតទៅជាសួនមនោរម។—ដានីយ៉ែល ៧:១៣, ១៤; លូកា ២៣:៤៣
ព្រះយេហូវ៉ាសន្យាសេចក្ដីទាំងនេះ៖
-
ចំណីអាហារដ៏បរិបូរ៖ «នោះដីនឹងបង្កើតផលឡើង ហើយព្រះដ៏ជាព្រះនៃយើងខ្ញុំ ទ្រង់នឹងប្រទានពរមកយើងខ្ញុំ»។ . . . «ដូច្នេះ នឹងមានស្រូវជាបរិបូរនៅក្នុងស្រុក រហូតដល់កំពូលភ្នំ»។—ទំនុកដំកើង ៦៧:៦; ៧២:១៦
-
គ្មានសង្គ្រាមទៀត៖ «ចូរមកពិចារណាមើលអស់ទាំងការនៃព្រះយេហូវ៉ា . . . ដែលទ្រង់បានធ្វើនៅផែនដី ទ្រង់បណ្ដាលឲ្យការសង្គ្រាមស្ងប់រំងាប់រហូតដល់ចុងផែនដី»។—ទំនុកដំកើង ៤៦:៨, ៩
-
គ្មានមនុស្សអាក្រក់៖ «ពីព្រោះពួកអ្នកដែលធ្វើអាក្រក់ នឹងត្រូវកាត់ចេញ . . . ដល់បន្ដិចទៀត មនុស្សអាក្រក់នឹងមិនមានទៀតទេ អើ អ្នកនឹងខំមើលកន្លែងគេតែគេមិននៅទេ»។—ទំនុកដំកើង ៣៧:៩, ១០
-
គ្មានជម្ងឺ សេចក្ដីទុក្ខព្រួយ ឬសេចក្ដីស្លាប់៖ «គ្រានោះ ភ្នែករបស់មនុស្សខ្វាក់ នឹងបានភ្លឺឡើង ហើយត្រចៀករបស់មនុស្សថ្លង់នឹងឮបាន។ គ្រានោះ ពួកមនុស្សខ្វិននឹងលោតដូចជាប្រើស ហើយអណ្ដាតរបស់មនុស្សគក៏នឹងច្រៀងឡើង»។—អេសាយ ៣៥:៥, ៦
«ព្រះ បាននៅជាមួយនឹងមនុស្សហើយ ទ្រង់នឹងគង់នៅជាមួយនឹងគេ . . . ព្រះទ្រង់នឹងជូតអស់ទាំងទឹកភ្នែក ពីភ្នែកគេចេញ។ នឹងគ្មានសេចក្ដីស្លាប់ ឬសេចក្ដីសោកសង្រេង ឬសេចក្ដីយំទួញ ឬទុក្ខលំបាកណាទៀតឡើយ។ ដ្បិតសេចក្ដីមុនទាំងប៉ុន្មាន បានកន្លងបាត់ទៅហើយ»។—វិវរណៈ ២១:៣, ៤
មិនដូចសាតាំងនឹងពួកព្រាយបិសាច ព្រះយេហូវ៉ាមិនដែលកុហកឡើយ។ អស់ទាំងសេចក្ដីដែលទ្រង់សន្យា នោះនឹងត្រូវកើតមានឡើង។ (លូកា ១:៣៦, ៣៧) ព្រះយេហូវ៉ាស្រឡាញ់លោកអ្នក ហើយទ្រង់មានព្រះទ័យចង់ឲ្យលោកអ្នករស់នៅក្នុងសួនមនោរមដែលទ្រង់នឹងបង្កើតមក។ ដូច្នេះ សូមទាក់ទងនឹងស្មរបន្ទាល់ព្រះយេហូវ៉ា ដើម្បីរៀនថែមទៀតអំពីសេចក្ដីពិតដ៏អស្ចារ្យក្នុងបន្ទូលរបស់ព្រះ។ បើលោកអ្នកអនុវត្តតាមសេចក្ដីពិតក្នុងជីវភាពរបស់អ្នក នោះលោកអ្នកនឹងបានរួចពីសេវកភាពនៃពាក្យកុហក ជំនឿឆ្វេង នឹងអវិជ្ជា។ ក្រោយមក លោកអ្នកនឹងត្រូវបានដោះលែងពីសេវកភាពនៃអំពើបាបនិងសេចក្ដីស្លាប់ផង។ ដូចព្រះយេស៊ូវមានបន្ទូលថា៖ «អ្នករាល់គ្នានឹងស្គាល់សេចក្ដីពិត ហើយសេចក្ដីពិតនោះនឹងប្រោសឲ្យអ្នករាល់គ្នាបានរួច»។—យ៉ូហាន ៨:៣២
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
តើរាជាណាចក្ររបស់ព្រះជាអ្វី?
ក្នុងអំឡុងកិច្ចបម្រើផ្សាយរបស់លោកយេស៊ូនៅផែនដី លោកបានបង្រៀនអំពីរាជាណាចក្រព្រះច្រើនជាងប្រធានបទផ្សេងទៀត។ អស់រាប់រយឆ្នាំមកហើយ អ្នកកាន់តាមលោកអធិដ្ឋានឲ្យរាជាណាចក្រនោះបានមកដល់។
