ជំពូកទី១២
លោកយេស៊ូបង្រៀនយើងឲ្យចេះអធិដ្ឋាន
តើកូននិយាយជាមួយនឹងព្រះយេហូវ៉ាទេ?— លោកចង់ឲ្យកូននិយាយជាមួយនឹងលោក។ ពេលកូននិយាយជាមួយនឹងព្រះ នេះហៅថាសេចក្ដីអធិដ្ឋាន។ លោកយេស៊ូតែងតែនិយាយជាមួយបិតារបស់លោកនៅស្ថានសួគ៌។ ជួនកាលលោកចង់នៅម្នាក់ឯងពេលលោកនិយាយជាមួយព្រះ។ គម្ពីររៀបរាប់ថា នៅពេលមួយ«លោកបានឡើងលើភ្នំតែម្នាក់ឯងដើម្បីអធិដ្ឋាន។ ទោះជាយប់ជ្រៅក៏ដោយ តែលោកនៅទីនោះម្នាក់ឯង»។—ម៉ាថាយ ១៤:២៣
តើកូនអាចអធិដ្ឋានតែម្នាក់ឯងទៅព្រះយេហូវ៉ានៅពេលណា?— នៅពេលយប់មុនចូលគេង ប្រហែលកូនអាចនិយាយជាមួយព្រះយេហូវ៉ាតែម្នាក់ឯង។ លោកយេស៊ូបានប្រាប់ថា៖ «ពេលដែលអ្នកអធិដ្ឋាន ចូរចូលទៅក្នុងបន្ទប់ផ្ទាល់ខ្លួនហើយបិទទ្វារ សឹមអធិដ្ឋានជម្រាបបិតារបស់អ្នក»។ (ម៉ាថាយ ៦:៦) រាល់យប់មុនចូលគេង តើកូនអធិដ្ឋានទៅព្រះយេហូវ៉ាទេ?— កូនគួរតែធ្វើដូច្នេះ។
យ៉ូហាន ១១:៤១, ៤២) ម្យ៉ាងទៀត លោកយេស៊ូក៏បានអធិដ្ឋានពេលលោកប្រជុំជាមួយអ្នកកាន់តាមលោកដែរ។ ចុះកូនវិញ? តើកូនទៅកិច្ចប្រជុំដែរឬទេ? នៅទីនោះតើមានគេអធិដ្ឋានទេ?— នៅកន្លែងនោះ ធម្មតាមនុស្សចាស់ជាងកូនជាអ្នកអធិដ្ឋាន។ សូមយកចិត្តទុកដាក់ស្តាប់អ្វីដែលគាត់និយាយ ពីព្រោះគាត់កំពុងអធិដ្ឋានទៅព្រះដើម្បីកូន។ រួចមក ពេលអធិដ្ឋានចប់កូនអាចថា៖ «អាមេន»។ ពេលកូនថា«អាមេន» តើកូនដឹងថាមានន័យអ្វីទេ?— នេះមានន័យថា កូនចូលចិត្តសេចក្ដីអធិដ្ឋាននោះ ហើយយល់ស្រប ព្រមទាំងចង់ឲ្យសេចក្ដីអធិដ្ឋាននោះជារបស់កូនដែរ។
លោកយេស៊ូក៏បានអធិដ្ឋានពេលមនុស្សឯទៀតនៅជាមួយលោកដែរ។ ពេលឡាសាជាមិត្តរបស់លោកយេស៊ូស្លាប់ លោកបានអធិដ្ឋានឲ្យអ្នកឯទៀតស្តាប់នៅទីបញ្ចុះសពឡាសា។ (លោកយេស៊ូក៏បានអធិដ្ឋានពេលបរិភោគអាហារដែរ។ លោកបានអរគុណព្រះយេហូវ៉ាសម្រាប់អាហារ។ តើកូនតែងតែអធិដ្ឋានទៅព្រះយេហូវ៉ាមុនញ៉ាំអាហារទេ?— គឺល្អឲ្យយើងអរគុណព្រះយេហូវ៉ាមុនញ៉ាំអាហារ។ ពេលកូនញ៉ាំអាហារជាមួយនឹងអ្នកឯទៀត ប្រហែលជាមានអ្នកណាម្នាក់អធិដ្ឋាន។ ក៏ប៉ុន្តែ ចុះយ៉ាងណាបើកូនញ៉ាំម្នាក់ឯង? ឬចុះបើកូនញ៉ាំជាមួយនឹងមនុស្សដែលមិនអរគុណព្រះយេហូវ៉ា?— នៅពេលនោះ កូនត្រូវអធិដ្ឋានខ្លួនឯង។
តើកូនត្រូវអធិដ្ឋានឮៗជានិច្ចទេ? ឬបើកូនអធិដ្ឋានក្នុងចិត្ត តើព្រះយេហូវ៉ាអាចឮទេ?— យើងអាចដឹងចម្លើយដោយអានអំពីអ្វីដែលកើតឡើងចំពោះនេហេមា។ គាត់ជាអ្នក
គោរពប្រណិប័តន៍ព្រះយេហូវ៉ាម្នាក់។ គាត់ធ្វើការនៅក្នុងវាំងរបស់ស្ដេចពើស៊ីឈ្មោះអើថាស៊ើកសេស។ ថ្ងៃមួយនេហេមាមានទឹកមុខព្រួយយ៉ាងខ្លាំង ដោយសារគាត់បានឮថា កំពែងក្រុងយេរូសាឡិមដែលជាក្រុងដ៏សំខាន់នៃរាស្ដ្ររបស់ព្រះបានត្រូវបាក់បែក។ពេលស្ដេចសួរនេហេមាអំពីមូលហេតុដែលគាត់មានទឹកមុខព្រួយ នោះនេហេមាបានអធិដ្ឋានក្នុងចិត្តភ្លាមៗ។ បន្ទាប់មក នេហេមាបានប្រាប់ស្ដេចអំពីមូលហេតុដែលគាត់ព្រួយចិត្ត។ ដូច្នេះ គាត់បានសុំស្ដេចទៅក្រុងយេរូសាឡិមដើម្បីសង់កំពែងឡើងវិញ។ តើអ្វីបានកើតឡើង?—
ត្រូវហើយ ព្រះបានតបឆ្លើយសេចក្ដីអធិដ្ឋានរបស់នេហេមា។ ស្ដេចបានប្រាប់នេហេមាថា គាត់អាចទៅបាន! ស្ដេចបានឲ្យឈើជាច្រើនដល់នេហេមាដើម្បីសង់កំពែងទៀតផង។ ដូច្នេះ សូម្បីតែយើងអធិដ្ឋានក្នុងចិត្តក្ដី ព្រះប្រាកដជាតបឆ្លើយសេចក្ដីអធិដ្ឋានរបស់យើង។—នេហេមា ១:២, ៣; ២:៤-៨
ឥឡូវសូមគិតអំពីរឿងនេះ។ ពេលអធិដ្ឋាន តើកូនគួរឱនក្បាលទេ? តើកូនគួរលុតជង្គង់ទេ? តើកូនគិតយ៉ាងណាដែរ?— ជួនកាលលោកយេស៊ូលុតជង្គង់ពេលអធិដ្ឋាន។ ពេលខ្លះទៀត លោកក៏ឈរ។ ជួនកាលលោកងើយក្បាលមើលទៅមេឃពេលលោកអធិដ្ឋាន។ លោកក៏បានធ្វើដូចនេះដែរពេលលោកអធិដ្ឋានឲ្យឡាសា។
ដូច្នេះ តើនេះមានន័យដូចម្ដេច?— មែនហើយ នេះមានន័យថាឥរិយាបថរបស់កូនមិនមែនជាអ្វីដែលសំខាន់ទេ។ ពេលខ្លះជាការល្អដែលកូនឱនក្បាលហើយបិទភ្នែក។ នៅពេលផ្សេងទៀត កូនក៏អាចលុតជង្គង់ដូចលោកយេស៊ូដែរ។ ប៉ុន្តែ សូមចាំថា យើងអាចអធិដ្ឋានទៅព្រះបានគ្រប់ពេល មិនថាពេលថ្ងៃ ឬពេលយប់ក្ដី លោកនឹងស្តាប់យើង។ ស្ដីអំពីការអធិដ្ឋាន អ្វីដែលសំខាន់នោះគឺឲ្យយើងជឿជាក់ថាព្រះយេហូវ៉ាកំពុងស្តាប់យើង។ តើកូនជឿថាព្រះយេហូវ៉ាស្តាប់សេចក្ដីអធិដ្ឋានរបស់កូនទេ?—
ពេលអធិដ្ឋានទៅព្រះយេហូវ៉ា តើយើងគួរនិយាយអ្វី?— សូមប្រាប់ខ្ញុំ។ ពេលកូនអធិដ្ឋាន តើកូននិយាយជាមួយព្រះអំពីអ្វីខ្លះ?— ព្រះយេហូវ៉ាឲ្យយើងនូវរបស់ដ៏ល្អជាច្រើន ហើយជាការសមត្រឹមត្រូវដែលយើងអរគុណលោកចំពោះរបស់ទាំងនោះ មែនទេ?— យើងអាចអរគុណលោកសម្រាប់ចំណីអាហារដែលយើងញ៉ាំ។ ប៉ុន្តែ តើកូនធ្លាប់អរគុណលោកអំពីផ្ទៃមេឃព័ណ៌ខៀវ ដើមឈើព័ណ៌បៃតង និងផ្កាផ្សេងៗដ៏ស្រស់ស្អាតឬទេ?— លោកក៏បានបង្កើតរបស់ទាំងនោះដែរ។
នៅពេលមួយ អ្នកកាន់តាមលោកយេស៊ូបានសុំលោកឲ្យបង្រៀនពួកគាត់អំពីរបៀបអធិដ្ឋាន។ ដូច្នេះ គ្រូដ៏ល្អប្រសើរបានបង្រៀនពួកគាត់អំពីអ្វីដ៏សំខាន់ជាងគេដែលត្រូវអធិដ្ឋាន។ តើកូនដឹងអំពីអ្វីទាំងនេះទេ?— សូមយកគម្ពីររបស់កូន ហើយបើកទៅសៀវភៅម៉ាថាយ ជំពូកទី៦។ ចាប់ពីខ៩រហូតដល់ខ យើងឃើញមានសេចក្ដីអធិដ្ឋានដែលមនុស្សជាច្រើនស្គាល់។ សូមយើងអានជាមួយគ្នា។ ១៣
នៅទីនេះយើងរៀនថា លោកយេស៊ូបានប្រាប់យើងឲ្យអធិដ្ឋានអំពីនាមរបស់ព្រះ។ លោកបានអធិដ្ឋានសូមឲ្យនាមរបស់ព្រះបានបរិសុទ្ធ។ តើព្រះមាននាមឬឈ្មោះអ្វី?— ត្រូវហើយ ឈ្មោះយេហូវ៉ា ហើយយើងគួរស្រឡាញ់ឈ្មោះនោះ។
យើងក៏រៀនដែរថា លោកយេស៊ូបានបង្រៀនយើងអធិដ្ឋានសូមឲ្យរាជាណាចក្ររបស់ព្រះបានមកដល់។ រាជាណាចក្រនេះគឺសំខាន់ ពីព្រោះនេះនឹងនាំឲ្យផែនដីមានសន្តិភាព ហើយធ្វើឲ្យផែនដីក្លាយទៅជាសួនឧទ្យាន។
ម្យ៉ាងទៀត យើងរៀនថា គ្រូដ៏ល្អប្រសើរបានអធិដ្ឋានសូមឲ្យបំណងប្រាថ្នារបស់ព្រះបានសម្រេចនៅផែនដីដូចនៅស្ថានសួគ៌ដែរ។ បើយើងអធិដ្ឋានអំពីរឿងនេះ នោះយើងក៏គួរធ្វើតាមអ្វីដែលព្រះចង់ឲ្យយើងធ្វើដែរ។
បន្ទាប់មក លោកយេស៊ូបានបង្រៀនយើងឲ្យអធិដ្ឋានសុំអាហារដែលយើងត្រូវការសម្រាប់ថ្ងៃនេះ។ លោកក៏បានប្រាប់ដែរថា ពេលយើងបានធ្វើអ្វីខុសឆ្គង នោះយើងគួរអធិដ្ឋានទៅព្រះថា យើងស្តាយដែលយើងបានធ្វើខុស។ បន្ថែមទៀត យើងគួរសុំព្រះអភ័យទោសឲ្យយើង។ ប៉ុន្តែ មុនដែលលោកអភ័យទោសឲ្យយើង យើងត្រូវអភ័យទោសឲ្យអ្នកឯទៀត បើពួកគេបានធ្វើអ្វីមួយខុសចំពោះយើង។ តើការធ្វើដូចនោះងាយស្រួលសម្រាប់កូនទេ?—
ចុងក្រោយ លោកយេស៊ូបាននិយាយថា យើងគួរអធិដ្ឋានសូមព្រះយេហូវ៉ាជួយការពារយើងពីមេកំណាចសាថាន។ ដូច្នេះ ជាការល្អបើយើងអធិដ្ឋានជម្រាបព្រះអំពីរឿងទាំងអស់នេះ។
យើងគួរជឿថា ព្រះយេហូវ៉ាស្តាប់សេចក្ដីអធិដ្ឋានរបស់យើង។ បន្ថែមទៅទៀត យើងគួរសុំលោកជួយយើង ហើយយើងក៏គួរអរគុណលោកជានិច្ចដែរ។ លោកសប្បាយចិត្តណាស់ពេលយើងធ្វើតាមអ្វីដែលយើងអធិដ្ឋាន ហើយសុំលោកនូវអ្វីដែលត្រឹមត្រូវ។ លោកនឹងផ្ដល់ឲ្យយើងនូវអ្វីៗទាំងនេះ។ តើកូនជឿដូច្នោះទេ?—
ស្ដីអំពីសេចក្ដីអធិដ្ឋានមានឱវាទល្អថែមទៀតក្នុង រ៉ូម ១២:១២ ពេត្រុសទី១ ៣:១២ និងយ៉ូហានទី១ ៥:១៤។