ជួយគេឲ្យក្លាយជាអ្នកកាន់តាមគ្រិស្ត
មេរៀនទី ១០
ប្ដេជ្ញាចិត្ត
គោលការណ៍៖ «យើងតាំងចិត្តផ្ដល់ឲ្យអ្នករាល់គ្នាមិនត្រឹមតែដំណឹងល្អរបស់ព្រះប៉ុណ្ណោះទេ តែថែមទាំងជីវិតរបស់យើងទៀតផង ពីព្រោះយើងស្រឡាញ់អ្នករាល់គ្នាខ្លាំងណាស់»។—១ថែ. ២:៨
អ្វីដែលលោកយេស៊ូធ្វើ
១. សូមមើល វីដេអូ ឬអានយ៉ូហាន ៣:១, ២។ បន្ទាប់មក សូមពិចារណាសំណួរដូចតទៅ៖
-
ក. ហេតុអ្វីបានជានីកូដេមទៅជួបលោកយេស៊ូនៅពេលយប់? (សូមមើលយ៉ូហាន ១២:៤២, ៤៣)
-
ខ. ការដែលលោកយេស៊ូជួបនីកូដេមនៅពេលយប់ តើនេះបង្ហាញយ៉ាងដូចម្ដេចថាលោកប្ដេជ្ញាចិត្តជួយគាត់ឲ្យក្លាយជាអ្នកកាន់តាមលោក?
តើគំរូលោកយេស៊ូបង្រៀនយើងយ៉ាងណា?
២. យើងប្ដេជ្ញាចិត្តជួយមនុស្សឯទៀតឲ្យក្លាយជាអ្នកកាន់តាមគ្រិស្ត ដោយសារយើងស្រឡាញ់ពួកគេ។
ធ្វើតាមលោកយេស៊ូ
៣. សិក្សានៅពេលនិងកន្លែងដែលងាយស្រួលសម្រាប់សិស្សគម្ពីរ។ សិស្សប្រហែលជាមានថ្ងៃនិងម៉ោងដែលគាត់ចូលចិត្តរៀន។ តើគាត់ចូលចិត្តរៀននៅកន្លែងធ្វើការរបស់គាត់ នៅផ្ទះ ឬនៅទីសាធារណៈឬទេ? បើអាចធ្វើបាន សូមកែសម្រួលកាលវិភាគរបស់អ្នកឲ្យស្របទៅតាមសេចក្ដីត្រូវការរបស់សិស្ស។
៤. បង្រៀនជាទៀងទាត់។ ទោះជាអ្នករវល់ក្ដី សូមកុំលុបចោលថ្ងៃដែលត្រូវបង្រៀនសិស្ស។ ផ្ទុយទៅវិញ សូមពិចារណាថា៖
-
ក. តើអ្នកអាចប្ដូរទៅបង្រៀននៅថ្ងៃផ្សេងក្នុងសប្ដាហ៍ដដែលនោះបានទេ?
-
គ. តើអ្នកអាចសុំអ្នកផ្សាយផ្សេងទៀតឲ្យបង្រៀនជំនួសអ្នកបានទេ?
៥. អធិដ្ឋានសុំមានចិត្តគំនិតត្រឹមត្រូវ។ ចូរអធិដ្ឋានសុំព្រះយេហូវ៉ាជួយអ្នកឲ្យបន្តប្ដេជ្ញាចិត្តបង្រៀនសិស្សតទៅទៀត ទោះជាសិស្សមិនអាចរៀនជាទៀងទាត់ ឬពិបាកអនុវត្តតាមអ្វីដែលគាត់បានរៀនភ្លាមៗក៏ដោយ។ (ភី. ២:១៣) សិស្សរបស់អ្នកទំនងជាមានគុណសម្បត្តិជាច្រើន។ ដូច្នេះ សូមអធិដ្ឋានដើម្បីអ្នកអាចផ្ដោតទៅលើគុណសម្បត្តិរបស់គាត់។
