សូមសួរខ្លួនថា‹តើខ្ញុំចង់ប្រើពាក្យផ្សាយគំរូឬទេ?›

ចង់

• រៀបចំពាក្យផ្ដើមរបស់អ្នក។ ក្រោយពីជម្រាបសួរនិងសួរសុខទុក្ខម្ចាស់ផ្ទះ សូមប្រាប់យ៉ាងខ្លីអំពីមូលហេតុដែលអ្នកមកលេង។ (ឧទាហរណ៍ «ខ្ញុំមកម្តុំនេះដោយសារ . . . »)

• គិតជាមុនថាអ្នកគួរប្រើពាក្យភ្ជាប់បែបណា ដើម្បីនាំចូលទៅសំណួរ ទៅបទគម្ពីរ និងការស្នើផ្ដល់។ (ឧទាហរណ៍ ដើម្បីនាំចូលបទគម្ពីរ អ្នកអាចនិយាយថា៖ «ចម្លើយដែលធ្វើឲ្យអ្នកអស់ចិត្ដ គឺអាចរកឃើញនៅក្នុងនេះ»)

មិនចង់

• ជ្រើសរើសប្រធានបទមួយពីទស្សនាវដ្ដីដែលអ្នកផ្ទាល់ចាប់អារម្មណ៍ ហើយអ្នកគិតថាមនុស្សក្នុងតំបន់ផ្សាយក៏ចាប់អារម្មណ៍ដែរ

• គិតជាមុនអំពីសំណួរត្រិះរិះមួយសម្រាប់សួរម្ចាស់ផ្ទះ ដើម្បីជួយគាត់រិះគិតនិងសន្ទនាជាមួយយើង។ ប៉ុន្ដែ កុំសួរសំណួរណាដែលធ្វើឲ្យគាត់មានអារម្មណ៍ខ្មាស។ (ឧទាហរណ៍ សំណួរដែលមាននៅទំព័រទី២ក្នុងទស្សនាវដ្ដី)

• ជ្រើសរើសបទគម្ពីរមួយដើម្បីអាន។ (បើអ្នកស្នើផ្ដល់ទស្សនាវដ្ដីភ្ញាក់រឭក! (Awake!) អ្នកអាចសម្រេចចិត្ដអានឬមិនអានបទគម្ពីរ ដោយសារទស្សនាវដ្ដីនេះបានត្រូវរៀបចំឡើងសម្រាប់អ្នកដែលមិនសូវមានចំណេះអំពីគម្ពីរ និងប្រហែលជាមិនជឿលើសាសនាទៀតផង)

• គិតអំពីពាក្យពីរបីឃ្លាដើម្បីពន្យល់អំពីរបៀបដែលម្ចាស់ផ្ទះនឹងទទួលប្រយោជន៍ពីការអានអត្ថបទនេះ

សម្រាប់ករណីទាំងពីរ

• រៀបចំសំណួរមួយសម្រាប់សួរម្ចាស់ផ្ទះដើម្បីឆ្លើយនៅពេលត្រឡប់ទៅជួបលើកក្រោយ

• កត់កំណត់ដើម្បីជួយអ្នកចងចាំអ្វីដែលអ្នកចង់និយាយលើកក្រោយ