របៀបរស់នៅជាគ្រិស្ដសាសនិក
ចូរបង្កើនភាពប៉ិនប្រសប់ក្នុងកិច្ចបម្រើផ្សាយ ពោលគឺបង្រៀនសិស្សឲ្យចេះរៀបចំទុកជាមុន
ហេតុអ្វីសំខាន់: ពេលសិស្សគម្ពីររៀបចំទុកជាមុន ពួកគាត់អាចយល់បានស្រួលជាង ហើយចាំអ្វីដែលយើងកំពុងបង្រៀនពួកគាត់។ ពេលពួកគាត់យល់និងចងចាំកាន់តែច្រើន ពួកគាត់នឹងរីកចម្រើនលឿនជាងដែរ។ ទោះជាក្រោយទទួលការជ្រមុជទឹកក្ដី ពួកគាត់នឹងត្រូវរៀបចំសម្រាប់កិច្ចប្រជុំនិងកិច្ចបម្រើផ្សាយដើម្បី«ចាំយាម»។ (ម៉ាថ. ២៥:១៣) យ៉ាងនេះ ការដឹងអំពីរបៀបសិក្សានិងការមានទម្លាប់ល្អក្នុងការសិក្សា នឹងផ្ដល់ប្រយោជន៍ដល់ពួកគាត់អស់មួយជីវិត។ តាំងពីដំបូង យើងគួរជួយសិស្សគម្ពីរឲ្យមានទម្លាប់រៀបចំទុកជាមុនសម្រាប់ការសិក្សា។
របៀបអនុវត្ដ:
-
ទុកគំរូល្អ។ (រ៉ូម ២:២១) រាល់ការរៀបចំសម្រាប់ការសិក្សា សូមគិតអំពីសិស្ស។ (km ១១/១៥ ទំ. ៣) សូមឲ្យគាត់មើលរបៀបដែលអ្នកបានគូសចម្លើយក្នុងសៀវភៅរបស់អ្នក
-
លើកទឹកចិត្ដគាត់ឲ្យរៀបចំ។ ពេលគាត់ចាប់ផ្ដើមរៀនជាទៀងទាត់ សូមឲ្យគាត់ដឹងថាការរៀបចំទុកជាមុនគឺជាផ្នែកមួយនៃការសិក្សាគម្ពីរ ហើយសូមពន្យល់អំពីអត្ថប្រយោជន៍។ សូមឲ្យយោបល់ល្អដល់គាត់អំពីរបៀបដែលគាត់អាចលៃពេលដើម្បីរៀបចំ។ អ្នកបង្រៀនគម្ពីរខ្លះអនុញ្ញាតឲ្យសិស្សគម្ពីរប្រើសៀវភៅរបស់គាត់ដែលបានគូសចម្លើយយ៉ាងត្រឹមត្រូវ ក្នុងអំឡុងការសិក្សាដើម្បីជួយសិស្សឲ្យឃើញអំពីអត្ថប្រយោជន៍។ សរសើរគាត់ពេលគាត់បានរៀបចំ
-
បង្ហាញគាត់អំពីរបៀបរៀបចំ។ ក្រោយការសិក្សាប៉ុន្មានដង អ្នកបង្រៀនគម្ពីរខ្លះចំណាយពេលដើម្បីបង្ហាញសិស្សគម្ពីររបស់ពួកគាត់អំពីរបៀបរៀបចំមេរៀនទុកជាមុន
