របៀបរស់នៅជាគ្រិស្តសាសនិក
ចូរបន្តបង្វឹកបង្ហាត់សមត្ថភាពវែកញែករបស់អ្នក
កីឡាករម្នាក់ត្រូវបន្តហ្វឹកហាត់សាច់ដុំរបស់គាត់ ដើម្បីឲ្យគាត់នៅតែជាកីឡាករដែលមានភាពប៉ិនប្រសប់។ ស្រដៀងគ្នាដែរ យើងត្រូវខំប្រឹងអស់ពីសមត្ថភាពដើម្បីបន្តបង្វឹកបង្ហាត់ ហើយថែទាំសមត្ថភាពវែកញែករបស់យើង។ (ហេ. ៥:១៤) ទោះជាយើងប្រហែលជាមានទំនោរចិត្តចង់ធ្វើតាមការសម្រេចចិត្តរបស់អ្នកឯទៀតក៏ដោយ យើងត្រូវប្រើសមត្ថភាពរិះគិតរបស់យើង ហើយសម្រេចចិត្តដោយខ្លួនឯង។ ហេតុអ្វី? ដោយសារព្រះនឹងវិនិច្ឆ័យយើងម្នាក់ៗតាមការសម្រេចចិត្តរបស់យើងរៀងខ្លួន។—រ៉ូម ១៤:១២
យើងមិនគួរសន្និដ្ឋានថាយើងនឹងធ្វើការសម្រេចចិត្តល្អដោយសារតែយើងបានទទួលការជ្រមុជទឹកអស់ជាច្រើនឆ្នាំនោះទេ។ ដើម្បីធ្វើការសម្រេចចិត្តដោយឈ្លាសវៃ យើងត្រូវតែពឹងផ្អែកទាំងស្រុងទៅលើព្រះយេហូវ៉ា បណ្ដាំរបស់លោក និងអង្គការរបស់លោក។—យ៉ូស. ១:៧, ៨; សុភ. ៣:៥, ៦; ម៉ាថ. ២៤:៤៥
សូមទស្សនាវីដេអូ«កុំធ្វើអ្វីដែលនាំឲ្យសមត្ថភាពវិនិច្ឆ័យផ្ដន្ទាទោស» រួចឆ្លើយសំណួរដូចតទៅនេះ៖
-
តើអេមម៉ាត្រូវធ្វើការសម្រេចចិត្តអ្វី?
-
ហេតុអ្វីយើងគួរជៀសវាងពីការឲ្យយោបល់តាមទស្សនៈផ្ទាល់ខ្លួនក្នុងរឿងដែលទាក់ទងនឹងសមត្ថភាពវិនិច្ឆ័យ?
-
តើប្ដីប្រពន្ធមួយគូបានផ្ដល់ការណែនាំដ៏ល្អអ្វីដល់អេមម៉ា?
-
តើអេមម៉ាបានស្វែងរកព័ត៌មានដែលអាចជួយគាត់ឲ្យធ្វើការសម្រេចចិត្តល្អនៅឯណា?
