របៀបរស់នៅជាគ្រិស្តសាសនិក
សកម្មភាពផ្សព្វផ្សាយពិសេសដើម្បីចាប់ផ្ដើមការសិក្សាគម្ពីរក្នុងខែកញ្ញា
ក្នុងអំឡុងខែកញ្ញា យើងនឹងខំប្រឹងស្នើសុំបង្រៀនគម្ពីរដល់មនុស្សទាំងអស់ដោយប្រើសៀវភៅស្ដើងសប្បាយនឹងជីវិតដែលគ្មានទីបញ្ចប់!។ បងប្អូនដែលចង់ត្រួសត្រាយជំនួយសម្រាប់ខែនោះអាចជ្រើសរើសផ្សព្វផ្សាយ៣០ម៉ោងបាន។ តើតាមរបៀបណាយើងអាចចូលរួមក្នុងសកម្មភាពផ្សព្វផ្សាយពិសេសនេះ?
-
ពេលជួបលើកដំបូង៖ សូមប្រើក្របខាងក្រោយនៃសៀវភៅស្ដើងដើម្បីទាក់ទាញចំណាប់អារម្មណ៍របស់ម្ចាស់ផ្ទះ ហើយព្យាយាមបង្ហាញពីការសិក្សាគម្ពីរ។ សូមនឹកចាំអំពីអ្នកដែលចាប់អារម្មណ៍ ដែលរួមបញ្ចូលការត្រឡប់ទៅជួបដែរ។ ទោះបីជាពីមុនពួកគេបដិសេធការសិក្សាគម្ពីរក៏ដោយ តែពួកគេប្រហែលជាចាប់អារម្មណ៍នឹងសៀវភៅស្ដើងនិងរបៀបសិក្សាថ្មីរបស់យើង។ បើអ្នកមិនបានជួបម្ចាស់ផ្ទះទេ សូមកុំទុកសៀវភៅស្ដើងនៅផ្ទះនោះ ឬផ្ញើទៅអ្នកដែលមិនបង្ហាញចំណាប់អារម្មណ៍ឡើយ។ គណៈកម្មាធិការកិច្ចបម្រើក្រុមជំនុំប្រហែលជានឹងរៀបចំក្រុមផ្សព្វផ្សាយបន្ថែមក្នុងអំឡុងខែនេះ។
-
ឱកាសឯទៀត៖ បើក្រុមជំនុំរបស់អ្នកប្រើរទេះផ្សាយ សូមដាក់តាំងសៀវភៅស្ដើងសប្បាយនឹងជីវិតដែលគ្មានទីបញ្ចប់! សូមប្រាប់អ្នកដែលចាប់អារម្មណ៍ថាពេលដែលពួកគេទទួលបានសៀវភៅស្ដើងនេះ ពួកគេក៏អាចទទួលវគ្គសិក្សាគម្ពីរដោយឥតគិតថ្លៃដែរ។ ពេលកំពុងសន្ទនា សូមបង្ហាញរបៀបសិក្សាគម្ពីរយ៉ាងខ្លី ឬណាត់ពេលណាមួយដើម្បីធ្វើដូច្នេះ។ អ្នកត្រួតពិនិត្យកិច្ចបម្រើប្រហែលជាអាចរៀបចំអ្នកផ្សាយដែលមានលក្ខណៈគ្រប់គ្រាន់ដើម្បីផ្សព្វផ្សាយនៅតំបន់ពាណិជ្ជកម្ម ហើយស្នើសុំបង្រៀនគម្ពីរ។ អ្នកក៏ប្រហែលជាអាចស្នើបង្រៀនគម្ពីរទៅអ្នករួមការងារ ឬមនុស្សដែលអ្នកជួបពេលផ្សព្វផ្សាយក្រៅផ្លូវការដែរ។
លោកយេស៊ូបង្គាប់យើងឲ្យ«បង្រៀនមនុស្សគ្រប់ជាតិសាសន៍ឲ្យក្លាយជាអ្នកកាន់តាម»លោក និង«បង្រៀនពួកគេ»។ (ម៉ាថ. ២៨:១៩, ២០) សូមឲ្យសកម្មភាពផ្សព្វផ្សាយពិសេសនេះជួយអ្នកឲ្យសម្រេចគោលដៅនេះដោយប្រើសៀវភៅស្ដើងសប្បាយនឹងជីវិតដែលគ្មានទីបញ្ចប់!
