របៀបរស់នៅជាគ្រិស្តសាសនិក
ពួកគេខំប្រឹងដើម្បីបម្រើយើង
អ្នកត្រួតពិនិត្យប្រចាំមណ្ឌលនិងប្រពន្ធរបស់ពួកគាត់បង្ហាញសេចក្ដីស្រឡាញ់ដែលមិនគិតពីប្រយោជន៍ផ្ទាល់ខ្លួនចំពោះបងប្អូន។ ពួកគាត់ក៏មានសេចក្ដីត្រូវការផ្ទាល់ខ្លួន ហើយពេលខ្លះពួកគាត់មានអារម្មណ៍ហត់នឿយ ធ្លាក់ទឹកចិត្ត និងព្រួយបារម្ភដូចយើងដែរ។ (យ៉ា. ៥:១៧) ទោះជាយ៉ាងនោះក្ដី រាល់សប្ដាហ៍ពួកគាត់ព្យាយាមលើកទឹកចិត្តបងប្អូនក្នុងក្រុមជំនុំ។ អ្នកត្រួតពិនិត្យប្រចាំមណ្ឌលពិតជា«គួរទទួលការគោរពយ៉ាងជ្រាលជ្រៅ»មែន។—១ធី. ៥:១៧
ពេលសាវ័កប៉ូលរៀបចំគម្រោងទៅលេងទីក្រុងរ៉ូមដើម្បី«ឲ្យពរពីព្រះ»ដល់ក្រុមជំនុំនៅទីនោះ គាត់ក៏ចង់ទទួលការ«លើកទឹកចិត្តគ្នាទៅវិញទៅមក»ដែរ។ (រ៉ូម ១:១១, ១២) តើអ្នកធ្លាប់គិតអំពីអ្វីដែលអ្នកអាចធ្វើដើម្បីលើកទឹកចិត្តអ្នកត្រួតពិនិត្យប្រចាំមណ្ឌលនិងប្រពន្ធរបស់គាត់ឬទេ (បើគាត់រៀបការហើយ)?
សូមទស្សនាវីដេអូជីវិតរបស់អ្នកត្រួតពិនិត្យប្រចាំមណ្ឌលនៅតំបន់ដាច់ស្រយាល រួចសួរសំណួរដូចតទៅនេះ៖
-
តើតាមរបៀបណាអ្នកត្រួតពិនិត្យប្រចាំមណ្ឌលនិងប្រពន្ធរបស់ពួកគាត់បានបង្ហាញសេចក្ដីស្រឡាញ់ដែលមិនគិតពីប្រយោជន៍ផ្ទាល់ខ្លួនចំពោះបងប្អូនក្នុងក្រុមជំនុំ?
-
តើអ្នកបានទទួលប្រយោជន៍យ៉ាងណាពីការខំប្រឹងរបស់ពួកគាត់?
-
តើតាមរបៀបណាយើងអាចលើកទឹកចិត្តពួកគាត់?
