ចាប់ផ្ដើមការសន្ទនា
មេរៀនទី ៣
សប្បុរស
គោលការណ៍៖ ‹សេចក្ដីស្រឡាញ់មានចិត្តសប្បុរស›។—១កូ. ១៣:៤
អ្វីដែលលោកយេស៊ូធ្វើ
១. សូមមើល វីដេអូ ឬអានយ៉ូហាន ៩:១-៧។ បន្ទាប់មក សូមពិចារណាសំណួរដូចតទៅ៖
-
ក. តើលោកយេស៊ូបានធ្វើមួយណាមុន ធ្វើឲ្យបុរសនោះមើលឃើញ ឬប្រាប់ដំណឹងល្អដល់គាត់? (សូមមើលយ៉ូហាន ៩:៣៥-៣៨)
-
ខ. ហេតុអ្វីទង្វើនោះប្រហែលជាធ្វើឲ្យគាត់ព្រមស្ដាប់លោកយេស៊ូ?
តើគំរូលោកយេស៊ូបង្រៀនយើងយ៉ាងណា?
២. បុគ្គលម្នាក់ទំនងជាចង់ស្ដាប់ព័ត៌មានដែលយើងនិយាយ បើគាត់មានអារម្មណ៍ថាយើងយកចិត្តទុកដាក់ចំពោះគាត់។
ធ្វើតាមលោកយេស៊ូ
៣. ចេះយល់ចិត្ត។ សូមព្យាយាមស្រមៃគិតអំពីអារម្មណ៍របស់គាត់។
-
ក. សូមសួរខ្លួនអ្នកថា៖ ‹តើគាត់ប្រហែលជាកំពុងបារម្ភអំពីរឿងអ្វី? តើគាត់មើលទៅត្រូវការជំនួយបែបណា?›។ ពេលគិតដូច្នេះ នោះនឹងជួយអ្នកឲ្យបង្ហាញភាពសប្បុរសចេញពីចិត្ត។
-
ខ. បើគាត់ប្រាប់អ្នកអំពីអារម្មណ៍ឬបញ្ហារបស់គាត់ សូមស្ដាប់គាត់ ហើយកុំប្ដូរសាច់រឿង។ ពេលស្ដាប់ សូមបង្ហាញថាអ្វីដែលគាត់និយាយគឺសំខាន់ចំពោះអ្នក។
៤. និយាយសប្បុរសនិងគោរព។ ពេលអ្នកអាណិតបុគ្គលណាម្នាក់ ហើយចង់ជួយគាត់យ៉ាងពិតប្រាកដ នោះនឹងស្ដែងឲ្យឃើញតាមរបៀបដែលអ្នកនិយាយ។ ដូច្នេះ ចូរប្រើពាក្យសម្ដីពីរោះពិសា ហើយជៀសវាងសម្ដីណាដែលអាចធ្វើឲ្យគាត់ឈឺចិត្ត។
៥. ចេះយកអាសា។ ស្វែងរកឱកាសដើម្បីជួយអ្នកណាម្នាក់។ ពេលអ្នកនោះឃើញអ្នកបង្ហាញចិត្តសប្បុរស នោះគាត់ប្រហែលជាចង់សន្ទនាជាមួយនឹងអ្នក។
