ចំណេះវិសេសពីបណ្ដាំរបស់ព្រះ | លូកា ៨-៩
សូមធ្វើជាអ្នកកាន់តាមខ្ញុំ តើមានតម្រូវការអ្វីខ្លះ?
ដើម្បីភ្ជួរដីឲ្យត្រង់តាមគន្លង អ្នកភ្ជួរមិនអាចងាកទៅមើលអ្វីដែលនៅក្រោយបានទេ។ ស្រដៀងគ្នាដែរ គ្រិស្ដសាសនិកមិនអាចឲ្យអ្វីមកបង្វែរអារម្មណ៍គាត់ឲ្យបែរមើលអ្វីៗដែលគាត់បានលះចោលក្នុងពិភពលោកនេះឡើយ។—ភី. ៣:១៣
ពេលយើងជួបការពិបាក គឺស្រួលឲ្យយើងគិតថាជីវិតពីមុនរបស់យើងគឺល្អប្រសើរជាង ប្រហែលជាពេលមុនយើងស្គាល់សេចក្ដីពិត។ ពេលយើងធ្វើដូច្នេះ យើងច្រើនតែគិតថាកាលពីមុនយើងមិនសូវមានបញ្ហាទេ ហើយក៏មានសុភមង្គលច្រើនជាងដែរ។ ជនជាតិអ៊ីស្រាអែលបានធ្វើដូច្នេះក្រោយពីពួកគេបានចេញពីស្រុកអេស៊ីប។ (ជន. ១១:៥, ៦) បើយើងមានគំនិតបែបនេះ យើងអាចត្រូវល្បួងឲ្យត្រឡប់ទៅរកជីវិតពីមុនរបស់យើងវិញ។ ក៏ប៉ុន្ដែ ពេលយើងរំពឹងគិតអំពីពរនៅឥឡូវនេះ ហើយផ្ដោតអារម្មណ៍ទៅលើអំណរនៅខាងមុខក្រោមការគ្រប់គ្រងនៃរាជាណាចក្រព្រះ នោះគឺល្អជាងយ៉ាងណាទៅ!—២កូ. ៤:១៦-១៨
