របៀបរស់នៅជាគ្រិស្តសាសនិក
វិធីបីយ៉ាងដើម្បីពឹងផ្អែកលើព្រះយេហូវ៉ា
ដាវីឌបានយកឈ្នះកូលីយ៉ាតដោយសារគាត់បានពឹងផ្អែកទៅលើព្រះយេហូវ៉ា។ (១សាំ. ១៧:៤៥) ព្រះយេហូវ៉ាចង់ប្រើកម្លាំងរបស់លោកដើម្បីជួយអស់អ្នកដែលបម្រើលោក។ (២ប្រ. ១៦:៩) តើតាមរបៀបណាយើងអាចពឹងផ្អែកលើជំនួយដែលមកពីព្រះយេហូវ៉ា ជាជាងពឹងផ្អែកទៅលើបទពិសោធន៍និងសមត្ថភាពរបស់ខ្លួន? មានចំណុចបីយ៉ាង៖
-
អធិដ្ឋានជាទៀងទាត់។ មិនគ្រាន់តែអធិដ្ឋានសុំការអភ័យទោសក្រោយពីធ្វើអ្វីខុសនោះទេ ប៉ុន្តែយើងក៏គួរអធិដ្ឋានសុំកម្លាំងពីព្រះយេហូវ៉ាពេលយើងជួបការល្បងលដែរ។ (ម៉ាថ. ៦:១២, ១៣) ម្យ៉ាងទៀត យើងមិនគ្រាន់តែអធិដ្ឋានសុំពរពីព្រះយេហូវ៉ាក្រោយពេលយើងធ្វើការសម្រេចចិត្តហើយនោះទេ ប៉ុន្តែយើងគួរអធិដ្ឋានសុំការណែនាំនិងប្រាជ្ញាពីព្រះយេហូវ៉ាមុនពេលយើងធ្វើការសម្រេចចិត្ត។—យ៉ា. ១:៥
-
មានទម្លាប់ល្អក្នុងការអាននិងការសិក្សាគម្ពីរ។ សូមអានគម្ពីរជារៀងរាល់ថ្ងៃ។ (ចសព. ១:២) ចំណាយពេលរំពឹងគិតអំពីគំរូដែលមានក្នុងគម្ពីរ ហើយអនុវត្តអ្វីដែលយើងបានរៀនក្នុងជីវិតប្រចាំថ្ងៃ។ (យ៉ា. ១:២៣-២៥) រៀបចំឲ្យបានល្អសម្រាប់កិច្ចបម្រើផ្សាយ ជាជាងពឹងផ្អែកទៅលើបទពិសោធន៍របស់ខ្លួន។ ទទួលប្រយោជន៍យ៉ាងពេញលេញពីកិច្ចប្រជុំក្រុមជំនុំដោយរៀបចំឲ្យបានល្អ
-
សហការជាមួយអង្គការព្រះយេហូវ៉ា។ ស្វែងយល់ការណែនាំថ្មីៗបំផុតរបស់អង្គការព្រះ ក្រោយមកអនុវត្តតាមការណែនាំទាំងនោះយ៉ាងឆាប់រហ័ស។ (ជប. ៩:១៧) សូមស្ដាប់តាមយោបល់និងការណែនាំផ្សេងៗរបស់ពួកអ្នកចាស់ទុំ។—ហេ. ១៣:១៧
សូមទស្សនាវីដេអូគ្មានមូលហេតុឲ្យខ្លាចការបៀតបៀន រួចឆ្លើយសំណួរដូចតទៅនេះ៖
• តើបងប្អូនប្រុសស្រីរបស់យើងបានជួបប្រទះការភ័យខ្លាចអ្វី?
• តើអ្វីបានជួយពួកគាត់ឲ្យស៊ូទ្រាំនឹងការភ័យខ្លាចទាំងនោះ?
