របៀបរស់នៅជាគ្រិស្ដសាសនិក

ចូរបង្កើនភាពប៉ិនប្រសប់ក្នុងកិច្ចបម្រើផ្សាយ ពោលគឺរបៀបប្រើJW.ORG

លេង

ហេតុអ្វីសំខាន់: សៀវភៅនិងវីដេអូទាំងអស់ក្នុងឧបករណ៍ដើម្បីបង្រៀនគម្ពីរ លើកទឹកចិត្ដឲ្យចូលJW.ORG។ តាមពិត គោលបំណងចម្បងនៃកាតវីស៊ីត និងខិត្ដប័ណ្ណ ពេលមានចម្ងល់អំពីជីវិត តើអាចរកចម្លើយនៅឯណា? គឺដើម្បីនាំមនុស្សចូលគេហទំព័ររបស់យើង។ អ្នកអាចស្នើផ្ដល់សៀវភៅឬវីដេអូពីឧបករណ៍ដើម្បីបង្រៀនគម្ពីរទៅអ្នកណាម្នាក់ ដោយប្រើJW.ORGដើម្បីផ្ញើជាអ៊ីមែល ឬព័ត៌មានដែលអាចចុចភ្ជាប់ទៅគេហទំព័ររបស់យើង។ ការធ្វើដូច្នេះអាចមានប្រយោជន៍ ជាពិសេសពេលផ្សព្វផ្សាយដល់អ្នកណាដែលនិយាយភាសាផ្សេង។ លើសពីនេះទៀត មនុស្សប្រហែលជាសួរសំណួរដែលគ្មានចម្លើយពីសៀវភៅណាមួយក្នុងឧបករណ៍ដើម្បីបង្រៀនគម្ពីរ។ បើយើងចេះប្រើគេហទំព័រយើង យើងកាន់តែមានប្រសិទ្ធភាពក្នុងកិច្ចបម្រើផ្សាយ។

របៀបអនុវត្ដ:

ប្រើទំព័រ«សេចក្ដីបង្រៀនក្នុងគម្ពីរ»។ ឧបមាថា អ្នកកំពុងផ្សព្វផ្សាយដល់ឪពុកម្ដាយដែលចង់ដឹងព័ត៌មានថែមទៀតអំពីការចិញ្ចឹមអប់រំកូន។ សូមចុច«សេចក្ដីបង្រៀនក្នុងគម្ពីរ» ▸ «អាពាហ៍ពិពាហ៍និងក្រុមគ្រួសារ»។
ប្រើទំព័រ«សៀវភៅផ្សេងៗ»។ ឧបមាថា អ្នកកំពុងផ្សព្វផ្សាយក្រៅផ្លូវការនៅសាលា ហើយអ្នកចង់ស្នើផ្ដល់សៀវភៅស្ដើងចម្លើយចំពោះ១០សំណួរពីពួកយុវវ័យ ដល់សិស្សរួមថ្នាក់ម្នាក់។ សូមចុច«សៀវភៅផ្សេងៗ» ▸ «សៀវភៅផ្សេងៗ»។
ប្រើទំព័រ«អំពីយើង»។ ឧបមាថា អ្នកកំពុងផ្សព្វផ្សាយដល់អ្នករួមការងារដែលចង់អានព័ត៌មានខ្លីៗអំពីជំនឿរបស់យើង។ សូមចុច«អំពីយើង» ▸ «សំណួរដែលមនុស្សជាច្រើនសួរ»។

សូមទស្សនាវីដេអូរបៀបប្រើJW.ORG រួចពិចារណាថាតើអ្នកនឹងចូលកន្លែងណាក្នុងគេហទំព័រយើងដើម្បីជួយ:

បុគ្គលមិនជឿថាមានព្រះ
បុគ្គលដែលទើបតែជួបរឿងខ្លោចផ្សា
បងប្អូនដែលអសកម្ម
អ្នកចាប់អារម្មណ៍ដែលឆ្ងល់អំពីរបៀបដែលកិច្ចការរបស់យើងទទួលប្រាក់ឧបត្ថម្ភ
បុគ្គលពីប្រទេសផ្សេងដែលចង់ចូលរួមកិច្ចប្រជុំនៅប្រទេសកំណើតរបស់គាត់

កិច្ចបម្រើនិងជីវិត កំណត់សម្រាប់កិច្ចប្រជុំ