របៀបរស់នៅជាគ្រិស្តសាសនិក

ចូរប្រព្រឹត្តចំពោះស្ត្រីវ័យចាស់ដូចម្ដាយ ហើយស្ត្រីវ័យក្មេងដូចបងស្រី

លេង

បទគម្ពីរប្រាប់យើងឲ្យប្រព្រឹត្តចំពោះគ្រិស្តសាសនិកវ័យចាស់ដូចឪពុកម្ដាយ ហើយបងប្អូនវ័យក្មេងដូចបងប្អូនយើង។ (សូមអាន ធីម៉ូថេទី១ ៥:១, ២) ជាពិសេស បងប្អូនប្រុសៗត្រូវប្រព្រឹត្តចំពោះបងប្អូនស្រីៗដោយថ្លៃថ្នូរ និងដោយការគោរព។

បងប្អូនប្រុសៗមិនគួរចែចង់ ឬធ្វើអ្វីក៏ដោយដែលនាំឲ្យបងស្រីណាម្នាក់មានអារម្មណ៍មិនស្រួលពេលនៅជាមួយគាត់ឡើយ។ (យ៉ូប ៣១:១) បងប្រុសនៅលីវមិនគួរយកមនោសញ្ចេតនារបស់បងស្រីនៅលីវណាម្នាក់មកលេងសើចនោះឡើយ ដោយធ្វើឲ្យគាត់យល់ច្រឡំថាបងប្រុសនោះចង់មានទំនាក់ទំនងស្នេហា ប៉ុន្តែតាមពិតមិនមែនទេ។

អ្នកចាស់ទុំគួរបង្ហាញការយកចិត្តទុកដាក់ដោយសប្បុរសចំពោះបងប្អូនស្រីៗណាដែលសួរសំណួរដោយការគោរព ឬប្រាប់អំពីរឿងណាមួយដែលត្រូវដោះស្រាយ។ អ្នកចាស់ទុំពិតជាចង់យកចិត្តទុកដាក់នឹងបងប្អូនស្រីណាដែលគ្មានប្ដីដើម្បីការពារពួកគេ។—រស់. ២:៨, ៩

សូមទស្សនាវីដេអូចូរបង្ហាញសេចក្ដីស្រឡាញ់ដែលមិនចេះសាបសូន្យក្នុងក្រុមជំនុំ ចំពោះស្ត្រីមេម៉ាយនិងពួកអ្នកដែលកំព្រាឪពុក រួចឆ្លើយសំណួរដូចតទៅនេះ៖

តើតាមរបៀបណាបងប្អូនក្នុងក្រុមជំនុំបានបង្ហាញសេចក្ដីស្រឡាញ់ចំពោះបងស្រីម៉ាយអ៊ីន?
តើសេចក្ដីស្រឡាញ់ដែលបងប្អូនក្នុងក្រុមជំនុំបានបង្ហាញ ធ្វើឲ្យអ្នកភូមិសរសើរនិងលើកតម្កើងនាមព្រះយ៉ាងដូចម្ដេច?
តើសេចក្ដីស្រឡាញ់ដែលបងប្អូនក្នុងក្រុមជំនុំបានបង្ហាញ មានឥទ្ធិពលយ៉ាងណាទៅលើកូនស្រីៗរបស់បងស្រីម៉ាយអ៊ីន?