របៀបរស់នៅជាគ្រិស្ដសាសនិក
តើព្រះយេហូវ៉ាមានទស្សនៈយ៉ាងណា?
មុនធ្វើការសម្រេចចិត្តធំឬតូច ជាការល្អដែលយើងសួរខ្លួនយើងថា ‹តើព្រះយេហូវ៉ាមានទស្សនៈយ៉ាងណា?› ពិតណាស់ យើងមិនអាចដឹងអ្វីទាំងអស់អំពីគំនិតរបស់ព្រះយេហូវ៉ាបានទេ ប៉ុន្តែលោកបានបើកបង្ហាញព័ត៌មានគ្រប់គ្រាន់ក្នុងបណ្ដាំរបស់លោកដើម្បីជួយយើងឲ្យត្រៀមលក្ខណៈសព្វគ្រប់ក្នុងការ«ធ្វើការល្អគ្រប់យ៉ាង»។ (២ធី. ៣:១៦, ១៧; រ៉ូម ១១:៣៣, ៣៤) លោកយេស៊ូយល់ច្បាស់អំពីបំណងប្រាថ្នារបស់ព្រះយេហូវ៉ា ហើយចាត់ទុកបំណងប្រាថ្នានោះថាសំខាន់បំផុតក្នុងជីវិតរបស់លោក។ (យ៉ូន. ៤:៣៤) ដោយយកតម្រាប់លោកយេស៊ូ សូមយើងខំអស់ពីសមត្ថភាពដើម្បីធ្វើការសម្រេចចិត្តដែលនាំឲ្យព្រះយេហូវ៉ាពេញចិត្ត។—យ៉ូន. ៨:២៨, ២៩; អេភ. ៥:១៥-១៧
សូមទស្សនាវីដេអូចូរយល់អំពីបំណងប្រាថ្នារបស់ព្រះយេហូវ៉ា (លេវី. ១៩:១៨) រួចមកឆ្លើយសំណួរដូចតទៅ៖
-
ហេតុអ្វីយើងត្រូវធ្វើតាមគោលការណ៍គម្ពីរក្នុងជីវិតយើង?
-
តើគោលការណ៍គម្ពីរគួរមានឥទ្ធិពលយ៉ាងណាពេលយើងជ្រើសរើសវីដេអូចម្រៀង?
-
តើគោលការណ៍គម្ពីរគួរមានឥទ្ធិពលយ៉ាងណាពេលយើងជ្រើសរើសសម្លៀកបំពាក់និងការសម្អិតសម្អាងខ្លួន?
-
តើយើងត្រូវធ្វើតាមគោលការណ៍គម្ពីរក្នុងស្ថានភាពណាខ្លះទៀត?
-
តើយើងអាចធ្វើអ្វីខ្លះដើម្បីយល់កាន់តែច្បាស់អំពីបំណងប្រាថ្នារបស់ព្រះយេហូវ៉ា?
តើការសម្រេចចិត្តរបស់ខ្ញុំបង្ហាញយ៉ាងណាអំពីចំណងមិត្តភាពរវាងខ្ញុំនិងព្រះយេហូវ៉ា?
