ចូរខំព្យាយាមក្នុងកិច្ចបម្រើផ្សាយ | ចូរបង្កើនអំណររបស់អ្នកក្នុងកិច្ចបម្រើផ្សាយ
ប្រើឧបករណ៍ស្រាវជ្រាវរបស់យើង
ព្រះយេហូវ៉ាផ្ដល់ឲ្យយើងនូវឧបករណ៍ផ្សេងៗដើម្បីបង្រៀនដោយប៉ិនប្រសប់ ដូចជាវីដេអូ ខិត្តប័ណ្ណ សៀវភៅស្ដើង សៀវភៅផ្សេងៗ និងឧបករណ៍ចម្បងរបស់យើងពោលគឺគម្ពីរ។ (២ធី. ៣:១៦) លោកក៏បានផ្ដល់ឧបករណ៍ស្រាវជ្រាវផ្សេងៗដែលអាចជួយយើងបកស្រាយបទគម្ពីរផងដែរ។ នេះរួមបញ្ចូលបណ្ណាល័យប៉មយាម JWបណ្ណាល័យ បណ្ណាល័យអ៊ីនធឺណិតរបស់ប៉មយាម និងជំនួយស្រាវជ្រាវសម្រាប់សាក្សីព្រះយេហូវ៉ា។
អ្នកនឹងមានអំណរកាលដែលអ្នកខំស្វែងរកចំណេះវិសេសពីបណ្ដាំរបស់ព្រះតាមរយៈឧបករណ៍ដែលអ្នកមាន។ សូមបង្ហាត់បង្រៀនសិស្សរបស់អ្នកឲ្យចេះប្រើឧបករណ៍ទាំងនេះ ហើយពួកគេនឹងមានអំណរពេលដែលពួកគេរកឃើញចម្លើយចំពោះសំណួរផ្សេងៗដែលពួកគេមានអំពីគម្ពីរ។
សូមទស្សនាវីដេអូចូរមានអំណរក្នុងការជួយមនុស្សឲ្យក្លាយទៅជាអ្នកបម្រើព្រះយេហូវ៉ា ដោយទទួលយកជំនួយពីលោក ប្រើឧបករណ៍ស្រាវជ្រាវ រួចឆ្លើយសំណួរដូចតទៅនេះ៖
-
តើហ្គិចមានការសង្ស័យអ្វីអំពីការបង្កើត?
-
តើនីតាស្វែងរកព័ត៌មានអំពីប្រធានបទនេះនៅឯណា?
-
ការស្វែងរកនិងការចែករំលែកចំណេះវិសេសពីគម្ពីរនាំឲ្យយើងមានអំណរ
តើតាមរបៀបណាគាត់បានជ្រើសរើសព័ត៌មានដែលត្រូវនឹងសំណួររបស់ហ្គិច?
-
តើការប្រើឧបករណ៍ស្រាវជ្រាវរបស់យើងមានឥទ្ធិពលយ៉ាងណាទៅលើនីតា?
