សេចក្ដីសន្យារបស់ព្រះស្ដីអំពីការធ្វើអ្វីៗទាំងអស់ជាថ្មី ដែលបានត្រូវកត់ទុកក្នុងអេសាយ ជំពូកទី៦៥ គឺពិតប្រាកដដល់ម៉្លេះបានជាព្រះយេហូវ៉ាមានប្រសាសន៍អំពីសេចក្ដីសន្យានោះ ហាក់ដូចជាបានសម្រេចរួចហើយ

៦៥:១៧

តើមេឃថ្មីគឺជាអ្វី?

• គឺជារដ្ឋាភិបាលថ្មីមួយដែលនឹងនាំមកនូវស្ថានភាពដែលពោរពេញទៅដោយសេចក្ដីសុចរិតមកលើផែនដី

• រដ្ឋាភិបាលនេះបានចាប់ផ្ដើមគ្រប់គ្រងនៅឆ្នាំ១៩១៤ ពេលដែលគ្រិស្ដបានត្រូវតែងតាំងជាស្ដេចក្នុងរាជាណាចក្រព្រះ

តើផែនដីថ្មីគឺជាអ្វី?

• គឺជាសង្គមមនុស្សដែលមកពីគ្រប់ជាតិសាសន៍ គ្រប់ភាសា និងគ្រប់ពណ៌សម្បុរ ហើយពួកគេពេញចិត្ដចុះចូលក្រោមការគ្រប់គ្រងនៃរដ្ឋាភិបាលថ្មីនៅស្ថានសួគ៌

តើតាមរបៀបណារបស់ពីមុនៗនឹងគ្មានអ្នកណានឹកចាំទៀត?

• ការចងចាំដ៏ឈឺចាប់ទាំងប៉ុន្មាន ដូចជាការឈឺចាប់ខាងផ្លូវកាយខាងផ្លូវចិត្ដនឹងលែងមានទៀត

• មនុស្សជាតិដែលស្មោះត្រង់នឹងមានជីវិតសប្បាយយ៉ាងពេញលេញ ហើយនឹងមានការនឹកចាំល្អៗជារៀងរាល់ថ្ងៃ