ប្រអប់ការពន្យល់បន្ថែម ១៩ខ
ទឹកហូររិញៗបានទៅជាទន្លេដ៏ធំ!
អេសេគាលបានឃើញអូរមួយដែលហូររិញៗពីវិហាររបស់ព្រះយេហូវ៉ា ហើយក្លាយជាទន្លេដ៏ធំអស្ចារ្យក្នុងចម្ងាយប្រមាណពីរគីឡូម៉ែត្រប៉ុណ្ណោះ! នៅតាមដងទន្លេ គាត់ឃើញដើមឈើដ៏ស្រស់បំព្រងដែលផ្ដល់ជីវជាតិនិងធ្វើឲ្យជាសះស្បើយ។ តើអ្វីទាំងអស់នេះមានន័យយ៉ាងណា?
ទន្លេដែលផ្ដល់ពរ
សម័យបុរាណ: ក្រោយជននិរទេសត្រឡប់មកស្រុកកំណើតរបស់ខ្លួនវិញ ពួកគេទទួលពរជាច្រើនដោយសារពួកគេរួមចំណែកក្នុងការរៀបចំការគោរពប្រណិប័តន៍ពិតឡើងវិញនៅឯវិហារ
សម័យយើង: នៅឆ្នាំ១៩១៩ ការគោរពប្រណិប័តន៍ពិតបានត្រូវរៀបចំឡើងវិញ។ នេះនាំឲ្យពួកអ្នកបម្រើស្មោះត្រង់របស់ព្រះទទួលពរយ៉ាងហូរហៀរពីលោក
ថ្ងៃអនាគត: ក្រោយសង្គ្រាមអាម៉ាគេដូន ព្រះយេហូវ៉ានឹងផ្ដល់ពរជាច្រើនដល់យើងដូចជា ជួយយើងឲ្យទៅជាល្អឥតខ្ចោះ និងបង្រៀនយើងនូវសេចក្ដីពិតថ្មីៗ
ទឹកដែលផ្ដល់ជីវិត
សម័យបុរាណ: ព្រះយេហូវ៉ាផ្ដល់ពរជាបរិបូរដល់រាស្ត្ររបស់លោកដែលស្ដាប់បង្គាប់ ពួកគេមានចំនួនកាន់តែច្រើន ហើយមានជំនឿរឹងមាំ ព្រមទាំងមានចំណងមិត្តភាពជិតស្និទ្ធជាមួយនឹងលោក
សម័យយើង: ក្នុងបរិយាកាសក្នុងចំណោមរាស្ត្រព្រះដែលប្រៀបដូចជាសួនឧទ្យាន មនុស្សកាន់តែច្រើនទទួលប្រយោជន៍ពីសេចក្ដីពិតក្នុងគម្ពីរ ហើយបានរៀនអំពីព្រះយេហូវ៉ា ព្រមទាំងចូលរួមជាមួយនឹងអស់អ្នកដែលគោរពប្រណិប័តន៍លោកតាមរបៀបដែលលោកពេញចិត្ត
ថ្ងៃអនាគត: អស់អ្នកដែលរួចជីវិតពីសង្គ្រាមអាម៉ាគេដូន នឹងចូលរួមជាមួយមនុស្សរាប់រយលាននាក់ដែលនឹងត្រូវប្រោសឲ្យរស់ឡើងវិញ ហើយពួកគេទាំងអស់នឹងទទួលពរជាបរិបូរពីព្រះយេហូវ៉ា
ដើមឈើសម្រាប់ជាអាហារនិងធ្វើឲ្យជាសះស្បើយ
សម័យបុរាណ: ព្រះយេហូវ៉ាបានបង្រៀនសេចក្ដីពិតដល់រាស្ត្រលោក ហើយបានរៀបចំឲ្យពួកគេគោរពប្រណិប័តន៍លោកតាមរបៀបដែលលោកពេញចិត្ត។ បន្ថែមទៅទៀត លោកជួយពួកគេឲ្យជៀសចេញពីការគោរពបូជារូបព្រះឬអ្វីណាក៏ដោយដែលទាក់ទងនឹងការប្រណិប័តន៍មិនពិត
សម័យយើង: ការយល់ដឹងសេចក្ដីពិតពីគម្ពីរជួយរាស្ត្ររបស់ព្រះឲ្យនៅស្មោះត្រង់ចំពោះលោក ឲ្យជៀសវាងអំពើខុសឆ្គងធ្ងន់ធ្ងរនិងចិត្តគំនិតមិនត្រឹមត្រូវរបស់មនុស្សក្នុងពិភពលោកនេះ
ថ្ងៃអនាគត: គ្រិស្តនិងពួក១៤៤.០០០នាក់ដែលគ្រប់គ្រងជាមួយលោក នឹងជួយមនុស្សទាំងអស់ដែលស្ដាប់បង្គាប់ទៅជាល្អឥតខ្ចោះ ព្រមទាំងមានសុខភាពល្អនិងកម្លាំងមាំមួនជារៀងរហូត!