របៀបរស់នៅជាគ្រិស្តសាសនិក
អ្នកអាចធ្វើឲ្យក្រុមគ្រួសាររបស់អ្នកមានអំណរ
ព្រះយេហូវ៉ាចង់ឲ្យក្រុមគ្រួសារមានសុភមង្គល។ (ចសព. ១២៧:៣-៥; អទ. ៩:៩; ១១:៩) ប៉ុន្តែ យើងអាចបាត់បង់អំណរដោយសារបញ្ហាដែលមកពីពិភពលោកនេះ និងកំហុសរបស់សមាជិកក្នុងក្រុមគ្រួសារ។ តើបុគ្គលម្នាក់ៗអាចធ្វើអ្វីដើម្បីឲ្យក្រុមគ្រួសារមានអំណរ?
ប្ដីឲ្យកិត្តិយសដល់ប្រពន្ធ។ (១ពេ. ៣:៧) គាត់ចំណាយពេលជាមួយនាង។ គាត់មិនតម្រូវហួសហេតុពេកពីនាង ហើយបង្ហាញចិត្តដឹងគុណចំពោះអ្វីដែលនាងធ្វើដើម្បីគាត់ និងក្រុមគ្រួសារ។ (កូឡ. ៣:១៥) គាត់បង្ហាញសេចក្ដីស្រឡាញ់ចំពោះនាង ហើយសរសើរនាង។—សុភ. ៣១:២៨, ៣១
ប្រពន្ធរកវិធីផ្សេងៗដើម្បីគាំទ្រប្ដី។ (សុភ. ៣១:១២) នាងចុះចូលនឹងប្ដី ហើយសហការជាមួយគាត់។ (កូឡ. ៣:១៨) នាងនិយាយដោយសប្បុរសជាមួយប្ដី និងនិយាយអំពីប្ដីដោយសប្បុរស។—សុភ. ៣១:២៦
ឪពុកម្ដាយចំណាយពេលជាមួយកូនៗ។ (បច. ៦:៦, ៧) ពួកគាត់ប្រាប់កូនៗថាពួកគាត់ស្រឡាញ់ពួកគេ។ (ម៉ាថ. ៣:១៧) ពេលប្រៀនប្រដៅកូន ពួកគាត់វែកញែក និងបង្ហាញសេចក្ដីស្រឡាញ់។—អេភ. ៦:៤
កូនៗឲ្យកិត្តិយសនិងស្ដាប់បង្គាប់ឪពុកម្ដាយ។ (សុភ. ២៣:២២) ពួកគេប្រាប់ឪពុកម្ដាយអំពីគំនិតនិងអារម្មណ៍របស់ពួកគេ។ ពួកគេទទួលយកការប្រៀនប្រដៅពីឪពុកម្ដាយ ហើយបង្ហាញការគោរព។—សុភ. ១៩:២០
សូមទស្សនាវីដេអូចូរបណ្ដុះឲ្យមានអំណរក្នុងក្រុមគ្រួសារអ្នក រួចឆ្លើយសំណួរខាងក្រោមនេះ៖
តើសមាជិកម្នាក់ៗបានធ្វើអ្វីខ្លះដើម្បីបណ្ដុះឲ្យមានអំណរក្នុងក្រុមគ្រួសារ?
