របៀបរស់នៅជាគ្រិស្តសាសនិក
ចូរមានគោលដៅផ្សេងៗក្នុងអំឡុងពិធីរំលឹក
ជារៀងរាល់ឆ្នាំ រាស្ត្ររបស់ព្រះយេហូវ៉ាទន្ទឹងរង់ចាំការធ្វើពិធីរំលឹកជាមួយគ្នា។ ក្នុងប៉ុន្មានសប្ដាហ៍មុននិងប៉ុន្មានសប្ដាហ៍ក្រោយពិធីរំលឹក យើងយកឱកាសពិសេសនេះដើម្បីសរសើរតម្កើងនិងថ្លែងអំណរគុណដល់ព្រះយេហូវ៉ាដែលបានផ្ដល់ថ្លៃលោះ ដែលជាអំណោយដ៏វិសេសដល់យើង។ (អេភ. ១:៣, ៧) ជាឧទាហរណ៍ យើងខំប្រឹងដើម្បីអញ្ជើញអ្នកឯទៀតឲ្យចូលរួមពិធីរំលឹក។ បងប្អូនខ្លះអាចផ្លាស់ប្ដូរកាលវិភាគរបស់ពួកគេដើម្បីចុះឈ្មោះធ្វើជាអ្នកត្រួសត្រាយជំនួយ ដោយផ្សព្វផ្សាយ៣០ឬ៥០ម៉ោងក្នុងអំឡុងខែមីនានិងមេសា។ តើអ្នកចង់បង្កើនកិច្ចបម្រើផ្សាយរបស់អ្នកក្នុងអំឡុងរដូវពិធីរំលឹកនេះទេ? តើអ្នកអាចធ្វើអ្វីដើម្បីសម្រេចគោលដៅនេះ?
ជាញឹកញយ យើងអាចសម្រេចកិច្ចការជាច្រើនពេលដែលយើងរៀបចំគម្រោងទុកជាមុន។ (សុភ. ២១:៥) ដោយសាររដូវពិធីរំលឹកកាន់តែជិតមកដល់ ឥឡូវនេះគឺជាពេលដែលយើងអាចចាប់ផ្ដើមរៀបចំគម្រោង។ សូមពិចារណាអំពីរបៀបដែលអ្នកអាចចូលរួមក្នុងកិច្ចបម្រើផ្សាយឲ្យកាន់តែច្រើនឡើងក្នុងអំឡុងរដូវពិធីរំលឹក ហើយគិតអំពីអ្វីដែលអ្នកត្រូវធ្វើដើម្បីសម្រេចគោលដៅរបស់អ្នក។ ក្រោយមក សុំព្រះយេហូវ៉ាឲ្យផ្ដល់ពរចំពោះការខំប្រឹងរបស់អ្នក។—១យ៉ូន. ៥:១៤, ១៥
តើអ្នកអាចគិតអំពីរបៀបខ្លះៗដែលអ្នកអាចបង្កើនកិច្ចបម្រើផ្សាយរបស់អ្នកក្នុងអំឡុងរដូវពិធីរំលឹកឬទេ?
