របៀបរស់នៅជាគ្រិស្ដសាសនិក
ចូរជៀសចេញពីអន្ទាក់នៃការប្រើប្រាស់អ៊ីនធឺណិត
មូលហេតុសំខាន់: ដូចឧបករណ៍ភាគច្រើនដែរ អ៊ីនធឺណិតអាចមានប្រយោជន៍ឬគ្រោះថ្នាក់។ គ្រិស្ដសាសនិកខ្លះសម្រេចចិត្ដមិនប្រើបណ្ដាញគេហទំព័រដើម្បីទាក់ទងគ្នា។ គ្រិស្ដសាសនិកខ្លះទៀតប្រើអ៊ីនធឺណិតដើម្បីទាក់ទងជាមួយក្រុមគ្រួសារនិងមិត្ដភក្ដិ។ ទោះជាយ៉ាងនេះក្ដី មេកំណាចចង់ឲ្យយើងប្រើអ៊ីនធឺណិតដោយមិនឈ្លាសវៃ ដែលអាចបង្ខូចកេរ្ដិ៍ឈ្មោះរបស់យើង និងចំណងមិត្ដភាពរបស់យើងជាមួយនឹងព្រះយេហូវ៉ាផងដែរ។ ដូចលោកយេស៊ូ យើងអាចប្រើគោលការណ៍ពីបណ្ដាំរបស់ព្រះដើម្បីសម្គាល់គ្រោះថ្នាក់ដែលមកពីការប្រើអ៊ីនធឺណិត ហើយជៀសវាងពីគ្រោះថ្នាក់ទាំងនោះ។—លូក. ៤:៤, ៨, ១២
អន្ទាក់ដែលត្រូវជៀសចេញ:
-
ការប្រើអ៊ីនធឺណិតច្រើនហួសហេតុពេក។ ការចំណាយពេលច្រើនពេកដើម្បីប្រើអ៊ីនធឺណិតអាចស៊ីពេលវេលាដ៏មានតម្លៃរបស់យើងក្នុងកិច្ចបម្រើព្រះយេហូវ៉ា
គោលការណ៍គម្ពីរ: អេភ. ៥:១៥,១៦; ភី. ១:១០
-
ការមើលអ្វីដែលមិនសមត្រឹមត្រូវ។ ការមើលរូបភាពដែលធ្វើឲ្យមានអារម្មណ៍ស្រើបស្រាល អាចនាំឲ្យទៅជាការញៀនមើលរូបអាសអាភាស ឬប្រព្រឹត្ដអំពើប្រាសចាកសីលធម៌។ ការអានព័ត៌មាននិងមើលគេហទំព័ររបស់ពួកក្បត់ជំនឿ អាចបង្ខូចជំនឿរបស់គ្រិស្ដសាសនិកពិត
គោលការណ៍គម្ពីរ: ម៉ាថ. ៥:២៨; ភី. ៤:៨
-
ការបង្ហោះសារមតិឬរូបថតដែលមិនសមរម្យ។ ដោយសារចិត្ដជាគ្រឿងបញ្ឆោត បុគ្គលម្នាក់ប្រហែលជាមានបំណងចិត្ដចង់បង្ហោះសារមតិឬរូបថតដែលមិនសមរម្យចូលក្នុងបណ្ដាញសង្គមក្នុងអ៊ីនធឺណិត។ ប៉ុន្ដែ ការធ្វើដូច្នេះអាចបង្ខូចកេរ្ដិ៍ឈ្មោះរបស់អ្នកណាម្នាក់ ឬធ្វើឲ្យជំនឿរបស់គាត់ចុះខ្សោយ
គោលការណ៍គម្ពីរ: រ៉ូម ១៤:១៣; អេភ. ៤:២៩
សូមទស្សនាវីដេអូចូរប្រើអ៊ីនធឺណិតដោយឈ្លាសវៃ រួចរំលឹកឡើងវិញអំពីរបៀបជៀសចេញក្នុងស្ថានភាពដូចតទៅនេះ:
