យ៉ូបបានធ្លាក់ខ្លួនក្រ កូនស្លាប់ ថែមទាំងមានជំងឺធ្ងន់ធ្ងរទៀតផង។ ទោះជាយ៉ាងនោះក៏ដោយ គាត់នៅតែស្មោះត្រង់ចំពោះព្រះ។ ម៉្លោះហើយ សាថានបានព្យាយាមប្រើការធ្លាក់ទឹកចិត្ដ ដើម្បីធ្វើឲ្យយ៉ូបលែងមានចិត្ដស្មោះគ្រប់លក្ខណៈចំពោះព្រះ។ ខណៈនោះ ‹មិត្ដ›បីនាក់របស់យ៉ូបបានទៅជួបគាត់។ ដំបូង ពួកគេបានបង្ហាញជាសាធារណៈនូវក្ដីអាណិតអាសូរចំពោះយ៉ូប។ បន្ទាប់មក ពួកគេបានអង្គុយជាមួយនឹងយ៉ូបអស់រយៈពេល៧ថ្ងៃ ដោយមិននិយាយសម្រាលទុក្ខគាត់មួយម៉ាត់សោះ។ ក្រោយមក ពួកគេនិយាយទៅកាន់យ៉ូបសុទ្ធតែពាក្យសម្ដីចោទប្រកាន់ធ្ងន់ៗ។