ភាគទី១
តើយើងស្ដាប់ព្រះយ៉ាងដូចម្ដេច?
ព្រះមានប្រសាសន៍មកយើងតាមរយៈគម្ពីរ។ ធីម៉ូថេទី២ ៣:១៦
ព្រះដែលជាព្រះពិត បានដឹកនាំបុរសខ្លះឲ្យសរសេរគំនិតរបស់លោកក្នុងសៀវភៅបរិសុទ្ធមួយ ហៅថាគម្ពីរបរិសុទ្ធ។ ក្នុងសៀវភៅនោះមានព័ត៌មានសំខាន់ដែលព្រះចង់ឲ្យលោកអ្នកស្គាល់។
ព្រះជ្រាបអំពីវិធីដែលយើងអាចទទួលប្រយោជន៍ច្រើនបំផុតក្នុងជីវិត ហើយលោកអាចផ្ដល់ប្រាជ្ញាពិតប្រាកដឲ្យយើង។ បើលោកអ្នកស្ដាប់ព្រះ លោកអ្នកពិតជានឹងមានប្រាជ្ញា។—សុភាសិត ១:៥
ព្រះចង់ឲ្យមនុស្សទាំងអស់នៅផែនដីអានគម្ពីរ។ គម្ពីរបានត្រូវបកប្រែជាច្រើនភាសានៅសព្វថ្ងៃនេះ។
បើលោកអ្នកចង់ស្ដាប់ព្រះ លោកអ្នកត្រូវអាននិងត្រូវយល់គម្ពីរ។
ម៉ាថាយ ២៨:១៩
មនុស្សនៅគ្រប់កន្លែងកំពុងស្ដាប់ប្រសាសន៍របស់ព្រះ។សាក្សីព្រះយេហូវ៉ាអាចជួយលោកអ្នកឲ្យយល់គម្ពីរ។
ពួកគាត់បង្រៀនសេចក្ដីពិតអំពីព្រះ នៅទូទាំងពិភពលោក។
លោកអ្នកមិនចាំបាច់បង់លុយដើម្បីឲ្យពួកគាត់បង្រៀនលោកអ្នកទេ។ លោកអ្នកក៏អាចរៀនអំពីព្រះនៅសាលប្រជុំរបស់សាក្សីព្រះយេហូវ៉ាដែលនៅតំបន់របស់លោកអ្នកដែរ។