របៀបរស់នៅជាគ្រិស្តសាសនិក
ឪពុកម្ដាយទាំងឡាយ ចូរបង្រៀនកូនៗនូវអ្វីដែលពួកគេគួរដឹង
យើងរស់នៅក្នុងពិភពលោកដែលធ្វើឲ្យយើងគិតថាអ្វីដែលល្អគឺអាក្រក់ ហើយអ្វីដែលអាក្រក់គឺល្អទៅវិញ។ (អេ. ៥:២០) គួរឲ្យស្ដាយណាស់ មនុស្សខ្លះធ្វើអ្វីដែលព្រះយេហូវ៉ាស្អប់ដូចជាការប្រព្រឹត្តមិនសមរម្យរវាងមនុស្សដែលមានភេទដូចគ្នា។ មិត្តភក្ដិនៅសាលាឬអ្នកឯទៀតប្រហែលជាព្យាយាមទាក់ទាញប្អូនៗដ៏មានតម្លៃរបស់យើងឲ្យធ្វើតាមពួកគេ។ តើតាមរបៀបណាអ្នកអាចជួយកូនៗឲ្យប្រឈមមុខនឹងការល្បងលនេះនិងការល្បងលឯទៀតដោយជោគជ័យ?
ចូរបង្ហាត់បង្រៀនកូនៗអ្នកឲ្យដឹងអំពីខ្នាតតម្រារបស់ព្រះយេហូវ៉ា។ (លេវី. ១៨:៣) សូមបង្ហាត់បង្រៀនពួកគេបន្តិចម្ដងៗអំពីអ្វីដែលគម្ពីរចែងអំពីការរួមភេទ ស្របតាមអាយុរបស់ពួកគេ។ (ចោ. ៦:៧) សូមសួរខ្លួនអ្នកថា៖ ‹តើខ្ញុំបានបង្រៀនកូនៗអំពីការបង្ហាញមនោសញ្ចេតនាដោយសមរម្យ ការឲ្យអ្នកដ៏ទៃគោរពសិទ្ធពួកគេ និងសារៈសំខាន់នៃការស្លៀកពាក់សមរម្យឬនៅ? តើកូនៗរបស់ខ្ញុំដឹងថាត្រូវធ្វើយ៉ាងណាបើគេបង្ហាញរូបអាសអាភាស ឬសុំឲ្យពួកគេធ្វើអ្វីដែលព្រះយេហូវ៉ាហាម?›។ ការត្រៀមខ្លួនសម្រាប់ស្ថានភាពទាំងនេះនឹងជួយពួកគេឲ្យជៀសវាងពីបញ្ហាជាច្រើន។ (សុភ. ២៧:១២; សាស្ដ. ៧:១២) ដោយអប់រំកូនៗរបស់អ្នក អ្នកកំពុងបង្ហាញសេចក្ដីស្រឡាញ់ចំពោះមត៌កដ៏មានតម្លៃដែលមកពីព្រះយេហូវ៉ា។—ទំនុក. ១២៧:៣
សូមបង្ហាញវីដេអូ ចូរសង់ផ្ទះដែលនឹងស្ថិតស្ថេរដោយការពារកូនៗរបស់អ្នកពី«អ្វីដែលអាក្រក់» រួចមកឆ្លើយសំណួរដូចតទៅនេះ៖
-
ហេតុអ្វីឪពុកម្ដាយខ្លះស្ទាក់ស្ទើរក្នុងការបង្រៀនកូនៗរបស់ពួកគេអំពីការរួមភេទ?
-
ហេតុអ្វីឪពុកម្ដាយត្រូវតែបង្ហាត់បង្រៀនកូនៗរបស់ពួកគេតាម«ការប្រៀនប្រដៅរបស់ព្រះយេហូវ៉ា ហើយបណ្ដុះឲ្យកូនមានគំនិតដូចលោក»?—អេភ. ៦:៤
-
ចំណេះគឺជាការការពារ
តើអង្គការរបស់ព្រះយេហូវ៉ាបានផ្ដល់ជំនួយអ្វីខ្លះដល់ឪពុកម្ដាយដើម្បីបង្ហាត់បង្រៀនកូនៗអំពីការរួមភេទ?—w១៩.០៥ ទំ. ១២, ប្រអប់
-
ហេតុអ្វីអ្នកគួរប្រាស្រ័យទាក់ទងជាមួយនឹងកូនៗយ៉ាងទៀងទាត់មុនពេលមានបញ្ហាកើតឡើង?
